خلاص هاشتري Getz بس للأسف لازم تحجز وتستلم بعد شهر

عرض للطباعة

26-10-2007, 01:49 AM
Zekairy

خلاص هاشتري Getz بس للأسف لازم تحجز وتستلم بعد شهر

[size=18]بعد مداولات ومناورات ومناوشات ومداخلات

قررت أشتري Getz الأتوماتيك

رحت " أبو غالي" قاللي ادفع ألف جنيه واختار اللون واقعد على الدكة جمب زمايلك !

طلعت على "غبور" قاللي : ادفع ألف جنيه واختار اللون وخليك واقف عشان مافيش مكان على الدكة !!

الكلام ده النهردة (يوم الخميس 26/10/2007)

مافيش حد شاف Getz راكنة في أي معرض كدة ولا كدة ؟!!

ولا الحوجة لغبور وأبو غالي

حتى لو كانت بواقي موديل 2007 أنا مش فارقة معايا , المهم أستلم

أصل الواحد بقى يخاف من حكاية الحجز دي لأن أول كلمة بيقولوهالك : كمان شهر

والله أعلم الشهر ده ممكن يطول قد ايه بعد كدة !

الناس اللي حاجزين يقولولنا ايه الموضوع وايه موقفهم , وهل كل الناس هاتستلم في وقت واحد (آخر شهر 11) ولا كل واحد يستلم بعد شهر من تاريخ الحجز ؟!

شكلنا كدة هانعمل رابطة جديدة نسميها "رابطة حاجزي الجيتز"

أو ممكن نسمي الموضوع : " الجـيــتــزاجــيـــة "

تم تعديل اللون الاحمر بمعرفتي ورجاء عدم الكتابة باللون الاحمر لانة لون خاص بالاشراف
كريم منير
26-10-2007, 02:05 AM
fahd_628

انا شفت 2 جيتز فى المصرية فى جرين بلازا الأسكندرية
26-10-2007, 02:20 AM
Zekairy

اسكندرية !!

بعيد أوي يا فهد

أنا من القاهرة - مدينة نصر

وبعدين أنا عاوز لون فيراني

أخاف أخبط مشوار لحد اسكندرية ومالائيش فيران هناك :-)
26-10-2007, 02:35 AM
أبو عبدالله

بلاش المصرية
26-10-2007, 03:22 AM
doglas

ليه يا أبو عبد الله بلاش المصرية ؟ هل فيه أى مشاكل معاهم ؟
27-10-2007, 02:57 PM
yahyanaabil

ايوه بلاش المصريه لان لو حتدفع كاش حيقعدوك اسبوعين مستنى
هما عالم غاويه تقسيط
27-10-2007, 04:34 PM
mokhtar

انا شفت واحده عندنا فى المصريه فرع دمياط بس مانيوال وفتحه سقف ولونها مش فاكره بصراحه فيرانى او كحلى لان الاضاءه ماكانتش كويسه........المهم شاور عقلك وقولى عشان تشرفنا فى دمياط ومتقلقش ..هنعمل معاك الواجب
..MOKHTAR..
27-10-2007, 04:43 PM
Hesham A.Megid

حضرتك هتجبها ب sunroof ولا من غير؟ لو من غير يبقي في معارض بتجبها...بص عند المصريه انا بشوفها عندهم دايما. لو ب sunroof يبقي لازم هتحجز عند عمو غبور و تستني!!!
27-10-2007, 05:42 PM
Zekairy

أنا هاجيبها بدون فتحة سقف
والمصرية ماعندهاش جيتز خالص

بس أنا كلمت واحد معرفة عنده معرض سيارات قاللي ان الجيتز 2008 هاتنزل عنده بعد بكرة !!!!! مش عارف ازاي !!! اذا كان غابور نفسه قال بعد شهر !

لاقيت واحدة 2007 فيراني أوتوماتيك بدون فتحة سقف بـ 79
أشتريها ولا أستنى الـ 2008 ؟؟
خايف سعرها يزيد وفي نفس الوقت مش عاوز أستنى كتير على الفاضي بما إن مافيش فرق بين موديل 2007 و 2008 في أي حاجة

مافيش حد هنا له حد في أبو رواش يعرف منهم الـ 2008 هاتنزل امتى وبكام من الآخر ؟

وألف شكر يا مختار على الواجب الدمياطي
27-10-2007, 08:25 PM
Ahmed Anwer

حضرتك اللي اسمعه إن دي كلها أونطة و سياسات تسويق من غبور
يعني البضاعة موجودة عنده و متوفرة وهوا اللي بيعمل الحركات دي ،، يعني مش حكاية حد يعرف هتنزل إمتي و مش هتنزل إمتي
عموما ،، الحل الوحيد ،، مدينة نصر معارض السيارات الزيرو ماشاء الله أكتر من محلات السوبر الماركت ،، تاخد سهرة لطيفة تلف علي معرض معرض ،، عندك جيتز يا حاج ،، اه عندي ،، تشوفها بعينك ما يقولكش مفيش مشكلة هابعت اجيبهالك ،، بكام يا معلم ،، بكذا ،، متمشيش بكذا ،، تديله الفلوس و تاخد العربية
غير كده تحجز من الوكيل و انتا رزقك
يأما من معرض واتق فيه جدا و متدفعش حجز أكتر من ألف جنيه
28-10-2007, 08:38 AM
ahmedfd

إنت زعلان من شهر واحد؟
يا باشا حجز الإلنترا بيقعد من 3 إلى 5 شهور و إنت و نصيبك.
المهم، ربنا معاك و معانا.
28-10-2007, 06:45 PM
volcano12

بلاش Getz دلوقتى, أنا سمعت
1)ان الشكل حيتغيرقريب
2)مو 2008 مافيهاش فتحة سقف و أغلى 1000 يا 2000 جنيه
3)المانيوال مفضلة عن الأوتوماتيك بمراحل ... واحدة بمقابل 10

أسأل و أتأكد الكلام ده صح و لا غلط.... بدل ما تدبس و الله الموفق
28-10-2007, 10:36 PM
Hesham A.Megid

اقتباس:

المشاركة الأصلية كتبت بواسطة volcano12

1)ان الشكل حيتغيرقريب

الشكل هيتغير في اول او نص 2009 و هيبقي اسمها i20 مش Getz و هتبقي اكبر و اغلي شويه، و الله اعلم إذا كنا هانشوفها في مصر ولا ذي ال i30

اقتباس:

المشاركة الأصلية كتبت بواسطة volcano12

2)مو 2008 مافيهاش فتحة سقف و أغلى 1000 يا 2000 جنيه

انا سألت في التوكيل و قالولي ان 2008 فيها فتحة سقف و اغلي الف جنيه (73000، 75000، 79000، 81000)

اقتباس:

المشاركة الأصلية كتبت بواسطة volcano12

3)المانيوال مفضلة عن الأوتوماتيك بمراحل ... واحدة بمقابل 10

ليه؟؟!
29-10-2007, 10:36 AM
volcano12

اقتباس:

المشاركة الأصلية كتبت بواسطة Hesham A.Megid

اقتباس:

المشاركة الأصلية كتبت بواسطة volcano12

1)ان الشكل حيتغيرقريب

الشكل هيتغير في اول او نص 2009 و هيبقي اسمها i20 مش Getz و هتبقي اكبر و اغلي شويه، و الله اعلم إذا كنا هانشوفها في مصر ولا ذي ال i30

اقتباس:

المشاركة الأصلية كتبت بواسطة volcano12

2)مو 2008 مافيهاش فتحة سقف و أغلى 1000 يا 2000 جنيه

انا سألت في التوكيل و قالولي ان 2008 فيها فتحة سقف و اغلي الف جنيه (73000، 75000، 79000، 81000)

اقتباس:

المشاركة الأصلية كتبت بواسطة volcano12

3)المانيوال مفضلة عن الأوتوماتيك بمراحل ... واحدة بمقابل 10

ليه؟؟!

1)الله أعلم :roll:
2)واحد صاحبى سأل هنا فى الاسكندرية فى التوكيل و قاله مافيش فتحة سقف فى 2008
3)برده التوكيل الى قال كده لصاحبى اللى حيشترى

ده الأسباب اللى خلتنى أقول كده :!: و عموما أنا قولت و لسه بقول أسأل و أتأكد الكلام ده صح و لا غلط

Goodluck
29-10-2007, 10:41 AM
tarekkasaby

اقتباس:

الشكل هيتغير في اول او نص 2009 و هيبقي اسمها i20 مش Getz و هتبقي اكبر و اغلي شويه، و الله اعلم إذا كنا هانشوفها في مصر ولا ذي ال i30

اقتباس:

سألت في التوكيل و قالولي ان 2008 فيها فتحة سقف و اغلي الف جنيه (73000، 75000، 79000، 81000)

+100000000000000
29-10-2007, 04:01 PM
Zekairy

اقتباس:

المشاركة الأصلية كتبت بواسطة Ahmed Anwer

حضرتك اللي اسمعه إن دي كلها أونطة و سياسات تسويق من غبور
يعني البضاعة موجودة عنده و متوفرة وهوا اللي بيعمل الحركات دي

فعلا الكلام ده صح

أنا اكتشفت كده لما لفيت على معارض السيارات ...... كلهم قالولي ان غابور هايسلمها للمعارض كمان كام يوم

يعني العربية موجودة عنده بس هو مستني موديل 2007 يخلص من السوق وبعدين ينزل الـ2008 ودي سياسة بيع عشان مايحرقش الموديل اللي قبله
29-10-2007, 04:10 PM
Zekairy

بالنسبة لموضوع فتحة السقف يا جماعة
انت اللي بتختار العربية تكون بفتحة سقف ولا من غير
بفتحة سقف سعر العربية يزيد 2000 جنيه عن سعر الموديل
وأنا شايف ان مالوش أي لازمة الـ sunroof ده !! أنا عمري ماستعملته قبل كده في حاجة مفيدة ....... أنا أظن ان كل فايدته انه بيدي العربية منظر حلو بس !!
وده غير انه بيعرضك لاستقبال نفايات البلاكونات وأكياس المياه اللي بيرميها العيال الصغيرة من فوق :-)
30-10-2007, 10:40 PM
Hesham A.Megid

اقتباس:

المشاركة الأصلية كتبت بواسطة ABO HAMZA

وأنا شايف ان مالوش أي لازمة الـ sunroof ده !!

معلش ممكن اسأل حضرتك سوْال بره الموضوع :-)

هو حضرتك عندك كام سنه؟ :-)
30-10-2007, 10:58 PM
Zekairy

اقتباس:

المشاركة الأصلية كتبت بواسطة Hesham A.Megid

اقتباس:

المشاركة الأصلية كتبت بواسطة ABO HAMZA

وأنا شايف ان مالوش أي لازمة الـ sunroof ده !!

معلش ممكن اسأل حضرتك سوْال بره الموضوع :-)

هو حضرتك عندك كام سنه؟ :-)

عندي 25 سنة !!
31-10-2007, 12:32 AM
Hesham A.Megid

معلش هو السؤال غريب شويه بس انا كنت بسأل عشان لاحظت ان كل الشباب بيحبوا يجيبوا عربيات بفتحة سقف لو متوفر...علي عكس الكبار في السن اللي رأيهم ان فتحة السقف ملهاش أي لازمه و زي قلتها! :roll: عشان كده بس كنت بسأل :mrgreen: