عرض للطباعة
السلام عليكم ورحمة الله
وكل عام وانتم بخير
رمضان كريم
امبارح بالليل استلمت الاكسنت والحمد لله
عجبتنى جدا العربية بس ........
استلمتها من غير الراديو وال cd والانذار والسنتر
وده لأن قائمة الحجز عند غبور بقت طويلة ما بقوش ملاحقين يركبوا الحجات دى
بيسلموا العربية من غيرها وفى صيانة الألف بيركبوها
كمان التكييف مش شغال ونور الصالون علشان الكهربا بتاعتهم داخلة مع الراديو والانذار اللى مش موجودين
وعجبى.......
ايه النظام الغريب دا
عموما الف مبروك
الف مبروك ياباشا وربنا يعطيك خيرها ويكفيك شرها
بس موضوع انك تستلم من غير سى دى ولا سنتر غريبة شوية
الحاجات دى تركب فى يوم بالكتير يا ريت تتأكد من الموضوع دة
الله يبارك فيكم
بس انا فعلا اتأكدت من كذا مصدر فعلا الأكسنت كله اللى خارج اليومين دول خارج فاضى
وعموما هيروحو فين انا وهما وصيانة الألف
هانت عملت لغاية دلوقتى 38 كيلو
الف مبروك على العربية يا باشا
انا كمان مستنى استلم نيو اكسنت اليومين دول انا كل يوم بكلمهم علشان اعرف هستلم امتى والنهاردة مدير الفرع كلمنى وقالى العربية هتدخل التجهيزات علشان يركبوا الراديو وال cd والانذار والسنتر
حاجة غريبة انهم بيسلموا العربية فاضية انا لو مكان حضرتك مش هستلمها غير كاملة دة حقك نصيحة منى كلمهم واحجز معاد علشان تركب الراديو وال cd والانذار والسنتر ولو رفضوا وقالولك فى صيانة الالف كلم جمعية حماية المستهلك ناس محترمة جدا وهيجبولك حقك
انا كنت عاوز اعرف من حضرتك اشتريت العربية من انهى فرع للتوكيل ؟
الف مبروك .. ربنا يباركلك فيها
بس هتمشى الف كيلو من غير الحاجات دى .. بصراحة حركة بايخة اوى .. انا اول مرة اشوف كدة !!!!!
الف الف مبروووك ياباشا ربنا يديك خيرها ويكفيك شرها
اتمنى انك تكلمهم وتروع قبل الصيانه تعمل الحاجات دي فورا عشان هي فعلا حركه بايخه
إيه ده اللي هانت ؟!اقتباس:
المشاركة الأصلية كتبت بواسطة hdabawy
أنا كان عندي كاوتشة اللي بتاعت إزاز الشباك ناقصة رفضت العربية !
بجد خد حقك من عربيتك من أول يوم
وربنا يكرمك
الف مبروك بس لو كنت صممت وقفلت معاهم كانوا خلصوك وركبوها بالتوفيق ان شاء الله
ده شئ زاد عن حده بصراحة من غبور , بس حضرتك و كل اللي أستلموا علي الوضع ده غلطانين , المفروض كنت تمتنع عن الاستلام علشان يعرفوا أن مش كل شوية يطلعوا لنا بحاجة جديدة و نسكت لهم , ده حقك لأنك دافع تمن الحاجات دي
و كل سنة و أنت طيب بمناسبة شهر رمضان الكريم و أتمني ربنا يهدي غبور و أمثاله
الف مبروك ياباشا ربنا يكفيك شرها وعموما بعد ما تركب الحاجة جربها كويس ولو في اي حاجة ما تسكتش لميعاد الصيانة الجاية
وان شاء الله خير وخلي بالك من وصلة السي دي او تنساها والاريال وجرب التكييف كويس
الله يبارك فيكم جميعا
آسف جدا لعم ردى الفترة اللى فاتت لظروف عملى
اشكركم جميعا على تفاعلكم معى وعلى نصائحكم الغالية دى
بس غصب عنى كنت لازم استلم لأنى كنت محتاج العربية قوى وبعدين موضوع قائمة الحجز الطويلة عند غبور
يعنى لو رفضت الاستلام الله اعلم كنت هستنى اد ايه تانى
بس الحمد لله بعد مناقشات تليفونية مع الصيانة حجزت الخميس اللى جاى فى ابورواش عشان يركبولى الحاجات دى
وطبعا ده بعد اقناعى فى الراجل انى مستحيل استنى لصيانة الألف وهو يقنع فيا ويقولى هتتعمل فى صيانة الألف
لكن الحمد لله وربنا يهديهم
نصب فى نصب