واضح ان دا استهلاكها العادي
العربية مشييت 55000 فقط .. وهيا 1600 كورى.. كامله اوتوماتيك.. الصيانه كانت بتتعمل على طول فى التوكيل من المالك القديم وبمشى الـ 100 كيلو دول معظمهم على الدائرى على سرعه 90-100
وامبارح مشييت بيها 90 كيلو وكنت مفول قبلها ومصفر العداد.. اخدت منى حوالى 13 لتر كان نص الوقت على الدائرى والنص التانى فى شوارع مش زحمه.. يعنى متوسط السرعه كانت 60-70 وكنت بقفل كمان الكونتكت لو هاقف فى اشاره
فى ناس قالتلى جايز الرشاشات عايزه تتنضف.. وناس قالتلى اغير فلتر البنزين"بس مش فاهم علاقة الفلتر"
حد عنده حل ؟؟؟
تقصد انفنوانزا الفيرنا؟؟
يعنى اديلها التامب فلو مع البنزين؟؟ ^_^
حد يدينى حلووووووووووووول.................. ...............؟؟
up up
النهاردة اكتشفت حاجة لما امشى فى الزحمة يبقى الاستهلاك طبيعى
لما اشغل التكييف سواء زحمة او طريق سريع بلاقى مؤشر البنزين بيتحرك قدامى !!!!!!!!!!!
محدش فاهم حاجة
بص انا معيش فيرنا بس هقولك على تجربتى يمكن تستفاد منها بحاجة ان شاء الله
انا كانت الصفيحه 20 لتر بتعمل معايا فى حدود 160 كم و دة كان كتير اوى لان عربيتى كيا برايد 1300 و الفروض انها افضل من كدة بكتير.
- المهم اول حاجة تعملها ان تثبت بنزينه واحدة تمون منها و هتلاقى هنا فى المنتدى بنزينات فى كل مكان معروف انها كويسه مش غاشين البنزين و تانكتهم نضيفة
- تانى حاجة اتأكد من فلتر الهواء وحاول تجيب الاصلى و داوم على تنظيفه بالهواء كل فترة
- اتأكد من البوجيهات وركب الموديل المظبوط بتاع عربيتك و بلاش حد يقولك 3 شمعه و 4 شمعه احسن ركب موديلك هو افضل حاجه
- حط منضف رشاشات و حاول تجيب نوع كويس و نضيف زى stp
- اتأكد من ضغط الكاوتش عندك انه مش عالى ولا وقليل يكون زى ما مكتوب فى كتالوج العربيه
- اخر حاجة انك لما تشغل التكييف متجبش التبريد على اقصى حاجة وقصدى الحرارة مش سرعة المروحة لان كدة الكومبريسور هيقعد مدة طويله عقبال ما يفصل و بالتالى استهلاك اعلى بكتير.حاول انك تظبط التكييف على حرارة الجو مش تسيبه على اعلى حاجه وتقلل سرعة المروحة بس.
بص الحاجات دية اعملها مع تثبيت مستوى قيادتك يعنى متحرقش اوى و بعدين تقول الاستهلاك عالى و بنسبة 90% هتلاقى معدل الاستهلاك بقى زى الفل عندك ان شاء الله