الموضوع: الحجز مع مركز كيا الاسكندرية

السلام عليكم .. أنا باذن الله نويت على السيراتو ال ex ..
انا كلمت مركز كيا eit هنا فى اسكندرية اللى هو فى جليم و سأـلتهم على حجز النيو سيرتو ال ex اللى ب 109 و سألته على الحجز و بكام قالى حدفع 20 ألف للحجز و حستلم بعد شهرين و نص بالكتير اوى .. و طبعا عرفته انى اعرف ناس قابلتهم مشاكل و حاجزين من التوكيل و بيتأجلوا و كده .. قالى احنا مسئولين و لو اتأخر الحجز بتاعك احنا مسثولين تستلم يومها و كلام من ده .. و قالى كمان الكلام ده للفئات الأعلى اللى بتتأخر و عمرها ما بتوصل ل 4 شهور و كده .. لكن التانيه زى ما قالى .. فأنتوا ايه رأيكوا فى الكلام ده ... اصدق و احجز عندهم و لا بلاش و لا أيه ؟؟ ... و لا أحجز عند الطارق و حيسلمنى قبله .. و يا ريت لو حد مجرب يقولى ايه الكلام ؟ !! ..

المشاركة الأصلية كتبت بواسطة de3bis

بص يا باشا هو طبعا الطارق موزع معتمد لكيا لكن نفس المشكلة و أكثر كمان
أنا حاجز مع الطارق كارفور اسكندرية ال SX من أربع شهور و لسه ما أستلمتش و كل ما يجليهم عربيات يبيعوها أفر برايس و أنا أعرف ناس من اللى اشتروا منهم بأوفربرايس. و مش عارف اخد منهم حق و لا باطل
و بالتالى الإتنين أسوء من بعض.

ربنا ينتقم منهم كلهم


و حسبى الله و نعم الوكيل

أولا ألف شكر على اهتمامك و تستلم قريب باذن الله .. أخيرا لقيت حد مجرب ... بص ياباشا ايه رأيك طيب التوكيل ولا الطارق بما انك جربت يعنى .. عشان انا ناوى احجز عند واحد منهم .. و هل فعلا ان ال Ex اللى انا ناوى احجزه يعنى مافيش فيه مشاكل زى الفئات الأعلى .. و هو حضرتك اخدت منه وصل و عليه تاريخ الأستلام و كده .. و مافيش فايده لسه ... و هو نظام حجزه ب 5 ألاف زى ما قالى ؟؟ .. و لو لا قدر الله حبيت اسحب الحجز عادى و لا أيه ؟ .. معلش يا باشا حتعبك ... و شكرا مقدما ..