عرض للطباعة
يا جماعة أنا ناوي أتوكل على الله وأركب جنوط وكاوتش 16 لعربيتي. شفت عند أشرفكو اللى فى الحي السادس جنوط بيقول إنها أندونيسي ولا أعلم مدي صدق الكلام ده فحد ممكن يدلني إذا كان الكلام ده مظبوط واللا لأ مع الإحاطة إن سعرهم 2300 جنيه ، ويا تري أنسب مقاس يركب عليهم كام خاصة الأوف ست.
ألف شكر مقدما.
تحياتي.
اللى عندو صينى مكتوب عليها على ورقة ملزوقة اندونيسى بلاش منها فى الكرولا عامله مشاكل امال فى الأوبل هتعمل ايه تتلوح بقى بسهوله و لازم رينجات ليها
انا افضل ال 15 استاندر العربية 195/60/15 زى الفل و هيحافظ على العفشة
طيب أجيب منين جنط 15 حلو يا طناني؟ بس عايز اللى قلبه إسود وبشفف نيكل.اقتباس:
المشاركة الأصلية كتبت بواسطة tananybasha
تحياتي.
فى الإنتظار يا جماعة.
تحياتي.
اللى عاملته المركز الأفريقى فى احمد عرابى و علامكو و بردوا لغاية بكرة اسألك انت عايزة بالكاوتش
بص ياباشا اخرك 15 بص عايز نصيحة واحد مجرب فلوس على الفاضى الطسات بتعتها شيك جدا جدا ووفر الفلوس لحاجة تنية وللاسف مش هتلقى جنط كويس الخمات فى النازل والعربية ثقيلة منصحكش وهتبهدل فى العفشة
و انا رأى من راى تامر باشا
No Tanany...only (GONOT 15 inches) -RIMSاقتباس:
المشاركة الأصلية كتبت بواسطة tananybasha
Thank you very much
Regards
انزل الحرفيين او الناس الى شغاله فى الاستيراد وهتلاقى ال4 فرد عاملين باع 1000 فيما تحت او فوق على حسب شطارتك برضه
بس مفيش احسن من الجنوط سبور الالمنيوم الى بتعيش اكتر من الكروم بمراحل
الا لو كنت عايز تجيب كروم هات المومو الاصلى احسن الايطالى ب8800 افضف واحسن
على فكره
انا مش حابب الجنوط سبور باى شكل من الاشكال
من اول حاجه هتحصل فيها هتغلبك وتعزبك معاها
وايه لزمتها
الجنط الحديد ربنا طارح فيه البركه ولو حبيت تعمل حاجه تانيه فى العربيه هتلاقى معاك فلوس بزياده تظبط فيها
انما جنط سبور هتندم فى اى وقت يمكن على المدى البعيد او القريب
انا كنت زيك نفسي اجيب جنوط وبتاع واستقريت علي جنط نجمة البحر مقاس 15
بس ناس كتير خوفوني منه ومن الجنوط بوجه عام واي خبطه وانت بتركن ولا حاجه خلاص الموضوع خلص والجنط باظ والعفشه حتبقي ناشفه وحوارات
طاسات العربيه اللي عليها القفل دي شيك جدا وفكك من حوار الجنوط ده
يا جماعة هي العربية فيها اصلا جنط اسبور 17 بس معذبني، أنا عايز أنزل ل 16 أو 15 عشان الجنط ال 17 عايز تمشي تحسس وده ما ينفعش فى شوارع المحروسة!
كل اللى أتمناه أن حد يدلني على حد بيبيع جنوط سبور بس مش صيني! وياريت الإسود اللى بشفة نيكل.
كل سنة وأنتم طيبين جميعا وأسركم الكريمة بالصحة والعافية ورمضان كريم وشكرا جزيلا لمساعدكم الكريمة.
تحياتي.
يابو جعفر منتا لو عايز المضمون خليك فى الجنط الحديد والطقم بالاستبن كمان مش غالى وهو هيفيدك جدا فى اى حاجه
لقدر الله حصلت حاجه دا بيسد فيها
اتكل على الله وقرر
اقتباس:
المشاركة الأصلية كتبت بواسطة a.elsheikh.01
لا لا لا يا مدير :-) مش حيعجبني شكلها لو ركبت الحديد تاني! غالبا إنت متعود على شكلها القياسي لكن بعد ما تغير شوية حاجات وترجع ترجعها تاني زي ماكانت حتحس إن شكلها بقي فقير نوعا ما!!!!
عموما ألف شكر على نصيحتك الكريمة وكل سنة وانت طيب.
تحياتي.
انا عربيتى نازله بجنوط اسبور شكلها لذيذ و جامده و المانى
دى الصوره اللى عندى
آه عارفها ، واحد صاحبي معاه أختها ونفس اللون موديل 93 مانيوال 2000 سي سي. عربية جميلة بس صاحبي مبهدلها ، أصل شغله فى المرج. ربنا يباركلك فيها هي حلوة ما شاء الله.
تحياتي.
ها يا جماعة .... محدش يعرف حد بيبيع جنوط أندونيسي؟
تحياتي.
لو عايز اغير الجنوط دى يبقى اجيب ايه عايز جنوط المانى برضو و لا صعب و اريح دماغى
بس انا عربيتى موديل 95 و الجنوط اسمها ارونيل المانى حفر و تقيله تهمه
مش عارف والله يا طناني. أنا لسه راجع من عند الروماني ومالقيتش طلبي. المهم إني بأسأله وهو بيرد على ومدور وشه الناحية التانية وبيتكلم فى الموبايل ولافى دماغه الزبون اللى قدامه وقاللى معنديش بمنتهي قلة الذوق! حاجة غريبة من بعض الناس لما الرزق يجري في ايديهم يبتدوا يتبطروا على النعمة!
تحياتي.
المعامله عند الرومانى غلسه
والى شغالين هناك اغلس
بس عاجبنى الجنط ال22 الى فى البترينه
بيهون عليا لما بشوفه :ma:
عموما يا جماعة أنا متشكر لمساهمتكم الكريمة وفى إنتظار أي حد عنده معلومة زيادة وكل سنة وإنتم طيبيين جميعا. رمضان كريم.
تحياتي.
ده راجل قليل الأدب الرزق ليه اصول
والله يا طناني ما أنصحش إن حد يتعامل معاه!....ده زي ما يكون الواحد بيشحت منه! ياللا ... الحياة كلها تجارب والنوعية دي من الناس يُفضل تجاهلها.
تحياتي.