wd 40
عرض للطباعة
wd 40
يا باش مهندس سمير انا النهاردة رحت للميكانيكى تانى وفك البوابة ونضفها . وشاف فلتر البنزين وقالى كويس وبعد كدة العربية زى ماهى مفيش تغيير والسحب بتاعها ضعيف وال rpm على حوالى 850
مش عارف اعمل اية تانى . طيب يمكن يكون البنزين اللى انا حطيتة مضروب علما انى بستعمل على طول بنزين 90 ومن بنزينة مضمونة
الميكانيكى قصدة منظف كربراتير زى كدة
http://www.gunk.ca/products/automoti...ges/M4814C.jpg
بس خللى بالك ان العربية دى حتخرف شويتين بعد التنضيف بالسبراى عشان تقريبا فيه حساسات فى البوابة بتحتاج تنشف تماما قبل ما العربية تدور... و هى دى المشكلة اللى انا اقصدها
MMamdouh
طيب يا باشا انا نضفتها بس من غير اسبراى (بالبنزين) وبرضة زى ما هى اعمل اية؟؟؟؟
أضغط هنا
أدينى البيانات اللى عندك ومشابهه لما هو مطلوب فى هذا الموضوع
- موديل السياره وسنة الصنع (نوبيرا موديل 97 استيراد )
2-عدد الكيلومترات المقطوعه (53000 كيلو مشتريها من 4 شهور مش عارف العداد مظبوط والا قالب)
3-موقف أستهلاك الزيت ( اول ما اشتريت العربية من 4 شهور حطيت زيت موبيل 1 وقطعت بية 3000 كيلو بس وبصراحة مش بكشف علية)
4-شكل العادم الخارج من الشكمان (أبيض مسود )
5-موقف البوجيهات وأسلاكها وهل تم عمل أختبار لقوة الشراره للبوجيهات الأربعه (البوجيهات غيرتها من 4 شهور واحد شمعة البوجية)
6-موقف الفلاتر (هواء - بنزين - زيت غيرتهم من 4 شهور)
7-موقف أستهلاك البنزين ( زياده التانك بيعمل معايا حوالى 370 او 400 بالكتير)
8- موقف الشكمان (سالك وتمام )
9- موقف الفرامل (كويسه )
10-موقف السيور ( كاتينه - تكييف - دينامو غيرت سير كتينة من شهرين والتكيف عندى بايظ بيجيب هواء سخن ومصلحتوش)..
11-موقف البطاريه والدينامو من ناحية الفولت والأمبير ( البطارية كويسة)
12-مصدر الصوت فى حالة ظهور أصوات من عند المحرك ومكانه بالضبط (مفيش اصوات غريبة)
13- موقف آخر صيانه أتعملت ....وهل العيب المطروح ظهر بعدها ولا كان موجود من قبلها ....(غيرت حساس الشكمان من شهرين والعربية اتظبطت بعدها وبطلت لمبة الاعطال تنور)
دى أول حاجه فى كلامك ......وأنا شاكك فى حساس ال tpsاقتباس:
5- ال RPM رفع لوحدة من مدة اسبوعين وصل لحد 2000 ووديتها عند واحد ميكانيكى وظبطها وبقت دلوقتى قريبة من 1000 لما تكون العربية واقفة
فعاوزك تعمر أسكانر علشان تطمن عليه
وعلى الحريق بالمره ....علشان موضوع العادم دهوطبعا ده مش صح وحاول تسرع بالأطمئنان على مقاس الزيتاقتباس:
-شكل العادم الخارج من الشكمان (أبيض مسود )
يمكن يكون بينقص ....وده خطر طبعااقتباس:
( اول ما اشتريت العربية من 4 شهور حطيت زيت موبيل 1 وقطعت بية 3000 كيلو بس وبصراحة مش بكشف علية)
ودى أهم حاجه عاوزك تطمن عليها
وبعدين أعتقد موبيل 1 غير مناسب لموديل 97 لأن أكيد العربيه عامله كيلوات أكتر من اللى أنت كاتبها
والمفروض تستعمل زيت معدنى بعد كده
أظن بعد كلام الاساتذة مفيش كلام لكن حضرتك جرب كدة تنظف فيشة حساس الايدل كنترولر وحساس tps بمنظف الكترنيات (6 جنيه تقريبا) وأكد على ربطها كويس و أطمن تانى على البوجيهات و سلوكها وبعدين افصل الطرف السالب للبطارية لمدة 5- 10 دقايق و بعدين وصل و اعمل ايدل ليرن
و يا ريت تقول لنا اول باول عنلت ايه و ربنا معاك
الف شكر لكل من تعب نفسة وساعدنى و خصوصا الباش مهندس سمير
العربية اتظبطت تانى يوم من بعد ما الميكانيكى نضف البوابة غالبا الحساسات ما كنتش نشفت لسة من بعد ما طلعت من عند الميكانيكى واتظبطت تانى يوم
دلوقتى بدور العربية بيبقى ال rpm على 1000 وبعد شوية ينزل ويبقى على 850 بس اختفت المشكلة بتاعت ان العربية عايزة تبطل
الف شكر مرة تانى لكل من ساعدنى
وعندى سؤال يعنى اية زيت معدنى زى اية؟ وازاى اعرف ان عربيتى قطعت اكتر من 50 الف كيلو المكتوبين على العداد؟
كده تمام ....وبكده يبقى حساس الtpsاقتباس:
الف شكر لكل من تعب نفسة وساعدنى و خصوصا الباش مهندس سمير
العربية اتظبطت تانى يوم من بعد ما الميكانيكى نضف البوابة غالبا الحساسات ما كنتش نشفت لسة من بعد ما طلعت من عند الميكانيكى واتظبطت تانى يوم
دلوقتى بدور العربية بيبقى ال rpm على 1000 وبعد شوية ينزل ويبقى على 850 بس اختفت المشكلة بتاعت ان العربية عايزة تبطل
الف شكر مرة تانى لكل من ساعدنى
كان بيعلق فى أشارته بسبب تقل البوابه
ولما تمت النظافه والتليين للبوابه
أنظبط شغل الحساس
[gdwl]
ولا يفوتنى طبعا ...المباركه على التقدم فى الآداء الجديد
[/gdwl]