المشاركة الأصلية كتبت بواسطة funy76
بصراحة انا كنت مقتنع بالكيا سيراتو جدا جدا ... بس النهاردة عديت على موزع معتمد للشيفروليه (الوهاب) فرع 6 أكتوبر وكان عندو كذا عربية كروز واقفة عندو
قلتلو اتفرج على العربية وفعلا شفت العربية بصراحة بجد تحفة تحفة تحفة من حيث الشكل وبعين السيراتو
وبعدين دخلت جوه العربية بصراحة العربية مش عايز اقولكم اد ايه فعلا عجبتني جدا جدا حسيت انها مش عربية كوري شياكة ومتانة وصاج اكثر من رائع وشياكة العربية من جوه ومن بره على الرغم اني شفت المانيوال وكان نفسي اجيب كيا سيراتو اوتوماتيك وعلى الرغم من ان كماليات الكروز اقل من السيراتو .
بس انا ان شاء الله عاقد العزم على شراء الكروز
وبصراحة شركة دايو من الشركات الرائعة وخصوصا بعد امتلاك شركة شيفروليه لشركة دايو ومن تجربتي لمنتجات الشركة في سيارتي الدايو اللانوس بس ان شاء الله انا همشي على خطى الدايو - شيفروليه وهكملها بإمتلاك الكروز
واللي اشترى او جاب العربية ياريت يفيدنا بعد ما جرب السيارة ولكم جزيل الشكر
وكل عام وانتم بخير ورمضان كريم