الموضوع: اخدت مخالفه سير عكس الاتجاه امس ظلم

بالامس وانا ذاهب الى مأموريه بالعمل بسيارتى ومرورا باحد الدورانات فى كفرالشيخ وكانت عباره عن شئ شبيه بالسلم والثعبان عده تقاطعات ولايوجد اى علامات مروريه ولا تحذيريه ولا اى شئ وقد حدث لى لخبطه ومش عارف اروح فين واجى منين لذلك هديت قبل ان ادخل الى اى تقاطع حتى اعرف اولا هاروح فين

ولكن؟؟؟؟؟؟؟؟؟؟؟؟؟؟؟؟؟؟؟؟

فوجئت بعسكرى المرور طلع لى وكأنه كان مستخبى فى الدره وهات رخصك وورايا على فلان بيه عايزك

وانا لانى ماشى صح رحت وراه ولكن بعد ان ذهبت معه عند الضابط حيث كان واقف عند قسم الشرطه بمكان اخر فوجئت بتحريرهم مخالفه سير عكس الاتجاه

لقيت نفسى مرتبك واعصابى باظت ومش قادر امسك اعصابى لانى ماكانش معايا فلوس 1500 وكمان دى سنه سجن

وغير كل ده انا اصلا مظلوم وماعديتش اصلا اى تقاطع لانى وقفت

المهم لانى وقتها دعوت الله ولانى مظلوم وانا رايح اكلم الضابط لقيته احد الضباط معرفه من بعيد فعرفته نفسى

فقالى انت ليه ماشى عكس اتجاه قلت له ماحصلش وانا كنت لسه هادخل يمينى لقيت العسكرى قال لى امال هو مسكك ازاى ؟

طبعا حاولت اوضح موقفى لكن للاسف ماقدرتش لانه مصدق العسكرى ولكن لانى مظلوم ماحبتش اجادل معاه وقلت له انى ماشفتش اللوحه التحذيريه مع ان ماكنش فيه اصلا لوحه لكن قلت اكلمه وكان فيه لوحه اعمل ايه مضطر اركب الموجه واجاريهم زى ماهم عايزين حتى لو غلط

المهم الراجل كان ذوق ولانى عرفته بنفسى ولانى مظلوم ادانى الرخص وقال لى ماتعملش كده تانى

وطبعا مع انى اصلا ماعملتش اولانى علشان اعمل كده تانى قلت له ماشى ياباشا وشكرته ومشيت

وتنفست الصعداء وكانى ولدت من جديد

بصراحه اصعب موقف شفته بحياتى لانى مش متخيل نفسى وانا حريص على لبس الحزام واتباع قواعد المرور ومع ذلك اتظلم واخد مخالفه ظالمه لمجرد انهم بيتصيدوا الناس حتى لو ظلم

وحرمت من الان انى ادخل اصلا اى تقاطع او شارع او طريق فيه مجرد شك او مافييهوش علامات وعلى رأى المثل ابعد عن مرور مصر وغنى ليه (اقصد الشر طبعا)

حبيت بس احكى لكم موقفى واحرص على عدم الوقوع فى فخاخ مصيده الاتجاع العكسى لانهم بيتصيدوا الناس