الفرامل راحت فجاة وربنا ستر

**zaza2002** · 20-08-2009 02:28 PM

انا كنت قولتلكم ياجماعه ان انا غيرت التيل الامامى (جولد)والميكانيكى قالى ان الفرامل حتقعد شويه مش كويسه لحد متطبع ولان انا جديدفى العربيات سالتكم واكدتولى الموضوع ده. المهم ان انا قعدت شهر تقريبا وحاسس ان الفرامل مش زى الاول وفى بوش كبير قوى لحد ماالفرامل تمسك لحد امبارح وانا فى صلاح سالم والحمدلله ان الطريق كان ماشى براحه بدوس لقيت الفرامل لزقت فى الدواسه ومفيش فرامل خالص المهم سيطرت على العربيه وفضلت اكارك لحد ماالفرامل رجعت بسيط قوى ورحت لميكانيكى تانى ابن حلال قالى ان الفرامل واخده هوا. المهم خد هوا منها والفرامل بقت تمام وقالى امشى بيها ولوحصل الموضوع ده تانى يبقى الماستر عايز يتغير ياترى الراجل ده كمان كلامه صح ولا ايه رئيكم مع العلم ان الفرامل دلوقتى كويسه بس انا قلقان لحسن يحصل تانى والحمدلله ربنا سترها فى المره الاولى

**samirayad** · 20-08-2009 02:34 PM

المهم خد هوا منها والفرامل بقت تمام وقالى امشى بيها ولوحصل الموضوع ده تانى يبقى الماستر عايز يتغير ياترى الراجل ده كمان كلامه صح ولا ايه

ده راجل تمام وعارف هو بيقول أيه وشوف أنت بتقول عليه أيه

ابن حلال

يعنى خلصت .....

**AHMEDCAR** · 20-08-2009 02:36 PM

كلام ه صح فعلا و الافضل انك تكشف على المساتر من دلوقتى و تتتاكد من انهم كويسيين علشان الموقف ده ما يتكررش تانى ما تستناش لحد ما تعملها تانى

**MMamdouh** · 20-08-2009 05:31 PM

الماستر اللى فى العربية شغال بقالة كام سنة و كام الف؟؟

MMamdouh

**MMamdouh** · 21-08-2009 05:54 PM

انا افضل تغير الماستر و تخلص... اصل احنا بنتكلم فى عنصر امان رئيسى و مفيش حاجة تقدر بيها تقيس كفائة الماستر بشكل دقيق

MMamdouh

**Samir Elshahawy** · 22-08-2009 03:24 AM

كل سنة و أنت طيب و كل أعضاء دايو المحترمين طيبين و بألف خير و صحة و سلامة

أنا لو مكانك ماكنتش أهدي ألا لما أكشف علي الماستر و اعرف سبب دخول الهواء في الدائرة و ياريت لو تكشف علي الزيت و تشوف هل حدث أي تغيير في لونه بعد ما الراجل اخد الهواء منه و لا لأ

**MMamdouh** · 22-08-2009 03:26 AM

لان استهلاك الماستر مرتبط بالكيلومترات بالتالى لما تبقى عربية عاملة 10 او 20 الف فقط صعب يبقى الماستر فيه مشكلة لكن عند 70 او 80 الف يبقى من المحتمل ان الماستر استهلك بالفعل

و بما ان مفيش طريقة حقيقية لقياس كفائة الماستر و كمان العربية عاملة كيلومترات كتير يبقى من الارجح ان الماستر فيه تاكل من الداخل

و طالما بنتكلم فى عنصر امان خطير زى الماستر العمومى و عندنا عدة شواهد بتقول ان الماستر ممكن يكون متاكل و حيسبب مشاكل يبقى من الافضل تغييرة... تكلفة الماستر اقل بكتير جدا من حياتك

MMamdouh

-

الموضوع: الفرامل راحت فجاة وربنا ستر

LinkBack

أدوات الموضوع

عرض

-

-

-

-

-

المواضيع المتشابهه

الدركسيون تقل ( فجاة )

تقطيع فجاة

الفرامل هربت منى وربنا ستر

الفرامل راحت ياجدعان

الفرامل راحت

الكلمات الدلالية لهذا الموضوع

المفضلات

المفضلات

ضوابط المشاركة