الموضوع: صوت العربية عالى

حاول تشوف زيت الموتور لانه سبب فى تعليه صوته
ولو صوت غير طبيعى زى صوت تكتكه بيكون تاكيهات

بص هاقول لحضرتك على حاجه انا بفضل الله تعالى معايا تلات عربيات
لانسر 2007 من ساعه ماجيبتها زيرو كنت باستخدم موبيل 1 وبعد كده غيرت لشل وفى الاخر رسيت على زيت الامارات وبصراحه زيت جامد جدا فى الاداء ونعومه صوت الموتور وعمره اطول
تمام كده

العربيه التانيه bmw موديل 82 ودى باستخدم فيها زيت تعاون علشان الموتور 6 مش بيفرق معاها اى حاجه

وعربيه 128 موديل 72 دى بقا بحط ليها زيت مصر ابو 50ج وزى الفل

المهم هنا بقا مش نوع الزيت المهم هو انك تعود العربيه على نوع زيت معين وتحافظ على تغييره بانتظام

انت شاكلك كده بتستخدم زيت xhp وده مناسب جدا لعربيتك بس اللى قالك غيره لشل علشان فى نسبه شك انه فعلا ممكن يكون مضروب فى البديل بتاعهم فى بنزينه الامارات وبنفس السعر تقريبا على الاقل تضمن انه مستورد من بره وماتفتحش وزودوه الاضافات بتاعته المصريه