الموضوع: مرجع لجميع اعطال البيجو 405....

1.مشكلة الباور تقيل فى ال 405
طبعا كلنا عارفين القصة دية وحلها فكل مواسير الزيت والخراطيم ووتنزيل الزيت القديم كلة وتغييرة
وكمان تغيير جلد الاسكترا
وهيبقى حرير
2.مشكلة الازاز الكهربا البطئ
تغير سلوك الازاز بسلك اتخن مع عمل كتاوت تقويه لية عيبقى سريع
3.مشكلة التكييف الضعيف
فك الكويل وتنضيفها جيدا وكمان ضرب مسدس المية بتاع البنزينة على الكمبروسور ومراجعة الفلتر
وهيبقى ان شاء الله تلاجة
4.مشكلة رزع الابواب
علاجها تغيير طقمالجوانات الجلدبتاعت البيبان
5.مشكلة عداد البنزين ورعشتة
تغيير طرمبة البنزين كاملة بواحدة استيراد نفس النوع ب 250 ج
6.مشكلى رعشة فى الابي ام والعربية فى القرص بتعمل فرقعة
تغيير المشط الالكترونى بتاع الاسبراتير
7.مشكلة كسر الشكمان والعلب بتاعته
شراء شكمان كامل استيراد ب 450
8. مشكلة ارتفاع درجه الحرارة الملحوظ
شراك كتاوت مراوح البترون الأصفر تشغيل حرارة 70
9.الدواسة الأصلية الموكيت بتلم تراب بشكل بشع
عمل دواسة جلد للعربية بالكامل عند السروجى
10.مشكلة تسريب زيت على وش الماتور
جوان التكاهات وجوان الطرمبة وأورنج أسبراتير عاوزين يتغيروا مع وضع سيلكون حرارى
11.مشكلة تخبيط جامد فى العفشه الامامية
تغيير جلد مقصات وبيض تياش وبيض مقصات
12. مشكلة اى صوت فى الكوبلن
عدم تصليح بتاتا الزهاب لبتاع الكبالن ويحلهم لقى فيهم رؤوس او صلبان سليمة يغير التالف كله ولو كتير يغير الكوبلنين كلهم ب 550 أستيراد على تجربة
13.مشكلة رعشة فى العجل او صفير فى الملفات
تربيط عافشة جيدا وبعديهاضبط زوايا وترصيص بس عند حد امين وصنايعي
14.مشكلة الماتور بينزل زيوت
مراجعة مجموعة اويل سيل العربية
3 ماتور+ 2كبالن + 1 أسكترا+ جوان الكرتيرة
15. مشكلة صعوبة نقل فى الفتيس وسحب ضعيف
ريح دماغك طقم دبرياج فاليو ب 500 ج مع مراعه ضبط حركة وتثبيت واير الدبرياج
16.مشكلة تقل فى دواسة البنزين
فك وير البنزين وتنقيط بداخلة زيت باكم بس قليل
17.مشكلة فك وير الدبرياج من الدواسة
شراء جزء التسبيت بتاعها الاورجينال ويستحسن أستيراد ب50 ج
18.مشكلة عض ومدغ فى الطنابير
تغيير جلد الماساتر والتيل
19. مشكلة قفش التيل الخلفى
عدم رش الميه عليها نهائيا ولو كانت بتولع نار لأنك كدا هتبوظ الطنبورة
مراجعه السوست الخلفية وملى التيل او تغييره
20.مشكلة تعليق زراير الازاز الكهربا
فتح الزرار بكل سهولة من الجنبين وتنظيفة ببنزين مع محاولة تنى الصفية التوصيل لتقريب مسافة التوصيل
او شراء جديد بس أستيراد الواحد ب 25 ج

21.مشكلة تثبيت جريد البيبان
يتلزق بسيلكون مستود بتاع الصاج ويتثبت بلزق عريض لمدة يوم والعربية متتحركش من مكنها لمد يوم
22.مشكلة بوش فى عصايا الفتيس
مراجع التلات تياش ومسمار الطرنة الغراب اللى فوق الاسكترا
23.مشكلة صوت خشانة فى العجل
ده البلى فيه بوش وهيديك رعشة فى السرعات لآزم يتغيير ببلى أصلى فرنساوى محفور عليه فرنسا
24.مشكلى تكسير زراير الطبلوه بتاعت وحدة التكييف
ملهاش حل غير انك تغير المجموعة كلها ب 300 ج
25. مشكلة كسر باب الكاسيت او الطفاية
تغيرهم أستيراد الاتنين ب 50 ج
26. مشكلة عدم دوران العربية وتقطيعهابعد صعوبة
مراجعة وتنظيف الكربراتير والفلاتر البنزين
يأما البنزين ملوث ميا أزا كانت دوائر الكهربا سليمة
27.مشكلة صعوبة الدوران صباحا
تغيير طقم البوجيهات وفحص البطرية
28.مشكلة رعشة فى الماتور
تغيير قواعد الماتور وياريت ان التلاته يتغيروا مع بعض2 ماتور وواحد فتيس
29.مشكلى عدم تشغيل النور الواطى فقط او العالى فقط اى خلل فى الانوار الامامية
تغيير كتاوت الاضائة باخر فرنسى الصنع جديد ب 40 ج
30.مشكلة رعشة فى العجل الامامى مع الفرامل
تغيير طنابير مع تيل جديد

راااااااااااائع يا شباب
همخ مخ كده و اقولكو ايه الحاجات اللى عندى

المشاركة الأصلية كتبت بواسطة mahmoud_peugeot

ميه ميه ياهيرو.... ويلا وحوش بيجو عايز حلول لجميع الاعطال باذن الله

المشكله دي عندي بس لو حغيرها اجيب منين طقم البلاستيك البني الي شبه الابنوس الي محطوط علي طابلوه البرستيج

ملوش علاقة .الوش اللى ملزوق عليه بيطلع كله على بعضه
وجزاء الزاير برضة بيطلع لوحده

ياجماعة انا معايا عربية 405 بس رؤا وكنت عايز اسأل على حاجة يمكن حد يقدر يساعدني
العربية كانت عاملة حادثة واتغيرلها حجات كتير من ضمنها كومبيوتر الانجيكشن بس لما اجي امشي العداد بتاع rpmمابيعلاش عن 3000 خالص ولو حاولت ادوس في العربية تقوم مهدية جامد فهل ده عيب في الكومبيوتر بتاع الانجيكشن ولا ايه وشكرا