باركولى الحمد لله استلمت اللوجن النهارده
عرض للطباعة
باركولى الحمد لله استلمت اللوجن النهارده
مبرووووك على حضرتك :satelite:
إن شاء الله تتمتع بيها في الخير و يبعد عنك شرها
الف مبروك استلام العربيه وربنا يبارك لحضرتك فيها ويكفيك شرها ان شاء الله..
الف الف مبروك وربنا يجعلها وش السعد عليك ويعطيك خيرها
ويكفيك شرها متنساش تقولنا عن انطباعك عن العربية وملاحظاتك
لتعم الفائدة :biggrin2::coool:
ربنا يبارك في حضراتكم ومتشكر جدا علي الردود وبالنسبه للتقيم ان شاء الله قريب جدا بس انا استلمتها من السبع في مصر الجديده وركبتها لكفرالشيخ وبعد كفرالشيخ بحولي 20 كيلو بصراحه انطباع اولي فوق الممتاز كمان وعلي فكره استهلكت 12لتر لترف بن
مبرووووك ... وربنا يبارك لك فيها ويكفيك شرها ان شاء الله
ولا تنسي ان تحمد الله كثيرا
الف مبروك يا باشا و يديلك خيرها ان شاء الله
على فكره انا من كفرالشيخ
الف مبروك يا ريت تقول لنا عملت ايه في الاستلام لحسن حستلم الشهر الجاي
الف مليون مبروك ربنا يباركلك فيها
ورمضان كريم
انا روحت عند السبع يادوب شربت كوباية شاى كانو طلعو العربيه وغسلوها وبعدين طلعت استلمت كل حاجه فيها زى ما قالولى الوحوش يعنى العده والاستبن وبصيت على العربيه كلها من الخارج وجربت كل حاجه الانوار والسى دى وبصيت على العدادات لاقيتها عامله 71 كيلو بالظبط واستلمت العربيه وطبعا لازم تراضى الرجاله وتمشى ولو فى اى استفسار او سؤال عند حضراتكم انا جاهز وفى الخدمه والف الف شكر لجميع الردود
الف مبروك ربنا يعطيك خيرها ويكفيك شرها
وحافظ عليها ومستنين تقييمك
ربنا يبارك فى حضرتك وان شاء الله التقيم قريب جدا لما اجرب العربيه كويس عشان مفوتش اى حاجه بس بصراحه انطباع اولى ممتاز عن العربيه على فكره انا كانت معايا لانسر 2007 وقبليها دايو 2004 وبصراحه وبدون مجامله اللوجان احلى من الدايو بكتييييييير وتكاد تكون فى نفس مستوى الانسر
الف مبروك يا باشا
و ربنا يعطيك خيرها و يحفظك من شرها و يحفظهالك من اي سوء
ياللللا يا رجالة عاوزين العدد بتاع اللوجانية يزيد هنا في القسم
الف مليزن مبروك يا باشا و ربنا يكفيك شر الطريق
ياريت تعملنا تقرير جامد كدة عنها و تقولنا إنطباعك عنها و كمان انا كنت سمعت هنا قبل كدة إنك ممكن تحطلها بنزين 80 إنت سألت فى الموضوع ده فى التوكيل و جربته و لا لأ و عايزين نعرف إيه أخبار التكيف معاك إيه و السحب أخبارة إيه
القسم بقى كله ميجاناوية و لوجاناوية و كلياوية
و انا السينيكاوي الوحيد
إهئ إهئ إهئ
ألف مبروك ياباشا وربنا يباركلك فيها
ياريت تقولنا السعر كام بالظبط وأستلمتها بعد قد أيه؟
وهل موديل 2009 ولا 2010
ولو كانت 2010 هل فيه مشكلة فى المرور عند الترخيص؟
يعنى بتتكتب موديل 2010 ولا مابيرضوش فى المرور وبيكتبها 2009 ؟
ربنا يبارك في حضرتك
اولا السعر 68 الف كنت حاجز من عند السبع يوم 7-4 والاستلام 20-8 والموديل 2010 وإتكتب في الرخصه 2010
100000000000 مبروك على العربية
اخبار استهلاك البنظين ايه؟ والعفشة تمام؟؟
عاوزين تقرير مفصل وربنا يباركلك فيها
ربنا يبارك فى حضرتك بالنسبه للبنزين استهلاكه معقول جدا لحد دلوقتى يعنى من 300 ل 320 كيلو فى الصفيحه داخل البلد والعفشه تمام وارتفاع العربيه مخليها كويسه جدا على فكره وقريب جدا هيبقى فى تقرير مفصل بس انا مستنى شويه عشان التقرير يبقى وافى بس فى حاجه هيا فرامل اللوجان فيها نظام abs اصل في لمبه فى شاشة العدادات مكتوب فيها ABS فياريت لو حد يعرف يقولى
مفهاش abs يا ابو حميد بس العدادت بتنزل كاملة لانة مش هيعملنا عدادت مخصوص.
ألف مبروك يا ابو حميد
ربنا يباركلك فيها ويكفيك شرها ويرزقك شكر ربنا عليها
ما تنساش دعاء الركوب وما تضنش عليها بأي محتاج
علشان ربنا يكرمك بيها
كنا عايزين نعرف موضوع بنزين تمانين أو الغاز الطبيعي
كمان محتاج أعرف من أي عضو من حبايبنا الكرام
الموديل اللى بستة وخمسين ألف جنيه
مكتوب إنه Basic
فده معناه إن ما فيهوش مكيف ولا بور استيرنج ولا زجاج كهربي أمامي
صحيح الكلام ده ولا أنا غلطان
بارك الله لك فيها
اخبار التكييف ايه
وهل يؤثر علي سحب العربية