خلال 6 اشهر..مشروع مصرى صينى لانتاج السيارات !!

**kareemhisham** · 21-08-2009 02:26 AM

الخبر دة كان مكتوب فى مجلة عربيتى و دة الخبر بظبط :

تمهيدا لزيادة اواصر التعاون بين مصر و الصين فى الصناعة و فى مجال انتاج السيارات خاصة

و تحت رعاية وزارة التجارة و الصناعة عقدت اجتماعات بين الهيئة العامة للتنمية الصناعية التى يترأسها المهندس عمرو عسل مع مجموعتين صناعيتين للسيارات احداهما صينية و هى مجموعة دونج فينج ثانى كبرى شركات الصين فى انتاج السيارات من خلال 22 مصنعا و الاخرى مصرية و هى المجموعة المصرية للوقوف على مدى امكانية تحقيق مشروع مصرى صينى عملاق لتصنيع السيارات الملاكى و النقل و الميكروباص باتخدام التكنولوجيا اليابانية

و يبلغ حجم الاستثمارات المتوقعة للمشروع 150 مليون دولار تقسم الى 50 مليونا فى المرحلة الاولىتى تبدأ خلال 6 شهور بانتاج يصل الى 50 الف سيارة يصدر منها نسبة %80 لدول الكوميسا و شمال افريقيا

بينما تبدأ المرحلة الثانية خلال عامين بقيمة اسستثمارية 100 مليون دولار يتحملها الجانب الصينى و ذلك لتحقيق الاستراتيجية التى وضعت من قبل للوصول بانتاج السيارات فى مصر الى مليون سيارة سنويا

ايه رأيكم فى الخبر دة ؟؟

هل تفتكروا فى امل ؟؟

**samoevil911** · 21-08-2009 02:31 AM

يعني ملقناش غير الصين ....؟!
بس والله كويس ربنا معانا
ويسطر علينا انا خايف ال50 مليون يتسرقوا قبل منبدأ اصلا المشروع

**kareemhisham** · 21-08-2009 03:26 AM

اومال مين الممكن يخش فى مشروع زاى دة معانا غير الصين ؟؟!!

بس اى حاجة نبتدى بيها على الاقل

و ربنا يوفق

**eslamrace** · 21-08-2009 05:41 AM

يا دى النيله هو كل حاجه صين صين ايه ده انا زهقت امال المصريين والعرب ملهومش لازمه كده خالص منعرفش نعمل حاجه لوحدنا
دول بقو بيعملولنا سبح
والله كل ما حد ييجى يعمل مشروع اول عقبه تقابله اسعار الصين
سعد زغلول قالها مفيش فايده

**Terrible_DaRsH** · 21-08-2009 05:51 AM

كله نصب يا عزيزى .

الصين اهم حاجة عندها المكسب و كذلك المسئولين اللى بطنهم مش بتتملى ابدا , و مفيش شعب فى الدنيا دى كلها بيستهلك منتجات زى المصريين .

يبقي ليه بقي ميكنش فى تعاون مشترك ! ( اقصد نصب مشترك ) ؟

**amr.elsayed** · 21-08-2009 05:52 AM

طبعا هى خطوة كويسة بالنسبة لبدنا اننا ندخل مجال تصنيع الس
يارات بتوسع وما تكونش مقتصرة بس على التجميع
بس مش عارف ليه حاسس انهم حينتجوا عربيات مسخرة
يا رب يكون احساسى غلط بس الفكرة مش قادر اتقبلها
سؤال اليوم :-
عربية صينى + مصرى = ...........
اللى يعرف الحل يرفع ايده

**Lord_Fouad** · 21-08-2009 10:41 AM

متعودتش اني اصدق الحكومة المصرية ...

الكدب و القدرة البارعة على التمثيل من المتطلبات الرئيسية في الشخص المرشح لمنصب الوزير في مصر

**aly_hosny** · 21-08-2009 11:07 AM

صعب يبقى الخبر حقيقي
لانه لو كان حقيقي كنت هتلاقي كل الناس بتتكلم عنه
بس لو حقيقي خير وبركه لان بجد المصنع لو مسكه ناس كويسة هيطلع منتجات كويسة لان في مصانع كتير في مصر بتصدر حاجات زي مصانع العربي لان الناس ال مسكاها ناس شغالة بحق ربنا
انا عن نفسي مستعد اتنازل وامسك المصنع