انا خلاص زهقت من التوكيل فرع روكسى
السلام عليكم ورحمة الله وبركاتة
كل سنة وانتم بخير
انا خلاص جيبت أخرى من الصيانة بتاعت فرع روكسى بجد حاسس انهم مش بيعملو حاجة ويطلعو العربية يقولو عملنا كذا ياباشا والعربية دلوقتى زى الفل
واجى اجرب الاقى ان العربية زى ما دخلت زى ما خرجت
العيب الى عندى انى لما برفع رجلى من على دواسة البنزين واجى ادوس تانى بسمع صوت شخللة
قولتلهم عليها فى صيانة الاف ومحدش فكر يبص على المشكلة
روحت أمبارح بردك علشان يعملوها طلعو واحد يجرب العربية معايا لقيتو بيقولى العربية مافيهاش حاجة:E_braces[1]: قولتو لاء أطلع جربها فى شارع هادى سمع الصوت والاقيه بيقولى دة من الطاسات ( طبعاً لا تعليق ) قعد يجربها تانى وحس ان كلامه غلط وقالى خلاص ندخلها الصيانة وبعد ساعتين أنتظار لقيتو بيقولى العربية خلصت ياباشا تم تربيط قواعد الماتور والفتيس
طلعت جربتها بس للأسف مش على طول ولقيت ان العيب مش موجود
انا مش عارف اعمل اية أروح ابو رواش ولا اعمل اية