تجديد معبد بن ميمون في القاهرة

**mshamy** · 21-08-2009 10:50 AM

منقول من بي بي سي
مصر: تجديد معبد بن ميمون في القاهرة

كشف زاهي حواس الأمين العام للمجلس الأعلى للآثار في مصر ان أعمال تجديد تجرى في معبد موسى بن ميمون في القاهرة القديمة، مشيراالى انها ستكتمل في يونيو عام 2010. ونفى حواس في مؤتمر صحفي ان يكون هدف المشروع استرضاء اليهود المصريين الغاضبين من وزير الثقافة المصري فاروق حسني.

وكانت صحف مصرية قد نشرت مؤخرا ان منظمات يهودية تقدمت بمذكرة رسمية الى منظمة"اليونسكو" تقول فيها ان الاثار اليهودية في مصر تتعرض للاهمال وتدعو الىالضغط على مصر للحفاظ على الاثار والمعابد اليهودية.

وقال حواس ان "الاثار اليهودية في مصر غير مهملة".

وأنشئ المعبد في نهاية القرن التاسع عشر وينسب الى ابن ميمون الذي ولد في قرطبةبالاندلس عام 1135 وتوفي في مصر عام 1204 وكان عالم دين يهوديا كما برع في علوم الطب والرياضيات والفلسفة.
وكان وزيرالثقافة المصري فاروق حسني، الذي يسعى لتولي رئاسة اليونسكو، قد اثار غضباليهود عام 2008 عندما قال انه سيحرق أي كتب يهودية في المكتبات المصرية.
وقد تراجع في وقت لاحق عن تصريحه واعتذر. ومن المتوقع إجراء تصويت على منصب مدير عام اليونسكو في اكتوبر المقبل.

إنتهى نقل الخبر

إيه رأي حضراتكم ؟
أعتقد كده لم يعد هناك شك أن الرجل بيبوس الجزم علشان الكرسي!!

**lancerevolution** · 21-08-2009 11:30 AM

مش عارف أقول إيه

**blazer** · 21-08-2009 11:48 AM

المشاركة الأصلية كتبت بواسطة mshamy

إيه رأي حضراتكم ؟
أعتقد كده لم يعد هناك شك أن الرجل بيبوس الجزم علشان الكرسي!!

شكرا على الخبر
ياريتها حضرتك جت على البوس بس

**elassar2010** · 21-08-2009 12:25 PM

هو احنا عندنا اغلى منهم
اى يعنى نجددوا الاثار بتاعتهم
اى يعنى نحموهم لما يجوا عندنا
اى يعنى نصدرلهم الغاز بالسعر المدعم

**SeiffoZ** · 21-08-2009 02:27 PM

الأثار شى مهم ...

مش فاهم وجه إعتراض صاحب الموضوع؟؟

**Nile Heart** · 21-08-2009 02:46 PM

المشاركة الأصلية كتبت بواسطة relentless_mayhem

الأثار شى مهم ...

مش فاهم وجه إعتراض صاحب الموضوع؟؟

اعتراض لمجرد الأعتراض وحياتك

احنا فى الشرق التعس ده كده.. الواحد يااما ملاك لا يصدر عنه الخطا.. اما شيطان كل همساته وكلاماته الى جهنم

الناس مش مستوعبه ان احنا دوله انتاجها لا يتعدى 20% من احتياجاتها والباقى من قناة السويس والسياحه وتصدير الغاز وما شابه مما هو "ليس بأنتاج حقيقى"

**NaderNabil** · 21-08-2009 02:53 PM

هو إيه المشكلة لما معبد يهودي يتجدد؟؟؟

مش دي ديانة سماوية مثلها مثل الإسلام و المسيحية؟

المشكلة إن إحنا بنربط كل حاجة ببعضها و بنبص بنظرة سطحية تماماً علي الأمور

إيه دخل تصدير الغاز لإسرائيل باليهود اللي عايشين في مصر و بيطالوا بحقوقهم لتجديد معبدهم؟

**mshamy** · 21-08-2009 03:51 PM

المشاركة الأصلية كتبت بواسطة relentless_mayhem

الأثار شى مهم ...

مش فاهم وجه إعتراض صاحب الموضوع؟؟

المشاركة الأصلية كتبت بواسطة nile heart

اعتراض لمجرد الأعتراض وحياتك

احنا فى الشرق التعس ده كده.. الواحد يااما ملاك لا يصدر عنه الخطا.. اما شيطان كل همساته وكلاماته الى جهنم

الناس مش مستوعبه ان احنا دوله انتاجها لا يتعدى 20% من احتياجاتها والباقى من قناة السويس والسياحه وتصدير الغاز وما شابه مما هو "ليس بأنتاج حقيقى"

المشاركة الأصلية كتبت بواسطة nadernabil

هو إيه المشكلة لما معبد يهودي يتجدد؟؟؟

مش دي ديانة سماوية مثلها مثل الإسلام و المسيحية؟

المشكلة إن إحنا بنربط كل حاجة ببعضها و بنبص بنظرة سطحية تماماً علي الأمور

إيه دخل تصدير الغاز لإسرائيل باليهود اللي عايشين في مصر و بيطالوا بحقوقهم لتجديد معبدهم؟

كنت أعتقد إن الموضوع واضح بس يظهر أنه مش واضح تماما

أولا أحب أقول لحضرتك اني معنديش إعتراض على موضوع ترميم الأثار عموما

الإعتراض على تصرفات السيد وزير الثقافة المستفزة و التي تزايدت في الفترة الأخيرة

وخصوصامع إقتراب موعد إختيار رئيس اليونسكو

واصبح يقدم التنازل تلو الأخر علشان يثبت "للخواجات" إنه أهل للثقة و إنه مش "دقة قديمة"

ولا إحنا لحقنا ننسى الراجل كان رأيه إيه في موضوع الحجاب...

ولا جايزة الدولة اللي راحت لواحد زي سيد القمني...

وأخيرا ترميم المعبد اليهودي ...

هو إحنا خلاص معدش عندنا إلا المعبد اليهودي محتاج ترميم

لو الموضوع مجرد إهتمام بترميم الأثار

كان يبقى من الأجدر الإهتمام بالأثار الإسلامية المهددة بلإنهيار في مصر القديمة و خصوصا إنها مركز جذب سياحي

أو تحسين الخدمات السياحية في مناطق الجذب الكبرى مثل منطقة الأهرامات

ولا إيه؟

**M.Osman** · 21-08-2009 03:53 PM

بصراحة الراجل دا (زاهي حواس) بينرفزني
بغض النظر عن شخصه .. انا معرفوش .. لكن موضوع الآثار عامة انا شايف انه واخد اهتمام زيادة عن اللزوم... بيصرفوا على الآثار مبالغ خيالية اكتر من المبالغ اللى السياحة بتدخلها للبلد اساساً

طب و بعدين ؟
مش الشعب الغلبان دا اولى بالمبالغ دي ؟؟
مش انا و انتم اولى بطرق افضل و خدمات افضل ؟ بدل ترميم الآثار؟

مجرد رأي

**Abo_Lina** · 21-08-2009 04:04 PM

ساعات بحمد ربنا إن مافيش ديموقراطية في مصر ..

يعني دين سماوي معترفين بيه و يتم تجديد معبد تابع لهذا الدين ما هو وجه الاعتراض..

طب ماشي هم بيعملوا كده عشان يجملوا وجه البلد شوية ايه المشكلة ..

طب ماشيين فاروق حسني بيعمل كده عشان يجمل وجهه هو شخصيا..ما هو ماينفعش مسؤول ثقافي يطلع يقول انا هاحرق كل الكتب اليهودية..

مش برضه الناس هاتزعل لو طلع وزير الثقافة الفرنسي مثلا و قال إنه هايحرق الكتب الاسلامية و جايز تتم المطالبة برقبة الراجل..

فعلا احنا بنخلط كل حاجة في بعض..
من الاخر دماغنا فيها زحمة كتير و لما بنفكر كل خطوط الافكار بتتقاطع مع بعض بعشوائية

الموضوع: تجديد معبد بن ميمون في القاهرة

LinkBack

أدوات الموضوع

عرض

تجديد معبد بن ميمون في القاهرة - انشر الموضوع فى :

-

-

-

-

-

-

-

المواضيع المتشابهه

معبد الانسان (المعمار الحى) :-

مساعدة: قادم بزيارة خاطفة القاهرة بورسعيد القاهرة و غالبا في العيد

توقف الحركة بشرق القاهرة-استغاثة لمدير مرور القاهرة

عبقرية أم معبد مقال رائع د. عمر عبدالكافي

احساسك اية وانتا راكب ملاكى القاهرة (اصدى اجرة القاهرة)

الكلمات الدلالية لهذا الموضوع

المفضلات

المفضلات

ضوابط المشاركة