حجزت ايبيزا 2008 بس زعلان جدا (ما تستاهلش)

**محمدايهاب** · 27-10-2007 12:54 AM

طبعا هتقلولي لو مش عجباك ممكن تلغي الحجز هقولوكم ببساطة أختي هي إلي عوزاها و أنا حاولت أقنها بس مفيش فايدة اضطريت احجزها
العربية حقيقة جميلة أنا عارف بس ما تستهلش تمنها 95 أالف ليه؟؟؟ليه؟؟ :twisted:
العربية في أغلى من اليارس و السيتي و الصني و السيريون و الماتريكس و في تمن الانسر1600 و الإلنترا و الماتيريا
أنا بعتبر اليارس و السيتي و الصني أحسن منها و السيتي بالذات تستاهلل تمنها
أما السيريون و الماتريكس ماشي أقل منها بس يستهلوا تمنهم و دي ميزتهم
أما الانسر و الالنترا أحسن بس عيلتي مش موافقة على الإلنترا تحت مبدأ إنها كوري و اللانسر تحت بدأ إن أختي عاوزه عربية مميزة
أما الماتريا فهي مش عائلية

كل غلي أنا عاوزه أنكم تخففوا من أحزاني و تقولولي مميزات الإيبزا ( طبعا غير الكماليات و الحاجات المعروفة )

**hazem_khidr** · 27-10-2007 05:00 AM

ليه دا كله يا محمد
ما انت ما شاء الله مختار عربيه من اجمل العربيات الصغيره و اللي واخده سمعه كويسه في اوربا و الناس بتشهد بكفائتها.
دا كفايه شكلها يا راجل .
عربيه اوربي و بتقنيه فولكس فاجن
صدقني لو ركبتها مش حتركب الياريس تاني و حتحس باالفرق
لا ولا صوت الموتور ما اقولش تحس بالعصبيه بتاعه و صوته المميز اللي يخليك عاوز تجري علشان تسمعه اكتر.\
كفايه كده ولا اقول كمان :P ؟

**Ahmed Samy** · 27-10-2007 05:21 AM

لأ مالكش حق
العربية ممتازة ممتازة ممتازة
وحكاية ماتستاهلش فلوسها دي أنا مش معاك فيها , انت بتقول كده لما بتقارنها بعربيات تانية (أكبر و أكثر انتشارا)
يمكن الهوندا تكون منافس جيد بس الباقي لأو لاحظ ان كل اللي بتقارنها بيهم سيارات كورية و يابانية (ان مكانتش ماليزي) ليس فيها أي نوع نوع من الأمان ولا الصلابة
الإبيزا دي عربية بجد , صغيرة بس تمااااام
و بكرة انت تركب و تجرب و تعرف انا ليه توقيعي Germany

**doglas** · 27-10-2007 05:25 AM

حرام عليك يا راجل ، بقى انت عايز حد يكلمك على الإبيزا !!!!

لو اتكلمنا بالمنطق فسعر العربية دى عالى حبتين بسبب إن العربية مش بتتباع كتير في مصر فالتوكيل مش قادر يجيب نسبة خصم عالية من شركة سيات ، و ده حاصل كمان في كتير من العربيات في مصر زى الألفارميو
و المنطق كمان يقوللك إنى مدام مفيش قدامك غير السعر ده يبقى ما باليد حيلة

العربية كلها 1000000% أسبانى بالكامل ، بتقنيات ألمانى (شركة فولكس فاجن )
كل الإمكانيات و الكماليات و الحاجات اللى ممكن متجيش على بالك موجودة في العربية الصغيرة دى
هقول إيه بس ولا إيه ، صوت موتور و لا قوته و لا عفشة الإبيزا الى تحسسك إنك راكب عربية عرضها 10 متر
كل العربية معمرة سنين و سنين ، العربية فيها تكنولوجيا بتاعت سنين جاية
عربية أول ما تركبها تحس إنها بتحترم اللى راكبها قوى و الله ، صدقنى اللى يركب العربية تفكيره في العربيات هيتغير كتييير قوى

لى واحد صديقي معاه إبيزا قاللى زمان و أنا بجيب الإبيزا بتاعتى إنى أخلى بالى عشان العربية دى فيها مشكلة ، إنى لو ركبتها شوية مش هقدر أنزل منها غير على حاجة أعلى بكتير و حددلى بالذات الجولف 4 و بي إم دبليو أى فئة عشان نظرتك هتتغير لعربيات كتير مهما كان موديل عربيتك
بصراحة حسيته ساعتها بيبالغ ، بس فعلا انا دلوقتى عاملالى أزمة في حاجات كتير قوى
و مع احترامي لكل العربيات اللى حضرتك قولتها ، دى شيء مختلف تماما مش أقصد في الإمكانيات بس في الحالة الروحية الغريبة لراكب العربية دى

انا عارف إنى ناقص أكتب شعر في العربية و في ناس ممكن تقول مش للدرجادى يعنى ، بس بجد ده إحساسى و بصراحة بيزيد يوم عن يوم و بحس إنى أى حاجة تانى غير الألمانى إنه تقليد

نرجع نقطة أخيرة بس بالمنطق إنى الإبيزا الجديدة صغيرة شوية الكنبة اللى ورا ، بس واسعة جدااااااا من قدام
نفسي تسوقها عشان تغير كلامك ، و ياريت تبقى تكتب في نفس الموضوع عشان نشوف الفرق

**محمدايهاب** · 28-10-2007 03:44 AM

يا أخوانا أنا عارف إن العربية جميلة جــــــــــــــــــــــــ ـدا بس ما تستاهلش تمنها بجد العربية أيوة شكلها جميل أسباني بتقنية فولكس محرك و شاسية البولو نازلة كمالياتها كتيير
بس العربية ب95 ألف
لأ أنا عجباني اليارس أكتر و الهوندا أكتر لإنهم ياباني و عمليين أكتر
أما اللانسر فهي عشقي الجديد و أنا شايف غنها احسن بكتيييييييييييير
العربية ضيقة و مش ناعمة و توكيلها زفت و انتشارها ضئيييل
بس على كل أنا فاتح الموضوع ده علشان اسمع مميزتها بغض النظر هي عاجبني و لا لأ
شكرا على الردود

**mohaismail** · 30-10-2007 09:37 PM

انا مش معاك العربية غالية جدا ده غير سعر اعادة البيع بتاعها هتخسر فيها جامد انصحك بهوندا سيتى عربية محترمة وتوكيل محترم وسعرها مناسب جدا ومناسبة اوى لاخت حضرتك فى الشكل والحجم وربنا يوفقك

**احمد الديب** · 09-11-2007 07:20 PM

بجد الابيزا ممتازة

**zeyad1810** · 07-12-2007 02:04 AM

المشاركة الأصلية كتبت بواسطة محمدايهاب

يا أخوانا أنا عارف إن العربية جميلة جــــــــــــــــــــــــ ـدا بس ما تستاهلش تمنها بجد العربية أيوة شكلها جميل أسباني بتقنية فولكس محرك و شاسية البولو نازلة كمالياتها كتيير
بس العربية ب95 ألف
لأ أنا عجباني اليارس أكتر و الهوندا أكتر لإنهم ياباني و عمليين أكتر
أما اللانسر فهي عشقي الجديد و أنا شايف غنها احسن بكتيييييييييييير
العربية ضيقة و مش ناعمة و توكيلها زفت و انتشارها ضئيييل
بس على كل أنا فاتح الموضوع ده علشان اسمع مميزتها بغض النظر هي عاجبني و لا لأ
شكرا على الردود

1000000000000+

**Ahmed Anwer** · 07-12-2007 03:51 AM

أنا شايف العربية مفهاش أي نوع من الغلو ،،

قارنها يالياريس ،، الإثنين نفس الفئة ،،

و كمان الإبيزا موتور 1400 Cc،،

العربية مش غالية إطلاقا ،، بالنسبة للعربيات التانية ،، أنا شايفها مش واخدة حقها في مصر ،،،

شكل رياضي و أداء رياضي و تابلوه جميل ،،

دي الماني ،،،،،، كفاية كده ،،،

ممكن كمان تفكروا في الكوردوبا علي أساس إنها ممكن تنفعكم كعربية سيدان عائلية و علي فكر فرق السعر بسيط جدا بينهم ،،و كفاية فوانيس الإشارة بتاعتها اللي الحرامية اليابانين نقشوها هوا في المازدا 3 و اللانسر الجديدة ،،،

أنا مع الأخ اللي بيقول إنك لما هتجيبها مش هاتعرف تركب حاجة غيرها ،، كل اللي جابوا الألماني و اللي من ريحته اجمعوا علي كده ،،

**thegoodhacker** · 11-12-2007 05:02 PM

هو سعر السيارة غالي شوية علشان دي عربية تبع مجموعة فولكس فاجن الالمانية (العربيات الاوروبية اغلي من السيارات الكوري )بس هي الصراحة تستاهل للاسباب الاتية:
- سيارة شكلها انسيابية و شبابية
- سيارة اوروبية معلروفة بقوة التحمل و قوة صاجها عن مثيلاتها الكورية و اليابانية
-موتور قوي
بس هي للاسف غير منتشرة في مصر و بالتالي ما تضمنش سعر اعادة بيعها
اتمني ان اكون قد افدتك