يوم الاتنين ان شاء الله هاستلم الهوندا سيفيك 2007 وكنت عايز اعرف تنصحونى بايه مش فى حاجه بعينها ولكن عن كل حاجه لان دى اول عربيه زيرو هاركبها
يوم الاتنين ان شاء الله هاستلم الهوندا سيفيك 2007 وكنت عايز اعرف تنصحونى بايه مش فى حاجه بعينها ولكن عن كل حاجه لان دى اول عربيه زيرو هاركبها
الف مبروووووووووك يا باشا
و تبقى تبص على العربية حتة حتة و تتفحصها بدقة من برة لاتكون مخبوطة او حاجة لا قدر الله حتى لو خبطة بسيطة متستلمش و تجرب كل حاجة فيها انوار و كاسيت و ازاز و تكييف و تاخد راحتك خالص و تتفحص كل شئ :D و تستلم العدة
و متنساش التلييييييييين مهم
متخليش ال RPM يعدى ال 3000 و متخليش العربية تغريك انك تجرى :D و متزودش عن 80 و حاول متمشيش على سرعة ثابتة لفترات طويلة يعنى زود و قلل و بعدين ارجع تانى للسرعة و خلى رجلك خفيفة فى اول 1000 كم بعد كدة اعمل الى انت عاوزة بس مش مرة واحدة يعنى :D شوية بشوية و اختبر بقى سحب العربية و اعمل كيك داون و كل الى انت عاوزة ( طبعا بعد صيانة الألف ) :D :D
و مبرووووووك يا باشا كمان مرة :lol: :lol: و اختيار موفق و ربنا يحفظهالك
يا فهد مش لدرجه 80كم/س.. الـ 3000rpm دي تعدي الـ 120 مرتاح علشان الفتيس اوتوماتيك.اقتباس:
المشاركة الأصلية كتبت بواسطة fahd_628
متنساش تكشف على الاستبن و الكوريك و العده... و متنساش تاخد المانيوال بتاعها و كتيب الصيانه و الضمان.
الله يبارك فيكو
نصيحتي ليك تبخرها
و تدبح حاجة او توزع قرشين علشان ربنا يباركلك فيها
وألف مبرووووك يابـــــــاشــــــــــــا
mabrowk ya bashaaa
الف ميروك يا باشا
لا تنسي الافراج الجمركي اهم حاجة
و ربنا يباركلك فيها و يكفيك شرها و يا ريت تتصدق لوجه الله و حاول تدبح و لو حتي جدي
فعلاً بس المهم كمان ان التسارع يبقى تدريجي وانك تبعد عن القيادة العنيفة او الرياضيةاقتباس:
يا فهد مش لدرجه 80كم/س.. الـ 3000rpm دي تعدي الـ 120 مرتاح علشان الفتيس اوتوماتيك.
كنت عايز أعرف تفاصيل الحجز ودفع الفلوس بالنسبة ليك معاهم.
_________________
محمد عبدالله
الف الف مبروك
الف مبروك
بص لو معاك فلوس لسه ( ربنا يزيد و يبارك )
جنوط و زينون ز بس
و اكيد الفرش الجلد + الغطا و مراجعة الزيت و الزوايا و اللي زي منو
الف مبروك يا باشا
بالنسبه للوكيل الحجز هناك انك تدفع 30000 جنيه ويتحددلك ميعاد للاستلام وتختار اللون اللى انت عايزه ولما تستلم تدفع بقية الفلوساقتباس:
كنت عايز أعرف تفاصيل الحجز ودفع الفلوس بالنسبة ليك معاهم.
حتى الان لايوجد اى فرصه للحجز الا فى فبراير لان كل الدفعات اللى قبل كده محجوزه
انا النهالرده كنت بتفرج على العربيه اللى هاستلمها (انا شاريها من القصراوى اوفر برايس مش من الوكيل) بس قاللى حاجه غريبه قوىاقتباس:
لا تنسي الافراج الجمركي اهم حاجة
لما سالته عن الورق قاللى هاستلم كل حاجه مع العربيه (جواب ملكيه من الفطيم و الافراج الجمركى) بس الضمان مش هاستلمه الا لما ارخص لان شهادة الضمان بيكون مكتوب فيها رقم اللوحات المعدنيه للعربيه يعنى بعد مارخص اصولر الرخصه واوديهالو وبعدين يبقى هو يجيبلى الضمان
حد يقوللى الكلام ده صح ولا غلط اصلى حاسس انى هايتنصب عليا ودول مش شويه ياجدعان
ازاي يعني؟؟ ولو العربية اتباعت يبقى الضمان لاغي؟؟!!!!!!!!!
انا كنت اسمع ان ساعات بتستلم الضمان عند الصيانة الاولى علشان يجبرك انك تعمل الصيانة عند الوكيل..... اما رقم اللوحات والكلام دة اول مرة اسمع عنة!!
والله يانادر ياخويا هو ده اللى حصل
ممكن لوتعرف حد معاه هوندا بس 2007 لانهم بيقولو ان ده نظام جديد
ممكن لو تعرف حد تسالهولى؟
لا والله معرفش حد معاة سيفك 2007 غيرك :).... هي في واحدة عندنا في العمارة لو صادف وشوفت صاحبها هشوفلك الموضوع دة... وهنا في قسم الهوندا > اكيد لو اي حد عندة فكرة من ملاك السيفك هيقولنا <.
الضمان بيكون مكتوب فيه رقم الشاسيه و الموتور... رقم اللوحات بيتكتب بعد كده لما تعمل الصيانه.
روح عند الوكيل على انك بتحجز و اسأل هناك.
غريبة جدا اللي انا افهمة ان الضمان فية رقم الشاسية و الموتور
لكن رقم اللوحات مالوش اي معنى عالضمان, يعني لو انت نقلتها من مرور لمرور بعد كذا شهر الضمان حايسقط و للا أية, او لو انت بعتها لحد بعد اسبوعين و اللي اشتراها نقلها لمرور تاني يسقط برضة !!!! حاول تفهمهم ان الضمان على العربية برقم شاسيهها و رقم موتورها لكن مش برقم لوحه ممكن يتغير
انا فاهم والله بس دول قالولى ان ده نظام الفطيم فكنت بستفسر لو حد يعرف ان ده هو اللى بيحصل فعلا ولا دى نصبه وخلاص بس الاستاذ CosmicOne وقاللى انه لسه ماخدش شهادة الضمان لغايه دلوقتى وهو شارى من الوكيل الفطيم نفسهاقتباس:
حاول تفهمهم ان الضمان على العربية برقم شاسيهها و رقم موتورها لكن مش برقم لوحه ممكن يتغير
على العموم اشكركم جميعا على ردودكم واهتمامكم وخوفكم على مصلحتى بجد انتو اخواتى
الف مبروك يا باشا
السلام عليكم ورحمة الله وبركاته
اولا الف مبروك على العربية
ثانيا بالنسبة لموضوع الضمان فده انا اول مرة اسمعه
انا كنت جبت العربية من الفطيم فى الاسكندرية اللى فى السلطان حسين وكان الضمان برقم الشاسيه مش برقم اللوحات بدليل انى استلمت كل اوراق العربية قبل الترخيص
فخلى بال حضرتك من الموضوع ده واتأكد من الفطيم ومركز صيانته اللى فى القاهرة وأنا للأسف معرفش غير مركز المأمون اللى فى الاسكندرية
فضرورى حضرتك تكلم مركز الصيانة ده وتسألهم عن النظام
ألف مبروك يا ميمو و ربنا يباركلك في العربية انا اما جيت أستلم العربية أستلمت الضمان معاها قبل ما ركب نمر نصيحتي ليك تروح اي التوكيل و تشرحلهم الوضع و تشوف يمكن يكون دة النظام مع الموزعين توكيل هوندا في مدينة نصر أو سور نادي الزمالك أتأكد منهم في الموضوع دة ;)
سور نادي الترسانة