فضيحه الماتركس التركى 2010

**mmsoaa** · 21-08-2009 05:03 PM

hالحمد لله ربنا اكرمنى بعربيه متريكس 2010 ملاحظاتى على العربيه
التقفيل وحش جدا البلاستك المستخدم تعبان اوى
الكلاكس بيعلق
التكييف فى صفاره خفيفه لما بتعلى المروحه
العربيه لقتها الانزار بيعلق والكاست فصل والساعة وقفت والار بى ام اتلخبط بعد ما اعصابى باظت اكتشفت ان الفيوز مش راكب للاخر وبالصدفه
المهم الحمد لله على كل شىء وعلى فكرهالعربيه عمله800 كم

**أشرف فتحى** · 22-08-2009 01:59 AM

المشاركة الأصلية كتبت بواسطة mmsoaa

hالحمد لله ربنا اكرمنى بعربيه متريكس 2010 ملاحظاتى على العربيه
التقفيل وحش جدا البلاستك المستخدم تعبان اوى
الكلاكس بيعلق
التكييف فى صفاره خفيفه لما بتعلى المروحه
العربيه لقتها الانزار بيعلق والكاست فصل والساعة وقفت والار بى ام اتلخبط بعد ما اعصابى باظت اكتشفت ان الفيوز مش راكب للاخر وبالصدفه
المهم الحمد لله على كل شىء وعلى فكرهالعربيه عمله800 كم

أولا الف مبروك على العربيه ....ربنا يديلك خيرها ويكفيك شرها.....

تعالى بقى نتفاهم .....

حضرتك قلت التقفيل وحش والبلاستيك تعبان....مش ده بتعرفه اول ما تتفرج على العربيه قبل ما تشتريها؟!

الكلاكس بيعلق ومروحه التكييف بتصفر وفيوز مش راكب......حضرتك عربيتك لسه بتلين ومعملتش 1000 كيلو ولما هتروح تعمل صيانه الالف إن شاء الله بتقولهم على ملاحظاتك وإن شاء الله كلها حاجات بسيطه بتتظبط ببختين w40

يعنى مش فضيحه ولا حاجه للماتركس.......روق بقى ورمضان كريم.......

**som3aa** · 22-08-2009 02:36 AM

ممكن يكون السبب ان الانذار بيركب فى مصر (انا مش عارف الماتركس كمان بيركب فى مصر و لا لأ زى الالنترا) , لو كان بيركب ممكن يكونوا لعبوا فى الفيوز و لا حاجة و مركبهوش كويس.

او طبعا ممكن تكون جاية كدا من بره و دا غلط فى مراقبة الجودة فى المصنع فى تركيا.
بس كدا و لا كدا
ان شاء الله بسيطة و الموضوع يتظبط بسرعة فى التوكيل.

**Samir Elshahawy** · 22-08-2009 03:46 AM

كل عام و أنت بخير و كل أعضاء هيونداي بخير ...

سيدي الفاضل من الطبيعي أن تجد عيوب كثيرة في أي سيارة جديدة (زيرو) لذا فقد أعتمدوا علي صيانة الالف كيلومتر الاولي و التي تكون مجانية لمعالجة مثل هذه الاخطاء و عيوب التقفيل التي يكتشفها المالك أثناء أستخدامه للسيارة ضمن ظروف التشغيل الفعلية و ليست المعملية

لذا أنصحك بتدوين كل ملاحظاتك عن السيارة خلال الالف كيلومتر الاولي و أخطار التوكيل بها و أن شاء الله سيفعلون اللازم و ان لم يفعلوا من حقك ان تلجأ الي جهات عديدة منها "نايل موتور"

**m_s_h_a** · 22-08-2009 08:23 AM

فعلا التركى فرق شاسع بينها وبين الكورى الخامات سيئه

**EslaM_NagY** · 22-08-2009 11:14 AM

المشاركة الأصلية كتبت بواسطة أشرف فتحى

حضرتك قلت التقفيل وحش والبلاستيك تعبان....مش ده بتعرفه اول ما تتفرج على العربيه قبل ما تشتريها؟!
...

والله قريت الموضوع قبل ما حد يرد خالص وكنت حقول كدة وبعدين سكت منعا للزعل.

**bassam nagy** · 22-08-2009 11:23 PM

المشاركة الأصلية كتبت بواسطة som3aa

ممكن يكون السبب ان الانذار بيركب فى مصر (انا مش عارف الماتركس كمان بيركب فى مصر و لا لأ زى الالنترا) , لو كان بيركب ممكن يكونوا لعبوا فى الفيوز و لا حاجة و مركبهوش كويس.

او طبعا ممكن تكون جاية كدا من بره و دا غلط فى مراقبة الجودة فى المصنع فى تركيا.
بس كدا و لا كدا
ان شاء الله بسيطة و الموضوع يتظبط بسرعة فى التوكيل.

الانذار والكاسيت بيتركبوا فى مصر
والف مبروك العربية ربنا يباركللك فيها