عرض للطباعة
السلام عليكم ورحمه الله
محتاجين كمية من لبن اطفال بايوميل1 المدعم من وزارة الصحة
لان هناك حالة فقيرة وزوجته ولدت تؤام وصحتها لا تساعد على ارضاعهم
رجاء من كل طبيب او صيدلي في المنتدى خاصة من هم في نطاق مصر الجديدة والحرفيين ويستطيع توفير كمية يخبرني سواء هنا او على الخاص لان البديل غالي بشدة عليهم والعلبة الواحدة تكفي الطفلين 3 ايام فقط
جزاكم الله كل خير مقدما
كريم منير
ويا ريت كمان يكتبلنا اسم فيتامين قوي ورخيص من المدعمين ينفع للمرضعات
عشان الحالة صعبة حبتين
هو اللبن المدعم ده مش بيتباع فى الصيدليات يعنى ؟
و لا نادر لما تلاقيه ؟
الصيدليات بتنزلها كمية قليلة من اللبن فطبيعى الصيدلى بيدية للمعارفاقتباس:
المشاركة الأصلية كتبت بواسطة terrible_darsh
فنادرا جدا ان واحد ميعرفش صيدلى يشترى اللبن دة
انا هسال واقولك
افنح الخاص يا كيمو
على فكرة
سبب ندرة اللبن ده ان مكسبه للصيدلية قليل فمش محبب ان الصيدليات تشتريه
لما سالنا عرفنا ان كل صيدلية بينزلها من 4 الى 6 علب حسب كثافة المنطقة
ومش بيصرفو اكثر من علبة واحدة لكل شهادة ميلاد
انا هاحاول اتصرف لك في دوا مدر لللبن ممكن الام تاخده و يزود اللبن الطبيعي .......
ممكن حضرتك تكتب نمرتك او تبعتها لي على الخاص وانا حعرف اتصرف لك في كذا علبة ان شاء الله
يا جماعة معلش كل واحد بيتكلم وهو معندوش خلفية عن الموضوع اعذرونى
انا شغال فى صيدلية اخويا واللبن المدعم بقى ينزل فى المستوصفات فقط لا غير والمستشفيات ومبقاش ينزل فى الصيدليات على فكرة وانت ممكن تجيبه من المستوصف بحوالى 6 جنيه ولا حاجة مبقاش ينزل للصيدليات ومحدش هيقدر يجيبه خالص
مقدرش اعمل حاجه غير انى اتمنالكم التوفيق وربنا يكرمكم على الخير اللى انتم بتعملوه
اللبن المدعم اللي ب 3 جنيه من حقها تاخده من غير واسطة ولا حاجة...ومتوافر بكميات في الوحدات الصحية التابعة لوزارة الصحة حسب المنطقة...
انا الوحدة اللي شغال فيها في شارع الهرم...لو موضوع العنوان ده او محل الإقامة ممكن يعدي..ممكن نخليها تصرف من عندنا بالإضافة الي اي كميه اخرى ممكن اي حد من الأعضاء يوفرهالها
بس هي من حقها تروح الوحدة وتصرف بكل بساطة...ولو انا مقدرتش اتصرف في موضوع العنوان ده في وحدتي...ياريت اعرف الوحده اللي هي تابعة ليها واللي اتسجل فيها المواليد ونكلم الأطباء هناك بشكل شخصي وهيوافقوا ان شاء الله
بكره باذن الله هكون سألت عندي في الوحدة وهارد على حضرتك يا أستاذ كريم.
وفقكم الله دائما لما فيه الخير
انا تليفوني
واللبن في الصيدلية ب 15 جنية ومش موجود اطلاقا
انا سالت علية كتير في نطاق اماكن كتير مالقتوش
وقالولي في بديل ب 35 جنية تقريبا
الراجل مش قادر يدفع 15 هايدفع 35
لان العلبة بتكفي العيلين 3 ايام تقريبا لغاية سن 6 شهور
دكتور اسر انا هاخلي زوجها يروح الصبح الوحدة يسئل عن الموضوع ده
وشكرا على استجابتكم
وهاوافيكم بالنتيجة ان شاء الله
جزاكم الله كل خير
ماعتقدش العلبة تكفي 3 ايام دي حقيقةاقتباس:
المشاركة الأصلية كتبت بواسطة karim_monir
العلبة بتكفي الطفل الواحد مش اقل من شهر
يعني طفلين هتكفيهم اسبوعين
لو قصدك عالبديل Aptamil I
العلبة بتكفي لمدة 3 ايام للطفلين
لان الام في حالة صحية لا تسمح بالرضاعة
حسب ما قيل لي
لاني لا افقة اي شيء عن الموضوع يا احمد
كلام حضرتك مضبوط وكل الكلام السبق ذكرة مش مضبوط ممكن حضرتك تكلمنى بكرة على رقم 0106786366 وانا ان شاء الله هوفرلك الكمية الى تحتجهاااا على الفوراقتباس:
المشاركة الأصلية كتبت بواسطة karim_monir
اللبن المدعم موجود فى مراكز رعاية الطفوله و الامومه .. و لام علشان تصرف بتم الكشف عليها من خلال طبيبه المركز للتاكد من عدم امكانية الرضاعة الطبيعيه.. ويتم الصرف بعد ذلك فى مواعيد محدده كل اسبوع و كميه على حسب عدد الاطفال و تقل تدريجيا الى 6 شهور يتم ايقاف الصرف..وسعر العلبه 3 ج
الرضاعة الطبيعية بديل عن كل الصداع ده , مغلى الحلبة والسوائل الكثيرة تساعد فى ادرار اللبن مع تشجيع الام على ذلك واقصاءها عن التفكير فى اللبن الصناعى , الام المرضع لبنها يكفى حتى 3 توائم .
لا يوجد فى الطب مايسمى " اللبن لايكفى " حيث ان المولى عز وجل كفل للطفل المولود كفايته من لبن الأم حيث يسحب من جسم الام تركيبة اللبن الفريدة حتى وان كانت الام مريضه , كل ماهنالك أن منعكس ادرار اللبن فى المخ يتأثر بالحالة النفسية للأم اذا لم تتشجع على الرضاعة الطبيعية
سيدي الفاضل انا مش باكذبك و الله العظيم انا باتكلم عن تجربة لا أكثراقتباس:
المشاركة الأصلية كتبت بواسطة karim_monir
اقتباس:
المشاركة الأصلية كتبت بواسطة د.محمود صلاح
+1 الكلام ده صحيح و شفته بيحصل فعلا ......
ربنا ما يجيب تكديب يا احمد لا سمح الله
هيا اختلاف التجربة فقط
-----------
دكتور اشرف السعدني ربنا يجازك كل خير
دكتور روبير شكرا جزيلا
دكتور اسر شكرا جزيلا
واحمد سعد شكر خاص جدا
وطبعا اخونا الكبير دكتور محمود صلاح
يا جماعة الراجل بناء على تعليماتكم وارشادتكم
راح النهاردة الصبح لمركز الاسرة وخد زوجته معاه عشان يكشفو عليها
وصرفو له كمية لبن تكفيهم 15 يوم (كل طفل علبة اسبوعيا)
على ان يحضر بعد اسبوعين لتكرار الكمية
لان الام حملت وعلى يدها رضيعة لم تكمل العام
وجابت تؤام فزاد الطين بله وانهك كامل صحتها مع سوء التغذية والعمل المتواصل
حقيقي جزاكم الله كل خير على نصحكم وارشادكم
وربنا يجعلة في ميزان حسناتكم
فعلا المنتدى مليان بالخير والخبرات في كل مجال
وكل سنه وانتم طيبين
حضرتك ان اخويا صيدلي ...ومعظم الادويه الغير متوفره وخاصة اللبن بتتجاب من صيدلية الشركه المصريه للشكاوى بكورنيش المظلات ويفضل احضار شهادة الميلاد
شكرا يا محمود
وان شاء الله لو مالقناهوش تاني هانروح الشركة او نبلغ احد الاخوة الكتير الي حبو يساعدو
بجد ربنا يجازيكم كل خير ويجعلة في ميزان حسناتكم
موجود ب 15 جنيه فى الصيدليات انا بجيبه باستمرار ومتوفر بس لف شوية
+11111111111111111111111اقتباس:
المشاركة الأصلية كتبت بواسطة د.محمود صلاح