يعنى ايه الكلمة دى fully loaded:U_thin1[1]:
عرض للطباعة
على فكره ياباشا التوبيك ده اكثر من روعه والمفروض يشيلوا بقا الموضوع المتثبت بتاعى اللى هو التويوتا كورولا حقا انها اسطوره تاريخيه ويحطوا ده لانه يستاهل فعلا
وربنا يباركلك فى العربيه ويكفيك شرها وان شاء الله العربيه هتعجبك جدا كل مره تركبها
بالنسبه لشكل العربيه من الخلف الحل هو انك تركب فوانيس Leds وبتخلى العربيه شكلها من وراء وااااااااااااااو وخصوصا بليل
مع سبويلر rear وتنفيخ فى الاكصدام من تحت والله هتبقى تحفه هندسيه ملهاش مثيل
تحياتى
كان فى حاجة ناقصة تتصور التصفيح من اسفل السيارة.
الف مبروك ياكيمو باشا تقرير ممتاز ربنا يباركلك فيها
وفعلا الكورولا عربيه ممتازه وتمنها فيها
هو بس موضوع الفتيس mmt والتقفيل الجنوب افريقى طلعوا عليها اشاعات كتير وعملولها سمعه وحشه
الف مبروك وفى انتظار جديدك دائما
طب انت ايه رأيك لو معايا مبلغ من 145 ل 150 تنصحني اشتري
الاوتوماتيك 2010البروفشنال وفتيس معروف ومريح
ولا المانيوال 2010الادفانسد وكماليات عالية ؟؟
وبعدين حضرتك معلش ما ردتش على سؤالي هيا بييجي معاها ايه ؟
ولما بستلمها ببص على ايه فيها كاهم حاجات؟؟؟؟
يا راجل موضوعك ايه الى يتشال ,, احنا موضوعتنا تبقا تحت بعض فى التثبيت و نبقى عملين شغل جامد :) و الله يبارك فيك يا باشا
و بالنسبة لموضوع التظبيطات دى فانا ناوى اركب سبويلر انشاء الله ,, و الفواني ال leds دى انا عايز اشوف شكلها بس لان ناس كتير بتقول شكلها حلو و انا مشفتوش قبل كدة ,, و كنت سألت عند التوكيل على كساحات و عتب بس ملقتش ,, دى بقا بجد البتخلى العربية تحفة ,, ممكن تخش تشوف الصور على جوجل
بس طبعا التظبيطات دى مش دلوقتى :)
انشاء الله هصوروا بكرة و ارفع الصور على طول :)
حسااام باشا :) الله يبارك فيك
و فعلا الmmt دة عمل مشاكل كتير مش فى مصر بس لأ برة كمان ,,
بس انشاء الله بعد الفتيس الجديد المواضيع هتتظبط ,,
و متشكر لمرورك :)
طبعا الموضوع يرجع لليريح حضرتك ,,
يعنى لو حضرتك بتدور على الراحة فى القيادة يبقى الاوتوماتيك ,,
انما لو المانيوال مش بيفرق مع حضرتك او حضرتك بتحب الكماليات يبقى التانية ,,
او لو الاتنين بالنسبالك زاى بعض يبقى انصحك المانيوال الكاملة :Oc_sun1[1]: ,, بصراحة بعد ما شفت حلاوة الكماليات الزيادة استريحت لاختيارى اكتر
و لما تستلمها بص على العدة فى الشنطة ورا و الولاعة و ان كل حاجة شغالة زاى التكييف و السى دى بلاير ,, و الرشاشات و المية ,, افتح كل حاجة و حس انك مرضى و اى حاجة مضايقاك قول عليها على طول
و العربية بيجى معاها الاتى :
صورة الافراج الجمركي ,, عقد بيع معتمد في المرور من الوكيل لحضرتك ,, شهادة بيانات للسيارة ,, عقد بيع معتمد في المرور من الوكيل