الموضوع: تقـــييـم النسيان تيدا سيدان وهاتش باك

المشاركة الأصلية كتبت بواسطة ali357

-

-
-
-
-
-
-
-
-
-
-
-
-
-
-
-
-

كل عام وانتم بخير بمناسبة شهر رمضان الكريم اعاده الله علينا وعلى الامة الاسلامية باليمن والبركات

انا عاوز بس نعمل تقييم للنسيان تيدا سيدان والهاتش باك وكل اصحاب النسيان التيدا يدخلوا ويقولوا رايهم فى العربية واى موديل معاهم سواء كانت هاتش باك او سيدان واى فئة مانيول او اتوماتيك وتقولولنا عاملة كام الف كيلو وايه اللى اشتكيتوا منه فى العربية وايه اللى غيرتوه, واسعار قطع غيارها اخباره ايه, وايه اللى شوفتوه من مميزات فى العربية , وايه اللى شوفتوه من عيوب ظهرت معاكم , واستهلاك البنزين قد ايه , العفشة ناعمة ولالا , العزل الصوتى بالنسبة لصوت الماتور وصوت العالم بره السيارة اخباره ايه , والعزل الحرارى اخباره ايه من ناحية الماتور والطابلوه والشكمان والكونسول اخبارهم ايه بردوا , ومن ناحية الامان وفراملها ( بعيد عن الصوت اللى بيظهر عن الفرامل) عاوز اعرف قوة الفرامل, كلمونا عنها اكتر يا جماعة من الناحية العملية من ناحية ادائها واداء ماتورها

كفاية ان العربية يابانى 100% ماتور وخامات وكمان سعر الاتوماتيك منها وصل الى 111 الف

وفى بعض الاسئلة بردوا عايزنكم تردوا علينا فيها وانتوا بتعملوا التقييم لوكنتوا سمعتوا عنها من مهندسين الصيانة :

زى ان التكيف مش بيسحب من الماتور حاجة خالص وله ماتور لوحده او حاجة منفصله عن ماتور السيارة ومش بيحمل عليها , هل فيها وصلة يو اس بى وكماليات ايه , واسعار الفوج لايت والسينسور بارك بيركبوا بكام فى التوكيل , وفى حاجة سمعت عنها ان البوجيهات بتعتها بتتغير بعد 100 الف كيلو لانها بلاتنيوم ,

سوال اخر منى ليكم اخبار الكاسيت بتاعها ايه هل ام بى ثرى ولالا وصوته عامل ايه ,

العربية تستاهل وياريت نعمل عليها تقييم من ملاكها ويدخلوا ويشاركوا لان الناس محتاجة تعرف العربية اكتر وخصوصا من ناحية ادائها وقوة ماتورها , يعنى من الناحية العملية اكتر ونتكلم عنها على ارض الواقع اكتر وخصوصا بعد ما الناس اشترتها وجربتها فترة وشكروا فيها ولان العربيات اليابانى ميه فى الميه بقة قليلة او نلاقى يابانى متقفل فى الصين او فى مصر ودى الوحيدة حتى فى النسيان يابانى متقفلة فى اليابان

اتمنى من ملاك النسيان تيدا يدخلوا ويساعدونا بتقييمهم ويحكوا ويتكلموا اكتر عنها

العربيه الاوتوماتك اول فئه مش فيها يو اس بي واليسي دي بتاعها بيشغل ام بي ثري استهلاك البنزين كويس جدا وهناك عداد وقود لتحديد استهلاك البنزين كل 100 كيلو اثناء القياده واخر لتحديد متوسط ما تم استهلاكه فعلا كل 100 كيلو منذ اخر تصفير
العربيه واسعه جدا جدا جدا ثباتها علي الطريق معقول انا جبت 180 علي الطريق الغربي للصعيد ومعايا اربع اشخاص بشنطهم والتكييف شغال ومرضتش ازود مفيش صوت تقريبا للموتور العزل رهيب فعلا ما شاء الله لاقوة الا بالله انصحك اعمل تست درايف وهتشتريها فعلا وبعد كل ده اقولك عربيه يباني والاحسن كمان ان توكيلها ممتاز وملتزم وبيتابع العملاء
وطبعا التكييف بيأثر علي السحب واستهلاك الوقود وده طبيعي بس مش لدرجه محسوسه لو انت استعمالك للسياره مش رياضي
اما اسعار الفوج لايت والسينسور فهيا غاليه فعلا في التوكيل والعربيه الكامله فيها فوج لايت والسينسور بقي رخيص فعلا ومش بيخرج من الضمان من الاخر مش هتندم لو اشتريت التيدا الا انك هتاخد عين محترمه ربنا يكفينا شر الحسد
برضه من ملاحظاتي العربيه عاليهه ومش بتحك في المطبات الا لو محمل فيها جامد واخدت المطب بعشوائيه وانا يمكن خبطت معايا مرتين تلاته بس كنت محمل جامد (وسع العربيه الرهيب في الكنبه والشنطه مغري)والخبطات كانت بسيطه ومن الخلف بعد معجلات العربيه الخلفيه تعدي المطب لان العربيه بتاخد سوسته نظرا لاستعجالي
العيب الوحيد اللي لقيته فيها لحد الان شكلها مش عاجبني خالص بالمقارنه بالنيو سيراتو مثلا بس بحاول اتقبلها للمميزات الرهيبه الاخري اللي فيها

يا جدعان اخبار صاج العربية