السبع زود الهوندا سيتى 4 الاف جنيه لوحده
الناس دى عمرها محتتعلم ابدا
رغم انى اعرف ان السبع موزع محترم
وكنت رحت قابلتهم علشان السيتى
والنهاردة رايح احجز لقيت بيقول العربية بقت ب 118!!:8954[1]:
ليه تزود عليها 4 الاف جنيه؟
اصلها خلصت من الوكيل
وقعد يقنعنى احد التيدا (هو وكيل للنيسان نوعده مركز صيانة ليها)
قعدت اتناقش مع الموظف علشان افهم الناس دى بتفكر ازاى
1- العربية اصلا مبتبعش لانها غالية ومفهاش اوبشن
2- احنا فى رمضاااااان وحتى لو السوق شد شوية خلااااص
3- احنا فى اخر السنة وانا حخد 2009 والمفروض سعرها يرخص او على الاقل يثبت
بس طبعا بكلم نفسى
رحت عديت على المصرية قالى 115 ..يعنى زودها برده بس الف تقريبا
رحت لمحل تانى قالى برده 115
لما كنت كلمت التوكيل كان قالى الستوك خلص ومش حنجيب تانى قبل شهر يناير!!!!
ايه التوكيل اللى يقعد 5 شهور من غير عربيات
وازاى توكيل محترم يسيب موزع معتمد يرفع الاسعار بمزاجه؟؟
حاجة بجد تزهق وخلونى فعليا افكر اصرف نظر عن السيتى وحتى لو حشتريها ب120 حتى مش حجبها من السبع