"فولكس فاجن" و "أودي" يسحبان سياراتهما من الأسواق الأمريكية

"فولكس فاجن" و "أودي" يسحبان سياراتهما من الأسواق الأمريكية

21 اغسطس 2009 - 20:10
http://contactcars.com/Images/News/L...rmella1_31.jpg
عيوب في علبة تروس "جيتا" تجبر "فولكس فاجن" على سحبها
قامت شركتا "فولكس فاجن" و"أودي" الألمانيتان لصناعة السيارات بسحب عدة آلاف من سياراتهما المعروضة في الأسواق الأمريكية بصورة بعد اكتشاف وجود مشكلات في صناديق التروس بها.

وذكرت تقارير صحفية عالمية يوم الجمعة أن عدد السيارات المسحوبة من إنتاج "فولكس فاجن" يصل إلى 13500 سيارة بينما بلغ عدد ما ستسحبه "أودي" 2500 سيارة.

وتتعلق هذه الأخطاء بموديلات "فولكس فاجن جيتا" و "جيتا سبورت" و "جي تي آي" و"إيوس" التي تم إنتاجها في الفترة بين سبتمبر 2008 و أغسطس 2009 والتي تم تزويدها بصندوق تروس من طراز DSG.

أما "أودي" فقد طالت هذه الأخطاء الصناعية موديلاتها A3 و TT و TT Roadstar.

وكانت بعض نسخ السيارات المسحوبة تصدر في بعض الحالات ضوء إنذار على لوحة القيادة بسبب مشكلة في "مجسات" الحرارة كما تنتقل تروس ناقل الحركة الأوتوماتيكي في بعض الأحيان تلقائيا إلى وضع "N".

ويمثل نصيب "فولكس فاجن" و"أودي" قدراً محدوداً في السوق الأمريكية حيث وصل حجم البيع الذي حققته "فولكس فاجن" هناك في شهر يوليو الماضي حوالي 20 ألف سيارة فيما باعت أودي 6500 سيارة في الوقت الذي وصلت مبيعات "جنرال موتورز" في نفس الشهر إلى حوالي 190 ألف سيارة في الأسواق الأمريكية.
منقول من موقع كونتاكت كارز
ياترى هل فيه مشاكل فى العربيات اللى وصلت مصر !
وهل لو فيه مشكله التوكيل هيسحب العربيات

إحنا السيارات اللى عندنا فرز اول يا باشا
مافيهاش العيوب دى اللى بتظهر بره

اقتباس:

---

المشاركة الأصلية كتبت بواسطة sharky

إحنا السيارات اللى عندنا فرز اول يا باشا
مافيهاش العيوب دى اللى بتظهر بره

---

ههههه
بيجيبوا وش القفص

عمرها ما حصلت فى بلدنا ولا هاتحصل (:

لأ هو السؤال مش كده ؟؟؟؟

السؤال هل أصلاً العربيات اللى عندنا بتنزل بنفس الفتيس اللى الخبر بيتكلم عليه ؟؟؟

يعنى أحنا كل اللى بينزل 1600 لكن برة صعب تلاقى أقل من 1800 و أعتقد من 2000 سى سى و أنت طالع هتلاقى الفتيس متغير.

بس احنا نزل عندنا الفتيس ال dsg
واتباع فى عربيات زى الشيروكو و الجولف 6
وتقريبا فى الباسات ال 1400 tsi

الفتيس بيعمل بتكنولوجيا أسمها DSG أو Direct Shift Gearbox بس الفتيس اللى ينفع لعربية 1600 أو 1800 مينفعش مثلاً للمواتير العالية اللى بتوصل ل 200 حصان مستريح.....لأن الفتيس مش هيستحمل.
يعنى ممكن يكون الفتيس اللى فيه عيب فتيس المواتير ال 2400 مثلاً و غالياً هيكون مختلف عن الفتيس بتاع ال 1600 و ال 1400 ال TSI كمان.

و حتى لو معيوب

فكرك الوكيل هيصرف المبالغ الخزعبلية دي (شوف تمن الفتيس + شحنه و ضريبته و جمركه مضروبا في عدد العربيات + تكلفة الاتصال بالعملاء و استدعائهم و تكاليف العمالة اللي هتفك و تركب)

غير ان هنا في مصر ثقافة التعتيم هي السائدة ...... يعني الوكيل بيفكر انه لو عمل كده الناس مش هتشكره و لا هتقول ده كويس بالعكس هتقول ده بيبيع عربيات معيوبة حتى بأمارة كذا و كذا اللي اتسحب

لا مصر مش معقول تقبل حاجه زى دى الكلام ده يحصل بره اه انما عندنا مش معقول:10_1_102v[2]: عندنا العربيه اللى تنزل السوق مينفعش تتسحب

العربية عندنا اتجاه واحد بس.........
زى الطرق بالظبط

عندنا مابيصدقوا انهم يبيعوا عربيه ازاى هيسحبوها تانى بقى ؟ !!!!!!!!!!!!!!!!!

بتحصل كتيييير ,, بس فى بلاد برة مش فى مصر !!

الوكيل هنا بيتحايل على الشركة عشان تديله اقل الكماليات و اردأ الخامات و بالرغم من كده اعلى الاسعار .

مستحييييييييييييييييييييي ييييييييييييييييييييييييي يييييييييييل
عشان ده يحصل فى مصر
لازم نجيب وكلاء اجانب و عملاء اجانب و نسيب احنا البلد

على فكره الخبر كونتاكت كارز نفخوه على الفاضى

كل ما فى الموضوع عيب فى كميه قليله من العربيات اللى تم انتاجها بين سبتمبر 2008 وأغسطس 2009

بس الشركه مش عارف تحدد مين من العربيات دى تحديدا فهتعمل استدعاء للفتره دى كلها وعلشان كدا العدد اصبح خرافى ( 13500 عربيه ) + ان الموضوع مقتصر على العربيات اللى تم تصديرها لشمال امريكا بس

العيب نفسه بقى عباره عن قراءات خاطئه من سنسور الحراره فى الفتيس بتؤدى لضوء تحذيرى بارتفاع درجه حراره الفتيس وفى بعض الحيان الفتيس بينقل نفسه على الوضع الحيادى ( n ) لتلافى التلف من قراءه ارتفاع درجه الحراره الكاذبه

التوكيلات هناك هتغير السنسور فقط فى العربيات المعيبه واللى من المتوقع ان لا تتعدى الألف عربيه

وبالمناسبه الفتيس ده مبينزلش مصر علشان غالى جدا جدا جدا

ناس هتعيش ويموتوا محترمين

اقتباس:

---

المشاركة الأصلية كتبت بواسطة ahmed a.maksoud

الفتيس بيعمل بتكنولوجيا أسمها dsg أو direct shift gearbox بس الفتيس اللى ينفع لعربية 1600 أو 1800 مينفعش مثلاً للمواتير العالية اللى بتوصل ل 200 حصان مستريح.....لأن الفتيس مش هيستحمل.
يعنى ممكن يكون الفتيس اللى فيه عيب فتيس المواتير ال 2400 مثلاً و غالياً هيكون مختلف عن الفتيس بتاع ال 1600 و ال 1400 ال tsi كمان.

---

كنا ظالمين الوكيل و الحكومه
اتارى الناس خايفه علينا و مش عايزانا نشترى الحاجات العاليه عشان عيوب الصناعه

احنا نسينا حاجه مهمه ...
هو الوكيل اساسا نزل الفتيس ده ؟؟
مش الفتيس ده فى العربيات الجيتا و الباسات 1400 سى سى ؟؟
العربيات دى خليجى مش وكيل ..
يعنى ملهاش ضمان ..
يعنى الوكيل مش مسؤل عنها...
يعنى معندوش قطع غيارها ...
لو انا غلطان يا ريت حد يصححلى ..

اقتباس:

---

المشاركة الأصلية كتبت بواسطة KHALED AYMAN

احنا نسينا حاجه مهمه ...
هو الوكيل اساسا نزل الفتيس ده ؟؟
مش الفتيس ده فى العربيات الجيتا و الباسات 1400 سى سى ؟؟
العربيات دى خليجى مش وكيل ..
يعنى ملهاش ضمان ..
يعنى الوكيل مش مسؤل عنها...
يعنى معندوش قطع غيارها ...
لو انا غلطان يا ريت حد يصححلى ..

---

كلامك صح 100% ... العربيات الخليجة الdsg متتجابش دلوقتى المفروض..
يا فرحتك بقا لما يحصل فية مشكلة ويقولك استوردة بقا :majd(4):

اقتباس:

---

المشاركة الأصلية كتبت بواسطة sa3dawy

كلامك صح 100% ... العربيات الخليجة الdsg متتجابش دلوقتى المفروض..
يا فرحتك بقا لما يحصل فية مشكلة ويقولك استوردة بقا :majd(4):

---

معنى كده ان لو العيب طلع فى المحركات 1400 سى سى ...
يبقى هيظهر فى مصر .....
و الناس دى مش هتعرف تعمل حاجه فى عربياتها ؟؟؟؟؟؟؟؟؟؟
كارثه حقيقيه ...