لسه كنت بأجدد الرخصة ل 3 سنوات يوم الخميس اللي فات و طبعا عملت الفحص و لكن ....
لم يسألني أحد عن المثلث و لم أري أي مثلث في أدارة المرور كلها و كذلك شنطة الاسعافات , و مش أنا بس لأ ده كل اللي كانوا بيرخصوا
ياتري أيه الحكاية ؟؟ موضوع المثلث ده خلاص ..... بخ
متابع لانى حجدد بكرة باذن الله :::::
مش عارف حاسس ان الموضوع نام , بس ممكن تلاقي لجنة غتته تسألك عليه , اللى أعرفه ان هناك فرصة سنة لتطبيق المخالفة على الشنطة
نفس الحكاية لما رخصت محدش سال عن حاجة لكن حاسس ان بعد فترة مش هيسألوا الا عنها
انا مرخص من اسبوعين
كان فيه ورقة متعلقة في كل حتة انه بيتوزع ببلاش
بس طبعا هجص
و اشتريتهم ب 71 جنيه و اشتريت جمجمتي لان قالوا لي تيجي كل اسبوع تشوف جم و لا لأ
لقيت هاضيع وقتي و راحتي و اجازتي و بنزيني باكتر من تمنهم
السلام عليكماقتباس:
المشاركة الأصلية كتبت بواسطة se_coralsea
أولا كل سنة وإنت طيب ورمضان كريم
بص يا سيدي أنا من حوالي شهر رخصت في مرور مدينة نصر -اللي المفروض إنه كويس شوية- وعلى حسب ما كنت قاري إني بالرخصة الجديدة بستلم مجانا مثلث وشنطة إسعافات , ولما خلصت ترخيص روحت على الكشك بتاع المثلث وسألت اللي كان واقف فلقيته بيقولي إن المثلث وشنطة الإسعافات بيتوزعوا مجانا في المرور ده كل يوم أحد وأربع الصبح من الساعة 8:00 للساعة 8:30 بس , طبعا حسيت إنها إشتغالة ومشيت .......... ولا تعليق
بص انا لسا مجدد يوم 20/08/2009 اخر حاجة وصلتلها بتجيب ورقة ب 10 جنية و تملها وتقدمها دة في مرور السلام . بعد كدة هيقلك لما تتم سن 60 سنة ابقي تعالي خدها اشتريها ب من 75 - 80 جنية و اخلص ( 60 سنة دة هزار عشان انا عندي 23 سنة فقالي لما تتم ال60 سنة )
انا ياجماعة لسة مرخص البيكانتو ادونى المثلث والشنطة الاسعافات مع النمر من غير اى حاجة
ثانيا الحكومة اتعقدت مع حديدج عز وهما اللى بيعملو المثلث
مش كل مرور على فكرة . عندنا هنا فى مرور الوايلى محدش بياخد مثلث اصلا :)
لما تروح هيقولوا لك مفيش حاليا والله عدي علينا فى وقت تانى .
فاحسن لك تشتريه من اى مكان .
مش عارف حاسس ان قرار المثلث اللى ببلاش ده حد من الحكومه قام من النوم بدرى قاله قبل ما باقى الحكومه تصحى
ولما الناس صحيت قتلوه واتبعو سياسه فوت علينا بكره
مرور عبود لم يتم تسليم اى مثلثات او شنط منذ حوالى 3 شهور أو اكتر - فوووت علينا بكره
انا مرخص في الوايلي من اسبوعين و ده اللي حصل فعلااقتباس:
المشاركة الأصلية كتبت بواسطة terrible_darsh
طيب مش المفروض أنه في الفحص الفني يسألوا عن المثلث و الشنطة زي مابيسألوا عن الطفاية و بيختموا ورقها و لا أيه الحكاية ؟؟
هما في الفحص الفني مش بيسألوا عن الشنطة والمثلث خالص لسبب بسيط أوي أنهم عاوزين يقفشوا الناس في اللجان وهما معاهومش وبالتالي يحصلوا المخالفة إنما لو دققوا في الترخيص معناه ان الناس هتشتري وبالتالي مش هيبقى ليها لازمة اللجان :khd: دا حتى الطفاية كل الهدف منها إن الراجل اللي بيفتش عليها بيبقى عنده طفايات لازم يبيعها وبالتالي بيقعد يغلس عليك .....الطفاية فاضية .......روح إملاها .... أصل فيها إيه ...... ويستغل إنك عاوز ترخص وتخلص وتقوم شاري من عنده ....... هما مش عاوزين لا يطبقوا قانون ولا بتاع هما بس عاوزين يلموا مننا فلوس وبس .اقتباس:
المشاركة الأصلية كتبت بواسطة SE_coralsea
لا كان موجود بش دلوقتى مفيش انا لسه كنت مع واحد صحبى ومفيش
للأسف كلامك صحيح 100%اقتباس:
المشاركة الأصلية كتبت بواسطة as01241
علي العموم أنا بعت العربية في نفس اليوم اللي جددت فيه الرخصة علشان أوقف التعامل مع المرور و ما أشوفش وشهم تاني
انا رخصت 6/7/2009 واخدت المثلث والشنطه مجانا
انا لسه مجدد فى مرور عبود و مفيش حد بيستلم حاجه كلها اشتغالات
متابع بمرارة...
الله يكون في عون الشعب.
مفيش على شان ماتتعبش نفسك كان فيه فى الاول وانا اخد مثلث وشنطه انما دلوقتى لا يوجداقتباس:
المشاركة الأصلية كتبت بواسطة drift_lover
مرخص من شهر فى وحده مرور فيصل ما فيش لا مثلث ولا شنطه ولا حتى فى سيره عنهم ولا حد بيسأل ولا حد بيتكلم وسلمولى على الترماى
ريحت دماغى وأشتريت مثلث وشنطه أسعافات وحطيتهم فى العربيه
ولو حد قالى مش معتمدين هخرم عينو لأن هما ما بيوزعوهاش وانا جبت البديل
انا رخصت فى شهر مايو واخدت الشنطه والمثلث ولولا انى افتكرت كان الموظف طنش ومدانيش الورقه
خدتهم مع النمر مرور مصر الجديدة
انا مرخص في 21-5...و الناس كلها كانت بتاخد الشنطة و المثلث برقم العربية فقط...
بس علي حظي النحس كان يوم خميس (نصف يوم)...و قالولي تعالى خدهم يوم السبت...و للأسف ما فضيتش من ساعتها :)
أول إمبارح كنا بنرخص عربية...و مافيش أي حاجة عن المثلث و الشنطة...كأن شيئاً لم يكن:)
حد عنده فكرة عن ايه النظام بتاع مرور بولاق فى موضوع المثلث و الشنطة؟
أنا رخصت مع والدى النهاردة عربيته الجديدة و ادلوه المثلث و شنطة الاسعافات مع الترخيص.
ده كان فى مرور الاسماعيلية