استفسار من الاخوه

**MAHMOUD_15** · 22-08-2009 07:18 AM

بسم الله الرحمن الرحيم

انا معايا اوبل 94 2000 سي سي المهم عندى العربيه بتسرب ميه مش كميه يعنى بس مثلا فى خلال اسبوع الاقى القربه فاضيه مع انى نزولى بالعربيه قليل خالص من البيت للشغل ومن الشغل للبيت المهم ابص عليها من كل ناحيه مش عارف بتسرب ميه منين وديتها للميكانيكي قعد يشوف الخراطيم والحاجات المهم وصل ان الطبه بتسرب وان الميه اللى بتنزل منها بتنزل على الشكمان فبتتبخر وفعلا شال الطبه وكانت مصديه وحالتها بالبلا المهم غير الطبه بواحده من عنده تمنها 30 جنيه وخد مصنعيته وتمام على كده المهم تانى يوم بشيك على الميه لقيتها ناقصه قلت يمكن عشان العربيه مش واخده هوا تانى يوم نفس النظام العربيه بتسرب ميه مش عارف في رأيكم التسريب ده منين

وعندى مشكله تانيه ان فى صوت شخلنه كده من الناحيه اليمين قدام والناحيه الشمال ورا المهم غيرت مساعد وبيضه طرف وبيضة مقص فى الناحيه اليمين قدام وقالى الصوت اللى ورا ده سلك فرامل اليد بيخبط فى الشكمان عملته برضه والصوت زى ماهوا رجعت لبتاع العفشه تانى قالى العفشه كده مفيهاش حاجه روح للميكانيكى الميكانيكى قالى لا العربيه مفيهاش حاجه مش عارف ايه الحل فى الحكايتين دول وقربت خلاص اتجنن

ارجو الرد بسرعه

**ENG\AHMED** · 22-08-2009 10:15 AM

روح لميكانيكى اوبل او التوكيل
دورة المية يكبسها ويعرف التسريب منين متنفعش بالنظر

**tamertamer** · 22-08-2009 02:14 PM

بص ياباشا من الواضح انك روحت للمكان الخطاء دة شغل ناس تعبنبن انت ممكن تقول انت ساكن فين واحنا نوديك لحد بيفهم ودية حط عليها اسهم كتير حكايت المية لازم يتحط عليها جهاز بيكبس دورة المية بالكامل ويقول التسريب منين لانة واضح انة فى تسريب بس انا من وجهت نظرى على الاغلب هتلقية الخرطوم الذى بالاسفل لانة معرض للحرارة وسعات بيشقق على العموم لازم حد يبص عليها وحكايت الخبط العفشة بتعتك مش معقدة خالص ودية اى عفشجى شاطر زو خبرة هيعرف على طول

**MAHMOUD_15** · 22-08-2009 07:24 PM

المشاركة الأصلية كتبت بواسطة tamertamer

بص ياباشا من الواضح انك روحت للمكان الخطاء دة شغل ناس تعبنبن انت ممكن تقول انت ساكن فين واحنا نوديك لحد بيفهم ودية حط عليها اسهم كتير حكايت المية لازم يتحط عليها جهاز بيكبس دورة المية بالكامل ويقول التسريب منين لانة واضح انة فى تسريب بس انا من وجهت نظرى على الاغلب هتلقية الخرطوم الذى بالاسفل لانة معرض للحرارة وسعات بيشقق على العموم لازم حد يبص عليها وحكايت الخبط العفشة بتعتك مش معقدة خالص ودية اى عفشجى شاطر زو خبرة هيعرف على طول

المشكله انى فى اسيوط ومفيش توكيل عندنا وشكرا لاهتمامك

**tamertamer** · 22-08-2009 11:51 PM

المشاركة الأصلية كتبت بواسطة mahmoud_15

المشكله انى فى اسيوط ومفيش توكيل عندنا وشكرا لاهتمامك

احنا كدة بلديات لو جيت القاهرة تاكد اننا هنعمل الواجب صح بس للاسف انا معرفش حد فى اسيوط خالص تقبل تحياتى

**tananybasha** · 23-08-2009 12:25 AM

هو القربه عندك كويسه و خصوصاً الزور و الغطا بص عليها و حواليها كويس و بص على علبة الردياتير اليمين من فوق و على مكان الساعتين لو لقيت شكل تمليح عليها يبقى العيب منها
و جرب و طمنا و حوار العفشة و الميكانيكى انا اسف فى الكلمة الأتنين بقر و بيهربوا من المسئولية و اهيف عفشة فى الأيه عشان انا معايا اختها و اى صنايعى عنده جرام ذمه و جرام شطاره هيحلها بسهوله

**MAHMOUD_15** · 23-08-2009 04:29 AM

المشاركة الأصلية كتبت بواسطة tamertamer

احنا كدة بلديات لو جيت القاهرة تاكد اننا هنعمل الواجب صح بس للاسف انا معرفش حد فى اسيوط خالص تقبل تحياتى

الف شكر يا باشا على اهتمامك وجزاك الله كل خير

**tananybasha** · 23-08-2009 10:59 PM

بص على الجنب اليمين لعلبة الردياتير هتلاقى فيشتين راكبين على ترومستاتين بص حواليهم فى ميه و لا لأ و لو كده فكهم و لف عليهم خيط صوف و اربط تانى و هيمنع التسريب لو منهم