الحل السحري لفاتورة التليفونVoice over IP
الإخوة الأفاضل أعضاء المنتدى
كل عام و أنتم بخير بمناسبة شهر رمضان المبارك
أكيد كثير منكم يعاني من ارتفاع فاتورة تليفون بيته الأرضي - أنا شخصيا بأدفع للأرضي أكثر من الموبيلات لجميع أفراد الأسرة ففكرت في حل ووجدته فعلا بس عايز أسأل إذا كان فيه حد منكم جربه يفيدنا كلنا : الحل هو تليفون النت وسألت عليه وجدتة 290 جنيه وهو شكله عادي جدا ولكن آخرة فيشة تركب على usb في الكمبيوتر ولكن عيبه أنك لازم تكون فاتح النت والكمبيوتر-غالبا حتكسل وتستعمل التليفون الأرضي
في حل ثاني وهو تليفون ماركة سيسكو وده بيركب على الراوتر مباشرة في واحد من الأربعة بورت اللي موجودة في معظم الراوترات ولا يشترط إنك تكون فاتح النت ولا حتى فاتح الكمبيوتر أصلا وسمعت إن فيه شركات كثيرة مركباة في مقرها للربط بين الفروع وموديلاتة متنوعة ولكن اللي شفته كان ثمنه 900 جنيه غير إنه محتاج محول كهرباء 48 فولت
ياريت اللي يعرف حاجة عن الموضوع ده يرد - أكيد فيه ناس كثيرة حتستفيد منه
ورمضان كريم - كل عام و أنتم بخير
