المشاركة الأصلية كتبت بواسطة tamer_aj
السلام عليكم و رحمة الله و بركاته, كل عم وأنتم بخير ياجماعة,
أنا و الحمد لله خلصت أول 1000 و عديته كمان وحجزت صيانة السبت اللي جاي إن شاء الله,
بس عندي شوية ملاحظات خفيفة كدة و عايز رأيكم فيها,
1- الفراااااااااااااااااااام ل ياجماعة, مشوارها طويل, وأنا عايز أعرف ده طبيعي و لا إيه....؟ أنا كنت هالبس و أنا راجع علي طريق إسكندرية.
الفرامل فعلا مشوارها طويل و محتاجة تعود و لكن بتعمل بكفاءة تامة .... محتاجة تتعود عليها بس .
2- فيه عندي رجرجة في الدريكسيون بتظهر علي ال 100 تقريبا, فا ده ترصيص ولا إيه ؟ ومش المفروض تكون العربية متظبطة؟ و لا أنا غلطان؟ و لو محتاجة ترصيص فيه في التوكيل ترصيص؟
دي تسأل في التوكيل و ممكن تكون محتاج ترصيص .....
3- الفتيس بحس أنه تقيل في النقل (مانوال طبعا)؟
في الأول فعلا الفتيس بيكون مش ناعم قوي ....... بس بعد الأستخدام بفترة بيلين و بينعم معاك واحدة واحدة
كان معايا كدا في الأول ...... و دلوقتي أحسن كتير من الأول .... و خلي بالك كمان أن الغيارات مسارها قصير علشان رياضية ......
4- الزجاج الأمامي فيه صوت مع الفتح و القفل.
الصوت ده محتاج يتسمع علشان نقدر نحدد هل ده عيب أم لا ؟
ممكن يكون مش عيب و ممكن يكون حاجة عايزة تتربط أوتتظبط ...... في التوكيل برضه إن شاء الله يكون هناك حل لو هناك مشكلة .
أرجو الإفادة, ده طبيعي و بيتظبط في صيانة ال 1000 و لا إيه؟
شكرا.