العربية الي حلتى باظت ( فيكترا 94 )
اولا تاسلام عيكم و رحمة الله و بركاتة يا معشر الاوبل - و كل سنة و انت طيبين و بخير و اوبل بخير و بعيد عن الصنايعية :36_1_1[1]: .. ان بقي ربنا كرمنى و جبت عربة اوبل فيكترا 94 بقالها علي زمتى 15 يوم دلوقتى و الفضل الكبير يرجع ليكو في اني اشتريت العربية دى و كل الفضل في توضيب العربة دي بردو ليكو من الموضوعات المفيدة جدا الي موجودة في قسم الاوبل - انا علشان مطولش عليكو انا مرضتش اكتبلكم طلب انضمامي للعصابة الا بعد موضب العربية و اخد عليها علشان ابقى بردو ابق فاهم المهم انا اشتريت العربية دي و انا عارف ان دبرياجها عالى و انة احتمال ان يكون فها مشكلة فى الاسطوانة قلت مش مهم واهو بردة اقى ربيتها على ايدي و قلت يوم الجمعة هنزل الحرفيين اشوف اية الموضوع معاها بقى و بالفعل نزلت امبارح علشان اروح الحرفيين و بع البيت بحوالي 2 كيلو العربية قلت باصلها و الاسطوانة توفاها الله و انتهي قمرها و بدون الدخول في تفاصل الموقف قطرت العربية من الهرم لحد الحرفيين و من هنا يبتدى الجذء المهم و الي اتمني انة يكون مفيد للجميع , انا كلمت واحد قريبي و قالي طيب انا جايلك علي الحرفيين علشان اعرف حد بتاع اوبل كويس قولتلوا تبقى خدمتني و بالفعل وداني عند حد اسمة محمد علام ( النجمة الهندسية للسيارات - اوبل ) و دة تقدروا تقولو علية مركز و دخلنا علي الناس و بعد السلامات و الكلام دة حكيتلوا الي حصل و قالي طيب خير و دخل العربية الورشة جوة و ابتدت الملحمة في اقل من 15 دقيقة كان نص الحوض عندي مفكوك و واحد نايم تحت العربة بيفك في حاجات و حد بيفك من فوق و واحد تالت بيفك من ناحية العجل المهم طلع الدسك و يعني مش قادر اقولكو شكلة كان عامل ازاى من الاستهلاك المهم قالي دي عايزة طقم بالبلية قولتلو انا سألت الشيخ محمد قشطة و عندة ال لوك الالماني بتاعها ب 870 من غير بلية و سألت في دمشق لقيت الساكس ب 900 قالى اوعي تجيب الساكس مفيش احسن من اللوك الاصلي بتاعها و الساكس دة اى كلام و مش حلو المهم قولتلو طيب اجيب من محمد قشطة قالي لا استني و كلم حد و لاقيتة بيقولي الطقم عامل 850 بالبلية بتاعتة و طبعا السعر دة لية هو المهم قولتلو جيب قال للراجل ابعتلى طقم و قولتلو نور لوحة العدادات واطى و العدادات حاسسها مش قد كدة قالي اجيبل لوحدة جديدو استيراد احسن من ان تصرف علية لمبات و صيانة قولتلو 100 100 فلقيتو بيقولي انة هيجيب من عند واحد اسمة هاني قولتلة هاني العايدى ؟ قالي هو انت تعرفو منين حكيتلو كدة ببساطة عن المنتدي و العصابة المهم طوال الوقت و كل ميشتغل في حاجة يلاقيني ناطيطلو فيها من باب خبرات حضراتكم الي انتو كاتبنها علي المنتدى في كل حاجة خلاصة الكلام عجبتوا الحكاية بتاعت المنتدي دي - و انا بصراحة علي نهاية اليوم لما شفت شغلة و شغل كل الطقم الى عندة و اد اية هما فاهمين و فعلا بيعملوا الحاجة بضمير قلت في بالي انا استني اشوف اخبار المصنعية كام و لو حنين مع النضافة دى يبق اقولكو علية و اقولو هة على موضوع اني ممكن يجيلو ناس من علي المنتدي ( النت علي حد قولة ) و تمت العملية بنجاح مع تغير طقم سرفيس للعربية و مجموعة من الاجذاء التى تم تغيرها بنجاح و اليكم ملخص العملية
المشتريات
طقم دبرياج لوك اصلي 850
لوحة عدادات 200
قربة مياه استيراد علشان القديمة كنت شاكك فيها 150 ( الجديدة ب 110 بس مصري )
سير كاتينة 70 ( شارع دمشق )
فلتر هواء فاك 30 ( شارع دمشق )
طقم بوجيهات بوش اصلى 80 ( شارع دمشق )
فلتر بنزين 25 المانى ( شارع دمشق )
فلتر زيت 25 ( شارع دمشق )
تيل امامي 100 المانى شارع دمشق )
طاقم العملية
محمد علام - صاحب المركز و هو شاب مش كبير و شغال في التوكيل بس ما شاء الله علية و بيشتغل بايدة كمان مش عامل باشا يعنى زي صنايعية كتير
عم عبدة - و دة راجل كبير حوالي 50 سنة بيقولو كان شعل في التوكيل بردو بس راجل مبفوتش فرض كل م الاذان يقيم يروح يصلي في الجامع و يرجع و شغلة 100 100
محمد ( لشهير بكبدة ) و دة صبى في الورشة سنة بتاع 18 سنة بالكتير و ايدة كويسة بس بتاع همبكة اوي
محمد ( الشهير ب عشة ) و دة صبى تاني بس خلقة ديق بس بردة صنعة 10/10
و كان في 2 اسطي تانين و كام صبي تاني بس كانو شغالين في عربيات تانية
المهم بقي المصنعية
انا معلش مش هقدر اقولكو الرقم علشان دة رزقة بي الي اقر اقولة هو ان المصنعة تقريبا نصف الي كنت متوقعة علي اعتبار انة متخصص اوبل بجد يعني صنعة و مصنعية مشاء الله انا حبيت اقولكو بس عن تجربتي هناك و الى راجع بعدها مرتاح نفسيا جدا من العربية بعد ماكنت قفلت منها بسسب الموقف الي حصل و قلتا نرجع لليابانى بس بجد خلولى العربية رائعة يعنى انشاء الله من انهاردة مفيش غير اوبل
و دة عنوان المركز و نمر موبايلة ( محمد علام ) صاحب الورشة وانا قولتلو اني هكتب عن الي حصلي عندة و لو جالة ناس من المنتدي يعمل معاهم واجب و هو اقتنع و قالى بس لو اي حد هيجيلو يقولو احنا جاينلك من على النت :rfds: معلش هو ثقافتة من ناحية الانترنت ضعيفة شوية بس هو شخص ظريف قوي و دماغة حلوة
العنوان و التليفون كما بالكارت بتاعم
النجمة الهندسية للسيارات
محمد علام 0102857023
شارع العسكلانى - بجوار الريحانى ( علي العموم الي عايز يرحلو ممكن يكلمة الاول علشان الحرفيين دى متاهة )
و سلامي للجميع و اتمني اني اكون افدتكم و مستني الموافقة علي العضوية .
