استفسار عن مكان هادئ لعزومه افطار

**Nile_Storm** · 23-08-2009 12:39 AM

كنت عاوز اعزم ناس في جراند حياه في المطعم الدوار او اي مطعم هناك
حد يعرف رنج اسعار كام
و ازاي احجز ؟
سوري للازعاج
و لو حد يعرف مكان هادي و مش دوشه في نطاق المنيل المهندسين وسط البلد ياريت يقول اقتراحاته

**solom_2010** · 23-08-2009 01:05 AM

spectra el mohandsien

**Nile_Storm** · 23-08-2009 01:18 AM

صحيح ياريت رنج الاسعار معلش متأسف
يعني معدي ال 100 جنيه للفرد ولا اقل و لا ازيد بالتقريب

**MoToRiZeR** · 23-08-2009 01:35 AM

مكان هادي .. جراند حياة .. يبقي مفيش غيره .. HARD ROCK CAFE !!

هههه بهزر طبعاَ إوعي تروح مفيش تنتوفة هدوء .. الحقيقة مش هعرف أفيدك يا محمد باشا كل الأماكن اللي أعرفها دوشة بس إفطار سعيد إن شاء الله .

**Nile_Storm** · 23-08-2009 01:58 AM

الغمزه دي مش مريحاني ياموتو :)
عامه متفهمنيش غلط
كل سنه و انت طيب يا حبي

**Karim_Monir** · 23-08-2009 02:00 AM

سبكترا المهندسين هادي فعلا واكلة تحفة
ومش هايعدي ال 100 للفرد
وتاكل بجد
والمعادي اهدي واهدي
بس الاتنين لازم حجز قبلها
والمعادي لازم حد معاداووي يوصفلك كويس
عشان انا بقيت مدمن توهان في المعادي
هاها

**icehearted girl** · 23-08-2009 02:06 AM

سبكترا المهندسين..ش مصطفي محمود مينيمم تشارج 50 جنيه بس هتلاقيه زحمة

اي مكان منيل او مهندسين هيكون زحمة

فيه روستري فارض الجولف

او ناكازيتا في ش قمبيز

وبعدين يا نايل ستورم خلصت كام كتاب باطنة علشان تعرف تزوغ يوم وتفطر برا لا وكمان من غيري :@

**SHNORY** · 23-08-2009 02:11 AM

انت رايح تذاكر في المطعم يا دكتره ولا ايه الحوار ؟؟؟
قولنا تفاصيل طيب علشان نقدر نساعدك
معاك كام واحد
عندها كام سنه
قصدي اعمارهم
بينك وبينهم ايه
كده يعني
نور المحكمه
ضربه بشله هبشه سكينه اي حاجه تخلي الموضوع مالوف
واحنا اصحابك برضه حنداري عليك
وخد ايس معاك علشان تبقي افطرت صائم وتلاقي حد يقرالك في كتاب الباطنه

**WalidAdel** · 23-08-2009 02:14 AM

سبكترا المهندسين الفرعين مش حلوين اوي في القاعده

الترابيزه العاديه اللي في الايام العاديه بتاخد 6 افراد بيرخموا و يقولك دي بتاخد 8 و ممكن يجيبلك ترابيزه فردين و يحطها و يقولك دي 10 افراد
انا بفطر كل سنه هناك و السنه اللي فاتت كانوا بايخييين جدا

ممكن حسني اللي قدام السراج قاعدته حلوه و الترابيزات كويسه و المكان واسع يستحمل اعداد كبيره
بس مشكلته لازم تحجز قبليها بفتره كافيه و تديهم الاكل قبليها بيوم علشان يبقي جاهز

في محل اسمه steak away عند جامع مصطفي محمود كده في جامعة الدول ظريف و قاعدتة حلوه بس للاسف انا روحته السنه اللي فاتت مره واحده و مش فاكر اي حاجه عنه انا فاكر اسمه بالعافيه اصلا
chilis بقي اوبين بوفيه في رمضان و نوعيات الاكل محدوده و لو عايز تطلب من ال Menu بيقولك استني بعد الفطار بساعه