انت كنت ناوي تجيلي وانت معاك طبنجه في العربيه :8954[1]::8954[1]:
عرض للطباعة
انت كنت ناوي تجيلي وانت معاك طبنجه في العربيه :8954[1]::8954[1]:
انا شفت موضوعك اول مكتبته ومرضيتش ارد واستنيت اشوف ردود الناس
انت بصراحه متسرع جدا وعيب جدا رد فعلك بتكسير القزاز كله وانت زي ماواحد قال كده اثتبلهم انك زيهم واكتر مش اكتر من كده
ثالثا يحبيبي ويحبيبي الي دخلتوا الموضوع
لو البنات دخلوا واتكلموا بطرفهم هنا كان زماننا بنشتمك انت لتصرفك العجيب الي مش فاهمه ده
ربنا يكون معاك ويكون مع البنات الي كسرتلهم عربيتهم حتي لو كانوا مبسوطين وغلطانين
واتمنا محدش يقول اني متحيز
هو اللي نرفزه مش سواقة البنات
لكن قلة ادبهم عليه وشتيمته بالاب والام ومتهيألي في موقف زي ده مش سهل اي حد منكم يتحكم في اعصابه
وطبيعي انه مش هايمد ايده عليهم يمكن لو كانوا ولاد كان ضربهم وهو طلع غيظه على العربية
يعني ياريت كل واحد يتخيل نفسه مكان صاحب الموضوع وبيتشتم من حثالة بالاب والام هيكون ردة فعله ايه
يا باشا البلد مليانه من الاشكال دي للاسف
روق دمك واتعود تكبر دماغك على قد ما تقتدر وخصوصا مع الناس التــــيت دول
انا ديما قبل الحكم على شخص في موقف ما بتخيل نفسي مكانه
صحيح انا عمري مهتصرف زيه لاني لا اجرأ على الخناقات اساسا بس اكيد هيكون جوايا كميه غضب كبيرة لكن اللي متأكدة منه ان معظم الرجال هيتصرفوا معاهم بعنف
هنا دور رجاحه العقل و صفاء النفس و حسن تقدير الامور
لما حثاله تعمل كده الرد عليهم فى كل الاحوال خساره
1- لو شتمت يبقى انت غلطان ان انت بتنزل لمستوى فى الخطاب اقل ما يوصف به انه شائن ولن يرد لك حقك لو شتمت لان الشتيمه هتترد تانى و الموضوع ماسخ تشتم و تتشتم و اخرتها لازم حد يمد ايده
2- كلام عقلانى و ده ماينفعش مع ناس فاقده الاحساس و هتنرفز نفسك على الفاضى
3- تعمل اللى انت عملته و تبقى غلطان تماما عشان ده بلطجه افتكر قصه لاعب كره اليد اللى انقتل برضه حاجه شبه اللى انت كنت فيه و تذكر ان انت النهارده اللى قدرت تتهور و تكسر ممكن بكره يجى اللى يقدر يتهور عليك و يكسر
فكر شويه قبل ما تتهور - انا لما كنت اصغر كنت بتنرفز على اكتر من كده و مايهمنيش حتى لو هموت بس مع الوقت الواحد بيفهم اد ايه الواحد كان متهور و كان مش فاهم صح
المرجله اللى بجد ان انت حتى لو بنت غلطت فيك قدام الناس تسيبها و تقلها روحى لحالك ديه المرجله المفروضه حتى لو غلطت فيك
ساعتها انت قدرت تتحكم فى اعصابك و قدرت توزن الامور مش تطيح فى بنات حتى لو كانوا غايه فى السوء
و افتكر دايما ان الايام دول -- دائما اذكر نفسى انا لما اطيح فى واحد ممكن ييجى اللى يطيح فى ابويا بكره و هو كبير و مش قادر او فى والدتى
اكرم الناس عشان ربنا يكرمك حتى اللى مايستهلوش -- ربنا كبير
لما تخيلت نفسي مكانه لقيتني هتصرف بطريقة هيومان بس قلت عشان انا سيدة مش هبهدل نفسي ولا حتى بالكلام مع حثالة وقلت جايز لو كنت رجل كنت عملت زي صاحب الموضوع
كفاية اوي ابصلهم من فوق لتحت باحتقار وامشي
مش كل الناس كده أ طارق .
فى ناس عصبية جدا جدا بطبيعتها , و متقدرش تستحمل ضغوط شتيمة او اهانة و بالنبسه لها بتبقي حياة او موت .
يعنى لو كنت واحد من العصبيين و حد لا قدر الله شتمك او اهانك مش هتعرف تنام او تمارس حياتك و ده شيء مش بايدك .
«ليس الشديد بالصرعة، وإنما الشديد الذي يملك نفسه عند الغضب»
طب افرض انهم كانو شباب و كان معاهم طبنجة كنت هتعمل ايه ؟ هتكسر الازاز برضه ؟
جاء رجل إلى النبي صلى الله عليه و سلم فقال : يا رسول الله علمني عملا أدخل به الجنة ، و أقلل لعلي أعقل ، قال : لا تغضب .
صدق رسول الله صلى الله عليه و سلم
الموضوع ده فتح عينى على كذا حاجة بس الأول اشكر كل اللى شاركوا فيه بدون تحيز لأحد
1. مشكله اللى حصل معايا انى بطبعى هادى جداً فى السواقة بس لما توصل لسب دين و شتيمه يبقى اللى يحصل يحصل
2. انا فعلاً غلطت لما كنت هاسحب المسدس و زى ما قلت انا متطلعطوش من5 سنين
3. لو كانوا رجاله او عيال او شباب كان زمان عربيتهم سليمه و هما مشرفين فى قسم الحالات الخاصة بالتطبقين و الهرم ( اقرب مستشفيات لمكان الواقعه ) بس عشان بنات طلعت غلبى فى العربية
4. باكررها لو الموقف اتكرر معايا تانى هاكرر اللى عملته بس بدون اللجوء للسلاح الا لو اترفع عليا سلاح و ده يبقى وضع تانى ( دفاع عن النفس )
5. اعيد شكرى لكل من تخيل نفسه فى موقفى و لم يأخذ ان الموضوع عباره عن بلطجة منى و خلاص و مبروك الفضيه للعضوه ( نور القمر ) و يا محمد يا اسامه تعتقد ان هاجى فى بلدى و وسط اهلى بسلاح ما السلاح هناك كتير ابقى اخد حته من اى حد منهم و الا تبقى عيبه
الف شكر ليكم جميعاً مع العلم بأن الدين حرم الأعتداء فى الأشهر الحرم الا اذا اعتدى على المسلمين و وجب على المسلمين حتى و ان كانوا فى الأشهر الحرام رد الأعتداء و لو الساده اخدوه انه يعتبر اعتداء على الدين مش على شخصى عن طريق سب الدين اللى هو كفر صريح ( فى اعتقادى الشخصى ) مش هيلوموا عليا و فى مواقف مينفعش فيها الهدوء من اى نوع و الا يعتبر خنوع و ضعف و قبول بقلة الأدب
و رد تانى انا ندمان انه ده حصل فى رمضان بس و مش ندمان انه حصل و خلاص
اقتباس:
و يا محمد يا اسامه تعتقد ان هاجى فى بلدى و وسط اهلى بسلاح ما السلاح هناك كتير ابقى اخد حته من اى حد منهم و الا تبقى عيبه
سلاحك موجود عندي يابو دومه... تعالي واحنا نفيش الهوامش بدري بدري :L_bhuhhh[1]:
عموما حصل خير و رمضان كريم انا متاكد يا باشا انك لو قعدت مع نفسك و سردت الحكاية في دماغك نقطة نقطة هتلاقي نفسك كان ممكن تتجنب كل ده بانك تركن دقيقة او اتنين لغاية ما يمشوا و تكمل طريقك انا عارف انه الواحد لما بيكون في الموقف نفسه ساعات رد فعله مش بيقدر يسطر عليه بس خللي بالك انه في انت في والدك ووالدتكفي زوجتك و اولادك مش هتودي نفسك في دهية علشان شوية اوباش و ربنا يستر طريقنا جميعا
1. قصدك تفش الهوامش و لا انت ناوى تكهربنا فى الملاحات ( محمد اسامه )
2. حاضر يا باشا هراجع الموضوع و لو انى مش ندمان ( احمد حلمى )
قلة ادب
قلة ادب
قلة ادب
قلة ادب
قلة ادب
مش عارف اقولك ايه يا صاحب الموضوع
انا متعاطف معاك و شايف جزئيا اللي عملته ده صح
يعني لازم يبقي في رادع للاشكال اللي زي دي
بس المفروض الرادع ده من شرطة المرور ..........
بس للاسف البلد غايب فيها القانون و النظام
و سايبين الناس تعك مع بعضها
الحلو مع الوحش
لا حول و لا قوة الا بالله العلي العظيم
ربنا يهدي الناس
انا فعلا كنت متضايق منك في اول الكلام
لكن لما لقيتك في مناقشة وبتقبل بقية الاراء انبسطت فعلا
انا حاسس بيك انت لقيت نفسك في الشارع قريب من منطقتك ولقيت حثالة بيشتموك
بغض النظر عن ايه اللي جابك جنبهم ثاني بعد ما كانوا عدوك
انا عايز اقولك حاجه ونفكر بيها مع بعض
هل انت زعلان عشان هما بنات وعملوا كده
بمعنى هل سر زعلك انهم كانوا بيعملوا كده عشان هما بنات ولو كانوا ولاد كنت مثلا حتقول ياللا عالم هبلة وتطنش
اصل انا لاحظت في ردود مش قليلة ان الناس بتعلق على انهم بنات مش محترمة
رغم اني بشوف كل يوم شباب في العربيات بتعمل كده كل يوم ادام عربيتي وبيكونوا على وشك انهم يحكوها ومعرفش ازاي ربنا بيسترها وانا الي اتعلمت امسك اعصابي
طيب معلهش لو كانوا اولاد وزي انت ما قلت حيكونوا في العناية المركزة
طب ليه منقولش انه انت بعد الشر اللي كنت حتكون في المستشفى
لو كانوا ولدين وواحد منهم عرف يسبقك وضربك مثلا على راسك او اي منطقة حساسة في جسمك ادت إلى فقدانك الوعي مثلا
اصل انا شفت في الحوادث ناس كثير تكون رايحه تتخانق الادرينالين بيصورلك انك اسد
وبعدين تفاجأ ان قوة الادرينالين بتروح بسرعة عشان بتشتغل بسرعة
نلاقي داخل علينا واحد عنده كسو ر مضاعفة في جسمه كله ويقول لنا انا مش عارف ازاي انضربت
لاحظ ان عدد العضلات والالياف العضلية واحدة عند كل الناس فالموضوع نسبي وقوتك قريبة جدا لقوتي....
الحاجه الثانية
البنات دول زي ما حضرتك قولت كانوا بيسبوا الدين, ودي كفاية عندي انهم يستاهلوا الدبح
انا معاك لان والدي وانا صغير سالته لما سمعت حد لاول مرة في حياتي بيشتم الدين قالي هو كده يستاهل الدبح
, المهم لما كبرت وعرفت جارنا ده وبقيت بقيس له الضغط لقيته بيبدأ يصلي ويعرف ربنا ومش حاطط في دماغه انه مش عشر سنين سب الدين وكنت بفكر هل الراجل ده لو انا دبحته حيبقى صح .
انا قصدي اقولك واعتقد انك حتفهمني لانك مصري زيي , هل اللي بيسب الدين في مصر كافر مثلا يستحق ان تقتله؟
هل وهو في لحظة الشتم بيكون حاطط في دماغه انه بيشتم الدين ولا بيشتم حضرتك.
بمعنى لو انت مثلا اخدته على جنب وقلت له هو انت كده بقيت كافر مثلا ومتصليش اكيد حيبص لك باستغراب دين ايه اللي انا كنت بشتمه؟؟؟
يبقى الغلط على الناس اللي عايزه قطع لسانتها اللي خلت الدين يبقى زي اللبانة ويتحط في الشتايم ومبتبقاش عارفه هي بتقول ايه؟
وربنا ينتقم من اللي عمال بيشتم الشتايم دي ويعلمها للعيال الصيع في الشارع.
انا عن نفسي لو اتشتمت في الشارع بالدين حقف في نص الشارع واصرخ واقوله :
الدين اللي انت شتمته ده حيشهد عليك يوم القيامة وانا حشهد عليك والناس دي كلها حتشهد عليك وحسيبه وامشي.
انا معرفش اذا كان هو ده الرد الديني المناسب ولا لأ بس اعتقد اني حعمل كده..
الحاجه الثالثة واعذرني اصل انا دكتور اعصاب
حضرتك ساكن في خاتم المرسلين يعني في شارع موازي لشارع الهرم وفيصل
من طريقة حكاية حضرتك عن سواقة البنات وطريقة كلامهم والهيستيريا الي شتموا بيها وسبوا الدين في وسط الشارع انهم ببساطة زي مانت كمان عارف : بنات ...... وكمان شاربه
شاربه ايه من طريقتهم في السواقة وتخصصي اقدر اقولك انه يا خمرة يا بانجو على اساس ان الحركة بتاعتهم كانت بتحك في العربيات.
يعني هما سكرانين طينة حتى لو مش باين عليهم لان حالة غياب المخ في السكران مش بتكون زي ما التليفزيون بيجيبها دا ممكن تلاقي اللي بيسوق جنبك سكران
بمعنى اصح هما مش دريانين باللي هما بيقولوه وممكن لما يفوقوا يفاجأوا ان الازاز مكسور.
مع العلم ان ياما حصل ان مريض سكر ارتفع عنده السكر وبدأ يخرف ولما ركب الاتوبيس افتكروه سكران وهاتك يا ضرب
بس طبعا حنستبعد ده في حالة حضرتك عشان هما اتنين ومفيش اتنين السكر باظ عندهم في نفس الوقت...
على العموم الحمد لله اللي جت على اد كده
واقعد حضرتك مع نفسك وعشان خاطري بلاش حكاية الموضوع ده لو اتكرر حعمل كده ثاني
عشان ربنا يسترها عليك المرة الجاية
ولك تحياتي واحترامي
الف شكر يا باشا و انا معاك فى اللى انت قلته و بخبرتى 16 سنه مع السكر بقولك انى اعرفه و اشمه من كيلو انما دول غالباً ضاربين بيره ستلا مصرى عشان شكلهم ما يجبش المانى و ربنا يسترها علينا جميعاً و على كل اللى شاركوا فى الموضوع سواء بالعتاب او بالثناء و كلنا فى الأخر بنتعلم من بعض
حسب الله ونعم الوكيل
بيبقوا شربين حاجة حتى فى رمضان
فيه ناس مش بتفرق معاه رمضان و لا شعبان عادى
و اكتر حاجة بتحرق دمى الزحمة اللى عند بتاع البيره يوم الوقفه تجنن و الحكومه بتنظم فى الناس
والله دول الشيطان تجسد فى صورة البنتين
استغفر ربنا الحمد لله انها جت على اد كدة
على فكرة انت للاسف موقفك صح 100% وللاسف لان الاشكال دى من البنات ماينفعش معاهم غير العنف لان احنا لو بصينا على ردود فعل بنات الناس فى اى حادث كبيرها تنزل تقولها كلمتين لو عرفت وتكلم ابوها على التليفون وخلاص احنا بطبيعتنا بنتجنب العراك شوية انما اللى تنزل تشتم راجل بالافاظ لايتجرا عليها الا راجل (اسفة فى التعبير صايع )
الى تعمل كده واحدة من الاتنين واحدة مسنودة اوى (موش متربية ) او واحد ة موش محترمة والاشكال فى الستات ماينفعش راجل يقف يرد عليا بجد ممكن تبهدلة بقلة ادبها تعرف لو راجل كان التعامل معاها اسهل وللاسف دول موش بيخافو الا لما يلاقو اللى قدامهم يعمل حاجة مايتوقوهاش
وعلى فكرة انا مقتنعة بموقفك اكتر لان واضح من كلامك انهم ماعملوش حاجة كرد فعل يعنى لو ليهم حق وانت غلطان ماكنوش سابوك اساسا
الحاجة الوحيدة اللى شايفة انك غلطان فيها انك تشيل سلاح لان ده خطير جدا
خلاص يا عم الراجل مصر يشيل سلام و اللي قرب منه ولا يغلط فيه يقتله !!!!!!!!!
و الله لو كان كلام و شو و استعراض بس كأن اللي ماشي بسلاح ده أرجل من الباقيين و متميز عن باقي الخلق يبئى مش هنقول غير ربنا يهديك.....لا حول ولا قوة الا بالله
و لو كان بيتكلم بجد و فعلا حالف ان اللي هيضايقه هيقتله و يقضي بقية عمره في السجن و يجيب لأهله الغم و يشرد أولاده و يدمر مستقبله و يبئى من أصحاب السوابق و المشبوهين و البلطجية برضه مش هنقول الا ربنا يهديك....و لا حول و لا قوة الا بالله
يا سيدي الرسول الكريم صلى الله عليه وسلم و الصحابة رضوان الله عليهم كانوا بيتأذوا من الناس و يسبوا و يهانوا و يسخروا بهم و يعذبوهم و يفوضوا أمرهم لله مش عن ضعف و لكن لقوة ايمانهم بنصر الله و ان كل ما يصيبهم هو باذن الله.........
(((أعمل ما شئت كما تدين تدان)))
و الشر عمره ما هيخلص من كده بس نصيحة لما تضربهم بالنار (ده لو كنت بتتكلم جد يعني مش بتهزر و تبالغ) استحمل اهانات و قلة أدب المساجين اللي معاك و الأخوة الظباط في السجن كمان لأن مش هيكون معاك طبنجة ساعتها........مضطر تقولهم و للأسف ((( الله يسامحكم))) و مضطر تعرض عن الجاهلين و تسيبهم في ضلالهم .........معزور بئة ما أنته ممعكش سلاحك
و نصيحة للكل حاولوا تربوا عيالكم كويس علشان ما يطلعوش بايظين و غير محترمين بيشتموا الناس و بيحكولهم عربياتهم و يهزأوهم في الشارع
ونصيحة تانية امشوا بعيد عن الناس الطايشه المجنونه اللي بستهتر بحياه الناس و أرواحهم
في رمضان أو غير رمضان...........
الخلاصة: تكسير الأزاز و رفع السلاح في الشارع بلطجة ثم بلطجة ثم بلطجة و مش حاجة تفرح و مستغرب من الناس اللي بيهدوك و بيسايروك على غلطك و تكسير أزاز عربيات الناس في نص الشارع واصرارك على تكرار ما فعلت على كل من تسول له نفسه الاقتراب من جلالتك و فخامتك...........
بسم الله الرحمن الرحيم ((و من يتق الله يجعل له مخرجا و يرزقه من حيث لا يحتسب)) و قال ((اللهم أفرغ علينا صبرا و ثبت أقدامنا و انصرنا على القوم الكافرين)) و قال ((و أتقوا الله و أعلموا انكم ملاقوه و بشر الصابرين)) صدق الله العظيم
يعني اتق الله و تذكر انك هتقابله و تحاسب على قولك و فعلك و في الأخر البشرة و الفلاح و السعادة للصابرين مش للعصبيين اللي ماشيين بالسلاح و تكسير الازاز و تسييح الدم
استغفر الله و دي نصيحة أخ ربما تحرك قلبك و تندم على ما فعلت و فعلا تعرض عن الجاهلين و تبعد عنهم لأنهم عمرهم ما هيخلصوا من الدنيا....
و رمضان كريم...........
why does tananybasha carry with him a gun??? that is what I need to know......
and just because someone cut him off then he will bust out his gun every-time???!!!!!!!
انا موافق على الى انتا عملتوا 100% لان المصرى الى على حق ميقلش للغلط لا
انا شايف ان الى انت عملتة هو الصح عايز حقك خدة بايدك لاننا فى غابة
انا بجد مرعوب من تعليقات الناس
انا عارف ان المجتمع فى مشكله
بس كميه التعليقات الصادمه بجد محسسانى انى مش مصدق نفسى
النهارده فيه خبر مصرع مهندس و من كام يوم البنت بتاعه القبه
الكلام ده كله رد فعل طبيعى جدا لما الطبقه المتوسطه فى المجتمع توصل ان هيه تأيد التصرف اللى كاتبه صاحب الموضوع
المشكله ان كل واحد هينقل الكلام ده لعياله
انا المفروض اشترى اوزى او كلاشينكوف للعيال فى المدرسه بعد كده
و اجيب mk احطه فى العربيه تحسبا لواحد اعصابه مش قادر يمسكها
احنا بنهد المجتمع اكتر ما هو متنيل على عينه
بدل ما نقول تسامح و الناس تخاف على بعض حتى لو فيهم ابن ستين فى سبعين بقينا بنقول غابه و جدع لليفترى على الناس
اللى يبلطج بقى هو الصح ايه يا بلدى حصلك ايه
ايه يا ناس مالكوا انتوا ايه اللى خصلكوا؟!!! الناس بتاكل فى بعض ليه؟!!! هتقول لربنا ايه؟؟ هتقول كسرت الازاز و كنت هموتهم عشان شتمتنى؟!
هنقول لربنا ان احنا بنقول لليفترى على بنات انه جدع؟؟؟ نسينا و صيه الرسول؟؟؟؟
ارحمنا يا رب
انا نفسي اعرف فين الدورية الراكبة فين الشرطة فين المرور دي حاجة تقرف والله العظيم
تسلم و يسلم لسانك و قلبك و عقلك الواعي
فعلا كلام مظبوط و منطقي جدا و ده اللي انا عمال أقوله
و مستغرب من الرد انه والله لو حصل الموضوع ده تاني لكسرلهم عربياتهم و أقتلهم و مصر على كلامه
على رأيك طيب لو كانوا ولاد ضاربين و الموضوع تحول لحرب ممكن لما يفوقوا يدوروا على اللي ضربهم و يأجروا بلطجية و تبئى حرب أهلية في المنطقة و تتطور لتكسير و ضرب و حرق و يمكن خطف و ترويع للناس و الأهالي
و سؤالي للأخ الكريم ده لو كانت زوجتك أو أبنك أو بنتك معاك و أتفرجوا على عرض تكسير الأزاز و الخناق و الشتايم ده كان ايه تعليقك و تفسيرك ليهم أول ما ترجع عربيتك!!!
غير كده انت مشيت و سيبتهم و روحت و هما الله اعلم بمكانهم و الخير فضل خير و الشر شر و الدنيا مشيت بس وانته اللي عمال تلم ذنوب و تغلط و تشجع الناس عالغلط و هما يشجعوك
الاسلام دين الرحمة و رسولنا الكريم قال من لا يرحم لا يرحم.........
ربنا يهديك للخير و يحفظك لأهلك و بيتك
شكراً لكل من قام بالرد و كل سنة و انتم طيبين
حسبى الله و نعم الوكيل فى العالم المستهترة دول الى بيخلوا الواحد مش عايز يراعى الناس التانية
بس أنت الى عملته الصح غيرت المنكر و متنرفزتش من أول مرة
و ربنا يهديهم و يبعد الأشكال دى عن طريقك