و نعم بالله
عرض للطباعة
و نعم بالله
بس يا باشا كفاية إنك رعبتهم.أنا كنت شايف الخناقة من عند كافتيريا صدفة:Ta_clap[1]:متزعلش نفسك
ايه ده انت جارى بقى
انا مش هالومك على اللي عملته (مع انه رد فعل مبالغ فيه)
بس انت انت اللي وصلت للمرحلة دي بنفسك و كان تبريرك انك اتعصبت ...وده تبرير واهي
لأن العصبية سببب كل مصيبه
ده غير موضوع الطبنجة اللي بعيد عن الموضوع ما تتسحبش الا في حالة واحدة (تهديد مباشر للحياة)
مش تسحبها على ناس مدنيين زيهم زيك ولو سفلة و اغبياء و فيهم كل البلاوي لأن ببساطة انت اللي هاتروح في داهية قبل اي اي حد ...
الحل كان بسيط
بعد الجملة دي
تركن دقيقة واحدة .......
و كان خلاص ........
فى حاجات يا باشا بتبقى فوق الأحتمال و لو جت على الحديد فى داهية بس كرامة البنى ادم ملهاش تمن
اولا مع احترامى لكل الردود سواء مؤيده او معارضه للى حصل محدش كان فى الموقف غير صاحب الموضوع متعرفش ايه اسلوب الاستفزاز اللى حصل عشان كده الوحيد اللى يقدر يحكم على الموضوع هو واحد حضر المشكله من الاول
واكيد كان لازم يتصرف فى موقف انه بيتشتم باهله تصرف على الاقل يرضى نفسه مع العلم انى ضد موضوع استخدام الاسلحه وخاصه الطبنجه
فرايي ان الغلط من الطرفين ولكن البادى اظلم
تسلم و تعيش و ده اللى قصدى عليه من الأول صاحب الجرح هو اللى بيحس بيه
احسن تصرف انك تتجنبهم لغاية لما يمشو وخلاص
لكن الصراحه طالما هما قلو ادبهم ووصلت للشتيمه يبقى اللي انت عملته ماحدش يقدر يلومك عليه ... يعني يا جماعه تخيلو انكم شفتو الخناقه وشايفين بنتين ولاد ... مالهمش لازمه قعدين يشتمو راجل محترم وهو ساكتلهم ... هتقولو عليه ايه ؟؟؟؟؟؟؟ هتقولو ده راجل بارد ماعندوش كرامه ولو كنت مكانه كنت عملت وسويت ...
لا بقى معلش لما بنات مالقيوش حد يربيهم يقلو ادبهم عليا يبقى انا اللي هربيهم ... انت كده عملت خير في الناس انهم بعد كده يعرفو ان الله حق ويبطلو الحركات دي .
هو فيه تحفظ واحد فقط وهو انك كنت صايم وبالتالي كان واجب عليك انك ماتردش عليهم كي لا يفسد صيامك .
الكلام ده باليل الساعه 10 تقريباً بس انا مشتمتش انا كسرت بس
يعنى انا عاوز افهم هل انت ندمان على اللى عملته ولا لأ لان كلامك دا متناقض مع بعضه
بص انا تقريبا زيك بالظبط فى موضوع النرفزة دا لدرجة ان كل يوم بنزل فيه الشغل والدتى تفضل دايما توصينى انى متنرفزش وتبقى دايما حاطها ايديها على قلبها لانى ساعات كنت برجع يا اما اكون متخانق مع حد او واحد كسر عليا والمعاتيه اللى احنا بنشوفهم فى السكة دول
وانا على فكرة من طبعى انى هادى بس اعصابى متحرقتش الا لما اتعلمت السواقة وبقيت عصبى جدا وكلهم كانوا ملاحظين كدا
فدا اول رمضان يعدى عليا وانا بسوق فقررت انى اتحكم فى نفسى ومتنرفزش عالفاضى والمليان
وابتديت اتحكم فى اعصابى وانا سايق لغاية موصلت فى حتة وقفت فيها لقيت واحد عربجى خبطلى العربية ومشى ولااااااااااااا على باله ( والعربية كانت لسه واخدلها دهان مكملش شهر ) واتنرفزت جدا واتعصبت والطريق كان واقف فمشلتش ايديا من على الكلاكس فكان ازعاج للناس لدرجة ان واحد جه وقاللى انت زعلان من ايه فقلتله منتش شايفنى مخبوط قاللى ومين اللى خبطك قلتله العربجى قاللى بس خلاص اديك قلتها واحد عربجى هو اللى خبطك ( بصراحة بعد ماقللى الكلمتين دول ملقتش حاجة ارد بيها وسكت ) فبرضه البنات اللى فى العربية دول مش متربيين من اساسه فلما تسمع منهم اى حاجة وحشة فالعيب عمره ماحيطلع الا من اهل العيب
وكنت ندمان جدا بعد اللى انا عملته دا وكان اول يوم فى رمضان برضه وكنت زعلان برضه ان انا عملته فى رمضان
بس عامة انك تعمل حاجة وحشة فى رمضان تزعل فعلا لكن الاوحش انك تخرج من رمضان وتفضل تعمل نفس الحاجة دى من غير متغيرها
وهو دا اللى هون على شوية فجبت ورقه وكتبت عليها لا تغضب ولزقتها على الدركسيون عشان كل ميحصل ادامى اى موقف الاقيها امامى مباشرة ( ممكن الناس يشوفوها ويقولوا ايه العبط دا بس يقولوا اللى يقولوه انا يهمنى انى ابطل العصبية دى)
وفى نقطة مهمة وهى انك لما تسكت لأهل العيب مش معناه انك ضعيف او انك مش عارف ترد عليهم بالعكس انت اللى فى الموقف الاقوى بس المشكلة ان احنا مش قادرين نعمل كدا وبنحس ان الانتقام هو اسرع وسيلة لرد الاعتبار بالرغم من ان العكس هو الصحيح وكلنا عارفين كدا كويس والواحد بيحاول يعود نفسه على كده
بس كده خلاص وهو على نفسك وقول قدر الله وما شاء فعل لعل الدرس القاسى اللى خدوه البنات دول يفوقهم
ورمضان كريم