شكرا لردك واهتمامك
عرض للطباعة
يا جماعة انا عارف انى بتقل عليكوا بس معلش دلوقتى هنحصر المقارنة بين
1 - لوجان فول اوبشن
2- فيرنا فول اوبشن
3- لانوس فول اوبشن
4- سيمبول ( لو ب 76 )
اهم حاجة تكون اعتماديه العربية كويسة قوى وتستحمل جدااا لأنى بعمل فى السنة فى حدود 50 الف كيلوووو ويكون سعر اعادة البيع افضل ما يمكن وتتباع متقعدش سنة عشان تتباع
المقارنة محسومة للسيمبول بس حاول تتأكد من السعر لان اللى اعرفه
انها 80000 مانويل افضل قيمة مقابل المال
1- سيمبول
2- لوجان فول اوبشن (زى الفل) ميزة عن اللانوس ثبات وشكل احدث
3- لانوس ميزة عن اللوجان فى سهولة الصيانة ورخص قطع الغيار
4- فيرنا
لو عتبيع بعد سنة يبقى لانوس او فيرنا او تشوف حاجة مستعمل يكون احسن
وانت تقرر ومتنساش تعمل استخارة قبل اى شئ وتتفرج طبعا
على العربيات دى بنفسك ومبروك مقدما واى استفسار بخصوص
اللوجان انا تحت امرك
lشكلها هتبقى لوجان :) لأ انا مش بفكر ابيع بعد سنة ممكن 3 او 5 سنين تكون الأمور اتغيرت
بالنسبة للوجان بقى
انا سمعت ان الواحد بيحس برعشة الموتور ؟؟؟ الكلام ده صح
وفيه مشكلة مع الدبرياج بيقولوا صوت غريب بيظهر واخر حاجة كانت مشكلة الطنابير بس ديه مش فارقة معايا انا اكتر حاجة بتضايقنى ان احس ان العربية شغاله :) فياريت تطمنى الكلام ده صح ولا مش صح ؟؟؟؟
وبعدين إنتا رافع شعار الحملة وعايز تجيب زيرو
السيمبول جديدة في السوق هي واللوجان
بس انا شايف ان السيمبول احسن كتير بالنسبه لفارق السعر بينها وبين اللوجان
هو انا لسه شاري قريب وكانت نفس الاختيارات تقريبا"مكنتش اللوجان نزلت بس كانو بيتكلمو عليها"
انا جبت للانوس عشان
قطع غيار رخيصة
سعر اعادة بيع عالي
ثابتة نسبيا على الطريق ومع الجنوط بتبقى ثابتة جدا جدا جدا
السحب ضعيف شوية بس انا مش هشد مع لامبورجيني ف مش فارقة كتير "بتسحب كويس"
اخير زي ما قولت قبل كدا مش هتلاقي ميكانيكي او كهربائي مش فاهم فيها
وانا مش بقولك هات لانوس عشان انا جبتها انا بقولك على الاسباب ال خلتني اجيبها