انا حضرت فرح فى نادى الشروق بتاع الشرطه شغلوا الشاشه على مباراه و الفرح باظ عشان الماتش كان فيه وقت اضافى و ضربات جزاء و ابتدا متأخر و خلص الساعة 12.15 باليل
عرض للطباعة
انا حضرت فرح فى نادى الشروق بتاع الشرطه شغلوا الشاشه على مباراه و الفرح باظ عشان الماتش كان فيه وقت اضافى و ضربات جزاء و ابتدا متأخر و خلص الساعة 12.15 باليل
ككل الناس بتحكي تجارب الغير
ايه يابشر محدش حصل في فرحة مفاجآآآآآآآآآآآآت؟؟؟؟؟؟؟؟ ؟؟؟
بلاش دي
محدش محضر مفاجآت لفرحه؟؟؟؟؟؟؟؟؟؟؟؟؟
فرجى كنت عازم 150 نفر و عامل حسابى على كده كان عندى فى فرحى اكتر من 700 بنى ادم بيكلوا و بيشربوا و مش عارف مين اللى قعد و مين اللى وقف و اهى عدت على خير و فى اخر الفرح عشان الحشريين خدت عربيتى انا و مراتى و خلعنا على اسكندرية و انا ممعيش غير 500 جنيه وورقه من المأذون و قفلت تليفونى و محدش عرف عنى حاجة غير بعد 3 ايام بس خدت شتيمه و تهزئ بالهبل لدرجة ان ابويا حاول يعتر فيا انه بلغ بسرقة العربية و اتمسكت بيها و انا جاى على الصحراوى و اتسحلت يوم فى القسم لغاية ما صدقوا انها عربيتى و ابويا ملوش دعوه و كانوا عايزين يعملوا لأبويا محضر بلاغ كاذب و ازعاج سلطات بس برضوا خلونى اروح من غير العربية
ههههههههههههههههههههههههه هههههههههههههه
ايوا كا هي دي المواقف
بس احسن حاجة عملتها والله بس قبل متقفل التليفون كنت ابعتلهم مسج او سيب خبر مع حد من صحابك
وبالمرة ال 500 جنيه
مكنوش هيسالوا بعد كدا في حد
انا اللى حرق دمى الضابط بديله الرخصة بيقولى العربية دى مسروقة اقوله ازاى يقولى الأوامر اللى عندنا كده و اتحايلت عليهم لغاية ما روحت مراتى و قعدت معاهم لغاية ما بتاع النيابه جه و قفل المحضر
دول اكيد حافظين مش فاهمين
بصراحة لما بحضر اي فرح بحسس بملل ملوش آخر وتقليدية فكل شئ الناس بتنوع في اطار ضيق جدا
يعني بالكتير يغيروا شكل الكوشة طب وليه كوشة اصلا؟؟؟
يغيروا فشكل الزفه..طب ميبتكروا طريقة جديدة للدخول علي المعازيم
وطول الفرح اااغاني ووش ورقص وهبل
محدش بيفكر ازاي يمتع ويسلي الضيوف اللي جيينله دول
مفيش عرسان بيفكروا يعملوا مفاجآت لبعض فلفرح
فكرتوني بفرح ابن خالتي احنا عيلتنا شوية زي مبيقولوا بحبوحة
بس عيلة العروسة ديما فوق جبينهم 11111111111111111111111
المهم كانوا مش عوزين اي فقرات فلفرح من باب الحفاظ علي البروتوكول بتاعهم
خالتي طبعا صمصمت يكون في عالاقل مطرب...يعني مش هتدفع دم قلبها عشان مكان نقعد فيه وخلاص
من هنا لهنا قرروا يجيبوا مطرب وفرقة من الموسيقي العربية
آه والله من اللي بنطفي التليفزيون اول منشوفهم دول
وبقينا قاعدين يمين واهل العروسة شمال تمام زي ماتشات الاهلي والزمالك
احنا بنشجعه وهم بردوا مكشرين
حتي صور العرسان وهم اطفال كل متظهر عالسكرين صور العريس نقول هيييييييييييييييييييه كأن جه جون
واما تظهر صور العروسة نقول ييييييييييييييييييييييييي يييييييييييييييييييييي
بجد كانوا صعبانين عليه اوي
كان ناقص نحدفهم بالطوب وحنا مروحين :(
مرة كن حاضرة خطوبة ابن خالي عند العروسة فلبيت
كانوا عملينها تحت فلجنينة فكان في ناس ماشيين بزمار وطبلة كدا لقوا حفلة راحوا دخلوا وخلاص
المهم اهل العروسة قعدين ينقطوهم كل شوية ويندهوا العروسة..ام العروسة...اخوات العروسة
وكذا كل دقيقتين حد يطلع ينقط....
وحنا قاعدين محدش عنده الشجاعة اصلا يطلع يقول كدا زيهم
وفالاخر ابن خالتي راح قام
ونقط وخلاه يقول العريس..واخواته واهله....وجدته ست الكل
الراجل بتاع المزمار قعد يكرر جدته ست الكل دي ميت مرة وكل مرة يقول اللي مشرفانا فلحفلة النهاردة
الكبسة بقي ان جدتنا دي كانت ماتت بقالها سنة