الحقوووووووني .... نيو النترا اتخبطت !!

**alivara** · 23-08-2009 03:45 AM

السلام عليكم
النهاردة النترا اتخبطت مني و مش عارف اعمل ايه

الحكاية و انا ماشي في طنطا في شارع عادي واسع و كل حاجة بس كان زحمة عشان رمضان و انا بعدي من دوران في الشارع فجأة سمعت صوت جامد و العربية اتهزت عرفت ان العربية اتخبطت , نزلت لقيت واحد راكب عربية قديمة اوي داخل فيا و هو في الدوران , طبعا اتخانقت معاه و كنت هاخده على القسم بس عرفت انهم مش هيعملولي حاجة و قولت حسبي الله هو نعم الوكيل و خلاص

المهم ان الخبطة كلها في الصاج من فوق الاكصدام لحد الشنطة ورا في جنب العربية و البابين متطبقين في كذا حتة

مش عارف اوديها التوكيل و لا اشوف سمكري كويس يعملهالي لأن سمعت ان التوكيل هياخد مني فلوس كتير و كمان هيرشلي الجنب كله

ياريت تقولولي اتصرف ازاي العربية شكلها وحش جدا من الجنب
شكرا

**drkmf** · 23-08-2009 03:57 AM

والله انا مش عارف اقول لك كل سنة وانت طيب ازاي ؟ المهم ماتزعلش وانت عملت الصح المحضر ماكنش حيعملك حاجة غير مضيعة الوقت ورفع الضغط
نصيحتي شوف سمكري كويس بس اتأكد انك لو صلحتها بره مش حتخرج من الضمان لان التوكيل ما بيصلحش على قد ما بيغير بالكامل يعني ممكن يقولك انا حغير الباب بحاله و طبعا حيكلف كتير لان زميلي عملوا معاه كده بس كان معاه نيسان صني
حصل خير و ربنا يحفظك من كل سوء و الحمد لله جات على قد كده
على فكرة انا برضه من شهرين واحد دخل في من الجنب بس كان معايا عربية قديمة و كانت الخساير بابين بالزجاج و العتبة و القايم والحمد لله على كده

**alivara** · 23-08-2009 04:16 AM

انا فعلا روحت لصاحب المعرض اللي اشتريت منه العربية و هو دلني على سمكري شاطر هو زبون عنده و روحتله قاللي هياخد 400 جنيه , و البوهيجي اللي هيرش العربية هياخد 700 جنيه يعني كله 1100 جنيه
و ان شاء الله هوديله العربية قريب و هو اكدلي انها هترجع زي ما كانت

**alivara** · 23-08-2009 04:22 AM

اللي مضايقني بس ان العربية جديدة ديه ما كملتش 3000 كم

**Raul_7** · 23-08-2009 05:11 AM

قدر الله و ما شاء فعل.. ربنا يعوضك خير ان شاء الله.

أنا واحد صاحبي جاب Sunny اتخبطت تاني يوم في بنزينة الساعة 2 بالليل و هو واقف بالعربية كمان, نص نقل خبطت الباب الوراني بالخطاف الوراني ده خرمتلو الباب خرمة وحشه أوي, و اضطر يغير الباب كله.

قدر بقي.

**amr.elsayed** · 23-08-2009 05:34 AM

قدر الله وما شاء فعل
متزعلش يا باشا وفداك اى حاجة
ويريت خبراء الهيونداى يأكدوا على موضوع الضمان لان العربية
لسة جديدة عاملة 3000 ك بس والضمان فى الوقت دة مهم جدا
وكل سنة وانت طيب ورمضان كريم

**memo_p910** · 23-08-2009 11:02 AM

اتنزلت عن حقك بالسهوله دي؟؟؟؟ حاجه غريبه

**alivara** · 23-08-2009 09:51 PM

ماهو كنت هعمل مشاكل على الفاضي و عمرهم ما هيعملولي حاجة و كله قاللي كده
لا انا ما طقتش منظر العربية و ما سألتش حد من التوكيل على موضوع الضمان لأني سألت صاحب المعرض و قاللي الخبطات و الكلام ده طالما ما حصلش تغيير للباب او اي قطع غيار يبقى الضمان مش هيحصله أي حاجة
و فعلا وديتها للسمكري و هاخدها بكرة بعد الفطار ان شاء الله

**thegreatnileman** · 23-08-2009 09:57 PM

اللي مضايقني بس ان العربية جديدة ديه ما كملتش 3000 كم

قدر الله و ما شاء فعل.. ربنا يعوضك خير ان شاء الله

**drkmf** · 24-08-2009 03:59 AM

ياعم انت زعلان عشان ما كملتش 3000 كيلو
تصدق بالله ان واحد زميلي اتخبط و هو خارج من المعرض بيقطع الطريق بالعرض و واحد ابن حلال ضيعله فانوس و اكصدام و صاحبي كان حيموت الراجل من كتر الخناق و الضرب
الحمد لله اولا واخيرا وبعدين بتقول الراجل اللي خبطك كانت عربيته قديمة يعني مش حيقدر يعوضك فاحتسبها عند ربنا وان شاء الله ترجع عربيتك زي الاول
امانة عليك تصورها بعد ماتخلص عشان نباركلك من جديد
على فكرة تكلفة السمكرة و الدهان كويسة انا لما خبطت كلفتني 950 جنيه بص طبعا عشان عربية قديمة و لونها ابيض مش ميتالك

ابقى بخرها قبل ماتمشي و علق العين الزرقا

الموضوع: الحقوووووووني .... نيو النترا اتخبطت !!

LinkBack

أدوات الموضوع

عرض

الحقوووووووني .... نيو النترا اتخبطت !! - انشر الموضوع فى :

-

-

-

-

المواضيع المتشابهه

مقارنة فيرنا - النترا 2010 - النترا 2012 - صني - تيدا - التو

بفكر اشترى النترا الشكل الجديد اتوماتيك ارجو المساعده من خبراء النترا

الحقوووووووني العربيه مش بتقبل بنزين مش عارف في ايه

الحقوووووووني السحب عندي قليل قوي حاسس اني راكب بطة

الحقوووووووني يا اصحاب الخبرة ....الموضوع خرج من ايدي

الكلمات الدلالية لهذا الموضوع

المفضلات

المفضلات

ضوابط المشاركة