سخونة في العجلة الامامية

**نور القمر** · 23-08-2009 11:11 AM

عندي مشكلة في العربية بئالها فترة طويلة ومش لقيالها حل قلت مفيش غير خبراء نايل موتورز هم اللي عندهم الحل ان شاء الله

المشكلة ان على الطرق السريعه صواميل العجلة الامامية اليمين بتسخن جامد وريحة شياط الكاوتش بتظهر
ولازم كل شوية نقف نبردها بمية
طبعا وديناها للميكانيكي وكل شوية يفتي بحاجة جديدة
غيرنا تيل الفرامل وبرضو لسه بتسخن
كانت الكبالم بتكتك قلنا جايز بسببها فغيرناها وبرضو مفيش فايدة
غيرنا زيت الفرامل ولسه المشكلة موجودة
اللي اكتشفناه موخرا ان زيت الفرامل بيقل

**r0xer** · 23-08-2009 05:39 PM

نفس المشكلة دي كانت عندي في عربية هيونداي فيرنا ومقلتش "لم تختفي ولكن قلت السخونة بشكل ملحوظ" بعد تغيير ماستر الفرامل العمومي. بالإضافة لتحسن كفائة الفرامل بعد تغييره بشكل ملحوظ يعني بنسبة حوالي 40%

غيري ماستر الفرامل..

**ASKAFRAWY** · 23-08-2009 05:46 PM

هو لو رفعتى الفردة بكوريك و حركتيها بايدك و كانت تقيلة يبقى فيه حاجة قافشة و دة ممكن يكون من جهاز الفرامل و بيبان مع السرعة نتيجة لوجود احتكاك
لكن لو العجلة اليمين مفيش منها مشاكل و العربية مرفوعة ممكن يكون من خرطوم الجاى من الماستر العمومى للفردة دى مسدود وحاولى توديها لحد بيفهم لانه عيب بسيط و المفروض انه سهل اكتشافه

**نور القمر** · 24-08-2009 10:05 AM

اعتقد تفسير استاذ اشرف هو الاقرب لحالة العربية لان فعلا قعدت كذا يوم بسمع صوت منتظم في العجلة الامامية بس اختفى حاليا
بس موضوع نقص زيت الفرامل هل له علاقة بالمكشلة ؟؟؟

**MMamdouh** · 24-08-2009 11:55 AM

السخونة بتيجى من الاحتكاك و فى الغالب ماستر العجلة دى قافش و بيسبب السخونة و ريحة الشياط... الماستر محتاج يتفك و يتكشف علية لمعرفة سبب القفش

بالنسبة لنقص الزيت فا دة ملوش دعوة بالقفش... التسريب ممكن يكون من الماستر العمومى او ماستر احدى العجلات او خرطوم/ماسورة من بتوع دورة الفرامل

MMamdouh

**MMamdouh** · 25-08-2009 02:30 AM

قصدك وصل يا باشا بس نقص مستوى الزيت نتيجة تاكل التيل بيبقى بقدر قليل اوى صعب انة يوصل لدرجة ان مالك السيارة يشتكى من نقص الزيت

و لو فعلا التيل بيخلص بالسرعة دى يبقى فى خالا اسبوع التيل حيخلص و الحديد اللى فى ضهر التيل حيبداء يحك فى الطنابير

MMamdouh

**avocato** · 28-08-2009 04:42 PM

نفس المشكله عندي في العجلتين الاماميتين في الفيرنا
وانا طنشت
مع اني وديت العربيه للتوكيل عند سي غبور قالولي العربيه ما فيهاش حاجة

-

-

الموضوع: سخونة في العجلة الامامية

LinkBack

أدوات الموضوع

عرض

-

-

-

المواضيع المتشابهه

صوت صفير من العجلة الامامية

مازدا 3 مشكلة فى العجلة الامامية

كارتيرة العجلة الامامية

العجلة الامامية يمين......؟

صوت اختكاك من العجلة اليمنى الامامية

الكلمات الدلالية لهذا الموضوع

المفضلات

المفضلات

ضوابط المشاركة