الأخوة الكرام
السلام عليكم ورحمة الله وبركاته،،
عاوز أغير سير الكاتينة وسير الدينامو للسيارة .. هل فيه نوع معين تنصحوني بيه .. ومنين أجيبه
عرض للطباعة
الأخوة الكرام
السلام عليكم ورحمة الله وبركاته،،
عاوز أغير سير الكاتينة وسير الدينامو للسيارة .. هل فيه نوع معين تنصحوني بيه .. ومنين أجيبه
سير الكاتية فيه نوع اسمه Gates ... بسعر 40 جنيه وبيعمل 40 الف كيلومتر ... غير كمان بالمرة بلية شداد الكاتينة بس هاتها الأصلي بتبقى صناعة كندي وسعرها 160 جنيه ... خللي بالك علشان في منها تقليد وبرضه مكتوب عليه made in Canada
بالنسبة لسير الدينامو بصراحة معنديش فكرة ... بس ياتري انت عامل بالعربية كام الف ؟
ألف شكر يا أ. شريف العربية عاملة 129 ألف. بس بصراحة مش أنا اللي عاملهم كلهم أنا لسه شاريها من شهرين فقط لا غير .. وأنا إن شاء الله ناوي أعمل لها صيانة شاملة.
سير كاتينة - سير دينامو - سير تكييف - بوجيهات - نظافة رشاشات - فلتر بنزين - فلتر زيت - فلتر هواء - تيل فرامل - تغيير زيت الماتور.
يا ترى لو فيه حاجة كمان للصيانة المفروض تتعمل تفكرني بيها، وإيه أفضل أنواع الحاجات دي. شكراً لك مرة ثانية.
الف مبروك ... ربنا يديك خيرها ويكفيك شرها ... حضرتك ممكن ترجع للموضوع المثبت بخصوص قطع الغيار واسعارها ... ده هايفيدك كتييييير ... بس بالنسبة للأسعار ممكن يكون فيها تغيير بسيط .. والف مبروك مرة تاني
شكراً لزوقك يا أ. شريف والله يبارك فيك .. بصراحة أنا رجعت للموضوع المثبت عن الأسعار .. بس أعتقد أن الأسعار دي بتاعة التوكيل وانت عارف أسعار التوكيل بيبقى فيها مبالغة كبيرة .. بالنسبة لموضوع أماكن قطع الغيار ففي ملف مرفق أنا مش لاقيه على الرغم من تثبيتي لبرنامج جوجل أرث. وشكراً لك مرة ثانية.
سير الدينامو بيبقى جيتس برضة... سير التكييف حتلاقية دايو
الاسعار من محل ابو الحسن فى بين السرايات مش التوكيل
المرفقات مش موجودة نتيجة مشكلة بالمنتدى
MMamdouh
أولاً: حمد الله على السلامة يا أبو حميد .. بقالك أكثر من يومين منقطع عن الردود .. لعل المانع كان خير إن شاء الله
معلش هتقل عليك .. ممكن أجيب منين الحاجات دي من حد قريب من جسر السويس أو الحرفيين لأنهم قريبين مني ويكون مضمون. لأن بين السرايات بعيدة أوي عني. وشكراً لك.
بالنسبة للملف المرفق في أماكن موضوع قطع الغيار المثبت .. لو أمكن وميكنش فيه تعب عليك .. أنه يترفع على أي موقع ثاني يبقى كده ممكن الكل يجيبه ويشوفه. ولك جزيل الشكر.
الحقيقة انا كنت مش موجود عشان خالى توفى يوم الاربعاء
انا مش عارف حد معين فى المنطقة دى لان انا عمرى ما نزلت ادور على قطع غيار هناك بس اعتقد ان الموضوع مش مشكلة طالما انت عارف ايه الانواع الكويسة و ايه الاسعار الصح
MMamdouh
كان المفروض لو نعرف نقدم واجب العزاء .. على العموم البقاء لله وربنا يجعلها آخر الآحزان إن شاء الله
وشكراً لزوقفك والرد على الموضوع.
شكرا ليك... محدش يجيلك فى حاجة وحشة
MMamdouh
طرمبة مية غيرها مع بقية القطع او اكشف عليها
البقاء للة يا محمد
1+اقتباس:
المشاركة الأصلية كتبت بواسطة Sherif Khalifa
الله يخليك يا شريفاقتباس:
البقاء لله يا محمد
MMamdouh
اقرب مكان من جسر السويس وفيه محلات قطع غيار كتيييييييييييييير هو شارع دمشق ... بس اسأل عند اكتر من محل علشان تعرف النوعية والسعر المناسباقتباس:
ممكن أجيب منين الحاجات دي من حد قريب من جسر السويس أو الحرفيين لأنهم قريبين مني ويكون مضمون
شكراً على زوقكم يا جماعة ..
انت اقربلك مصر الجديدة شارع دمشق
محل اسمه عبد الله محل مشهور ومعروف
وربنا يوفقك
ياريت ياجماعة علشان الاستفادة من الموضوع ده تبقى كاملة فاللي عارف تكلفة مصنعية تغيير سير الكاتينة وبلية الشداد يقولها وكمان يقولنا السعر ده خاص بالتوكيل ولا عند ميكانيكي بره ...
المصنعية 80 جنيه عند الميكانيكى
MMamdouh
ايضاً لكي لا يمر الموضوع مرور الكرام حبيت أقول لكم أنا جبت إي وعملت إيه في صيانة السيارة:
تم شراء الآتي:
سير كاتينة 45 جنيه gates
بوجيهات 25 جنيه NGK واحد شمعة
فلتر بنزين أصلي 60 جنيه GM (طبعاً الراجل قعد يقولي أن كل قطع غيار الدايو غليت .. وانا كنت ببيعه بـ 45 جنيه .. مش عارف اشتغالة والا إيه) وعلى فكرة كان فيه تقليد زيه بالضبط صيني بـ 25 جنيه بس الفرق كان واضح جداً، وبرده كان فيه الكوري بـ 40 جنيه.
فلتر زيت أصلي 25 جنيه GM
قلتر هواء 25 جنيه
بالإضافة لسبراي نظافة انجكشن ورشاشات بـ 25 جنيه هو في علبة صفراء بس فظيع بينظف أي حاجة قدامه.
الفك والتركيب ونظافة الرشاشات والانجكشن كلف مصنعية 80 جنيه (عند الميكانيكي طبعاً) أعتقد أنه معقول.
ونأسف للإطالة.