الموضوع: ازهر بارك من امبابه !!!

هو طريق اللى انا اعرفه ليها من امبابه بس متقلقش واثق ومتأكد منه

البدايه
اكيد تعرف تطلع كورنيش امبابه هتطلع وتفضل ماشى على طول بحيث البحر على شمالك لحد ما هتوصل كوبرى اكتوبر

اطلع الكوبرىوهتسيب اول نزلتين عشان دول بتوع الزمالك وتسيب اللى بعدهم بتاعت التحرير وتنزل الرابعه (الاسعاف)
اول ما هتنزل هتلاقى شارع يمين (عبدالخالق ثروت) هتدخله وتمشى فيه لحد اخره هتوصل ميدان كده انا مش فاكر اسمه المهم هتطلع كوبرى الازهر من هناك وهتنزل عند جامع الازهر وبعده مستشفى الحسين وبعدين خليك شمال عشان فى نفق اوعى تنزله هتفضل شمال لحد ما هتلاقى نفسك طلعت عند المشيخه
وهنا تبقى وصلت البارك على يمينك

معلش طولت عليك وكل سنه وانت طيب
اظن الوصفه متتوهش

وانت طيب وبجد شكرا اوى و معلش اتاخرت فى الرد عليك