المشاكل ظهرت تانى فى التيدا !!!!

بصراحة انا احترت مش عارف اعمل ايه فى العربية دى حظى فيها مش حلو نهائى :fdsa:

بعد اما غيرت علبة الدركسيون والطنابير باردو ظهرت مشكلة تانية او مشكلتين
اول مشكلة قطمة الدركسيون عايزه تتغير او تتربط مع ان التوكيل ربطها قبل كده وباردو مافيش فايده الحكاية دى بتخليلى الدركسيون بيلق
تانى مشكلة الدركسيون بيهرب منى فى المطباط والشوارع المكسرة شوية ماببقاش عارف اتحكم فى العربية
تالت حاجة ودى من داخل العربية التابلو بيتهز بطريقة غريبة وفى اخف المطباط يعنى بيشخلل

قلولى اعمل ايه انا عارف لو روحت التوكيل من الصعب انهم يحسو بالمشاكل دى او يكتشفوها
طيب هل فى المصنع فى 6 اكتوبر ممكن العربية تتحط على اجهزة معينة ويبان العيوب دى منين

قدر الله وما شاء فعل

حظك ونصيبك

التيدا فوق الممتازة

التوكيل ان شاء الله يضبط لك كل الحاجات ديه لكن ما تمشيش الا لما تستلم السيارة بحالة سليمة بدون شخاشيخ :))))))))))))))))))

اقتباس:

---

المشاركة الأصلية كتبت بواسطة karaktar

بصراحة انا احترت مش عارف اعمل ايه فى العربية دى حظى فيها مش حلو نهائى :fdsa:

بعد اما غيرت علبة الدركسيون والطنابير باردو ظهرت مشكلة تانية او مشكلتين
اول مشكلة قطمة الدركسيون عايزه تتغير او تتربط مع ان التوكيل ربطها قبل كده وباردو مافيش فايده الحكاية دى بتخليلى الدركسيون بيلق
تانى مشكلة الدركسيون بيهرب منى فى المطباط والشوارع المكسرة شوية ماببقاش عارف اتحكم فى العربية
تالت حاجة ودى من داخل العربية التابلو بيتهز بطريقة غريبة وفى اخف المطباط يعنى بيشخلل

قلولى اعمل ايه انا عارف لو روحت التوكيل من الصعب انهم يحسو بالمشاكل دى او يكتشفوها
طيب هل فى المصنع فى 6 اكتوبر ممكن العربية تتحط على اجهزة معينة ويبان العيوب دى منين

---

معلش ممكن تقولنا انت عامل كام علي عداد العربيه والموديل وسؤال تاني مهم انت دي اول عربيه تركبها ولا كنت راكب قبل كده وايه الانواع اللي ركبتها اصل انت حساس جدا ويتحس بكل حاجه اللي عاوز اوصلهولك ان الكمال لله وحده ومفيش عربيه مش فيها ملا حظات بس بيبقي فيه في المقابل مميزات اخري وروح توكيل السبع وان شاء الله كل الامور هتتحل وابقي طمنا

اقتباس:

---

المشاركة الأصلية كتبت بواسطة alhamza

معلش ممكن تقولنا انت عامل كام علي عداد العربيه والموديل وسؤال تاني مهم انت دي اول عربيه تركبها ولا كنت راكب قبل كده وايه الانواع اللي ركبتها اصل انت حساس جدا ويتحس بكل حاجه اللي عاوز اوصلهولك ان الكمال لله وحده ومفيش عربيه مش فيها ملا حظات بس بيبقي فيه في المقابل مميزات اخري وروح توكيل السبع وان شاء الله كل الامور هتتحل وابقي طمنا

---

حقيقى انت زى ماقلت انا حساس جداً وفى الامور دى بالذات بدليل انى حسيت ان علبة الدركسيون بايظة وفعلا اتغيرت
انا ركبت قبل دى مازدا 323 موديل 83 وركبت لانسر بومة 2007
العداد عامل 7200 تقريباً
المشكلة انا لو روحت التوكيل مش هايحسو بالعيوب دى رغم انها عيوب فعلاً وانا متأكد 100%
مع احترامى لتوكيل السبع همه ناس ممتازين طبعاً ومقصروش معايا نهائى
طبعاً فى مميزات فى المقابل وسع العربية تكييف محترم اوبشن جميل قوة موتور
بس اغلس حاجه انك ماتكونش عارف تتحكم فى الدركسيون بالقدر الكافى ومابيكونش متجاوب معاك فى بعض الظروف والاسوء من كده مابكونش مأامن للعربية طبيعى لأنى مش مأامن للدركسيون

اقتباس:

---

المشاركة الأصلية كتبت بواسطة karaktar

حقيقى انت زى ماقلت انا حساس جداً وفى الامور دى بالذات بدليل انى حسيت ان علبة الدركسيون بايظة وفعلا اتغيرت
انا ركبت قبل دى مازدا 323 موديل 83 وركبت لانسر بومة 2007
العداد عامل 7200 تقريباً
المشكلة انا لو روحت التوكيل مش هايحسو بالعيوب دى رغم انها عيوب فعلاً وانا متأكد 100%
مع احترامى لتوكيل السبع همه ناس ممتازين طبعاً ومقصروش معايا نهائى
طبعاً فى مميزات فى المقابل وسع العربية تكييف محترم اوبشن جميل قوة موتور
بس اغلس حاجه انك ماتكونش عارف تتحكم فى الدركسيون بالقدر الكافى ومابيكونش متجاوب معاك فى بعض الظروف والاسوء من كده مابكونش مأامن للعربية طبيعى لأنى مش مأامن للدركسيون

---

قدر الله وماشاء فعل.
كنت عايز أسألك على الدركسيون إلي بيلؤ دي بتحسها في المطبات ؟ يعني بتحس إن من جوا بيلعب ؟ وإيه حلها ؟

اقتباس:

---

المشاركة الأصلية كتبت بواسطة tata12001

قدر الله وماشاء فعل.
كنت عايز أسألك على الدركسيون إلي بيلؤ دي بتحسها في المطبات ؟ يعني بتحس إن من جوا بيلعب ؟ وإيه حلها ؟

---

زى اما قال لى المهندس حاتم دية قطمة دركسيون
انا مستنى اى فرصة اروح التوكيل واشوف ايه حلها
طبعاً بحس الموضوع ده فى المطبات والشوارع المكسرة على خفيف وبتكون مسموعة كمان

اقتباس:

---

المشاركة الأصلية كتبت بواسطة karaktar

زى اما قال لى المهندس حاتم دية قطمة دركسيون
انا مستنى اى فرصة اروح التوكيل واشوف ايه حلها
طبعاً بحس الموضوع ده فى المطبات والشوارع المكسرة على خفيف وبتكون مسموعة كمان

---

انا خايف ان الحاجات دي تكون في كل العربيات زي بالظبط موضوع صوت الكاوتش في الفرامل ربنايستر

اقتباس:

---

المشاركة الأصلية كتبت بواسطة karaktar

زى اما قال لى المهندس حاتم دية قطمة دركسيون
انا مستنى اى فرصة اروح التوكيل واشوف ايه حلها
طبعاً بحس الموضوع ده فى المطبات والشوارع المكسرة على خفيف وبتكون مسموعة كمان

---

طب أؤلك حاجة، لو حتروح للتوكيل كلمني لأني شكك إن عندي حوار ذي كدة. فلو حتروح ألي إن شاء الله نروح مع بعض.
لو حجزت في يوم كلمني قولي وإن شاء الله أكلمهم احجز

اقتباس:

---

المشاركة الأصلية كتبت بواسطة tata12001

طب أؤلك حاجة، لو حتروح للتوكيل كلمني لأني شكك إن عندي حوار ذي كدة. فلو حتروح ألي إن شاء الله نروح مع بعض.
لو حجزت في يوم كلمني قولي وإن شاء الله أكلمهم احجز

---

خلاص إن شاء الله احاول ارتب يوم وهاقولك قبلها ونروح مع بعض إن شاء الله

اقتباس:

---

المشاركة الأصلية كتبت بواسطة alhamza

انا خايف ان الحاجات دي تكون في كل العربيات زي بالظبط موضوع صوت الكاوتش في الفرامل ربنايستر

---

ياريت توضحلى اكتر ايه صوت الكاوتش فى الفرامل

هو باور التيدا كهرباء ؟

اقتباس:

---

المشاركة الأصلية كتبت بواسطة Sharky

هو باور التيدا كهرباء ؟

---

ايون كهرباء

اقتباس:

---

المشاركة الأصلية كتبت بواسطة karaktar

ياريت توضحلى اكتر ايه صوت الكاوتش فى الفرامل

---

ده لنك بتاع موضوع صوت الكاوتش مع الملفات والفرامل

http://www.nilemotors.net/Nile/84543-a.html

اقتباس:

---

المشاركة الأصلية كتبت بواسطة alhamza

ده لنك بتاع موضوع صوت الكاوتش مع الملفات والفرامل

http://www.nilemotors.net/nile/84543-a.html

---

تمام الصوت ده بيحصل عندى وسألت العامل الفنى فى التوكيل وجربها قاللى ده ( اى بى اس )

تحس ان بدال الفرامل هايتكسر تحت رجلك

شوف حضرتك البارات سليمة و لا لأ

و خلى بالك ان باور الكهرباء بيبقى حساس قوى فى الشوارع المكسرة

اقتباس:

---

المشاركة الأصلية كتبت بواسطة sharky

شوف حضرتك البارات سليمة و لا لأ

و خلى بالك ان باور الكهرباء بيبقى حساس قوى فى الشوارع المكسرة

---

تمام انا هاكشف عليها فى التوكيل

كلام استاذ كراكتر صحييييح 100 % عشان انا بحس بنفس اللي بيحس بيه بالظبط وروحت التوكيل قالي غير الكاوتش هوا فعلا عاوز يتغير بس مش هيا دي المشكله الرئيسيه اللي بتخليها تشخلل . انا قولت في حاجه من جوه هيا اللي مش مظبوطه . ربط العفشه اتحسنت الحمد لله بس لسه بتشخلل . الشخلله دي بقي جاياه من التابلوه ضربت بايدي التابوه من فوق الفتيش كدا و العربيه واقفه لقيته فعلا هوا دا الصوت اللي انا بسمعه .
وبالنسبه لمشكله قطمه الدريكسيون فا دي حصلتلي من فتره قريبه والتوكيل قاللي هيغيرها في حدود 2500 كتييييييييير اوي + اني عاوز اغير كاوتشات يبقي هتتكلف 5000
فا روحت لميكانيكي هيلحملي القطمه دي وابقي اغير كاوتشات كمان فتره

لو هتروحوا التوكيل قولولي عشان التوكيل ماكنش مصدقني ان فيه مشكله

موبايلي 0115152722 احمد عصام
شكرا ياريت عشان انا مخنوق من الكلام دا :d

والله يا كيمو انا مش عارف اي الي بيحصل في عربيتك ده والله انا قفلت 41000 في سنه و 3 شهور ولا ايه حاجه من الي بتقول عليها خالص الحمد لله بس انت اكيد يا كيمو بخلت علي العربيه ومدبحتلهاش او دبحت واكلت لوحدك ومقولتش لبتونع النيل موتورز اصحابك بس انت ادبح وسمي عليها وانشاء الله الماشكل كلها هتروح بس هي علشن التبلوه بتعها من اكتر من 6 قطع علشان كده بيعمل صوت لكن صوت الدركسيون ده اساسا ميزه مش عيب علشسان العربيه لما لقدر الله تعمل حدسه عمود الدركسيون مينكسرش وتصبح العربيه خارج السيطره علشان كده في قطمه الدركسيون ودور عليها في اي منتدي تاني يعم لو مش مصدقني

اقتباس:

---

المشاركة الأصلية كتبت بواسطة tiida_mohamed

والله يا كيمو انا مش عارف اي الي بيحصل في عربيتك ده والله انا قفلت 41000 في سنه و 3 شهور ولا ايه حاجه من الي بتقول عليها خالص الحمد لله بس انت اكيد يا كيمو بخلت علي العربيه ومدبحتلهاش او دبحت واكلت لوحدك ومقولتش لبتونع النيل موتورز اصحابك بس انت ادبح وسمي عليها وانشاء الله الماشكل كلها هتروح بس هي علشن التبلوه بتعها من اكتر من 6 قطع علشان كده بيعمل صوت لكن صوت الدركسيون ده اساسا ميزه مش عيب علشسان العربيه لما لقدر الله تعمل حدسه عمود الدركسيون مينكسرش وتصبح العربيه خارج السيطره علشان كده في قطمه الدركسيون ودور عليها في اي منتدي تاني يعم لو مش مصدقني

---

بجد انت واحشنى جداً فينك من زمان حقيقى ده انا فرحت اما لقيتك رديت عليا

انا وديت العربية مركز صيانة تانى غير السبع ( انا بكلمك الان وهيه هناك فى المركز ) شرحتلهم اللى بيحصل
المهم همه هايكشفو على القطمة كويس لو بايظة هاتتغير
تانى حاجه بالنسبة اما الدركسيون بيهرب منى جامد فى المطبات قولتلهم يشوفولى حل
موضوع التابلو قاللى مانصحكش انك تفكو وتركبو تانى مش هايرجع زى الاول بس هوة هايربطهولى
انا عامل بالعربية 8000 كم قاللى التيل عايز يتغير ب 370ج
ايه رأيك فى الكلام ده؟؟

اقتباس:

---

المشاركة الأصلية كتبت بواسطة karaktar

انا عامل بالعربية 8000 كم قاللى التيل عايز يتغير ب 370ج
ايه رأيك فى الكلام ده؟؟

---

ازاي تيل فرامل يتغير عند ٨٠٠٠ ؟!!!!!!!!!!!!!!!!!!!!!!!!!!:majd(4): إستحالة د كدة لازم يتغير في الضمان د لو عايز يتغير لئن العادي الالتيل بيؤعد ٢٠٬٠٠٠ على الأقل لو الإستخدام كتير والمتوسط ٣٠٬٠٠٠ ألف

اقتباس:

---

المشاركة الأصلية كتبت بواسطة karaktar

بجد انت واحشنى جداً فينك من زمان حقيقى ده انا فرحت اما لقيتك رديت عليا

انا وديت العربية مركز صيانة تانى غير السبع ( انا بكلمك الان وهيه هناك فى المركز ) شرحتلهم اللى بيحصل
المهم همه هايكشفو على القطمة كويس لو بايظة هاتتغير
تانى حاجه بالنسبة اما الدركسيون بيهرب منى جامد فى المطبات قولتلهم يشوفولى حل
موضوع التابلو قاللى مانصحكش انك تفكو وتركبو تانى مش هايرجع زى الاول بس هوة هايربطهولى
انا عامل بالعربية 8000 كم قاللى التيل عايز يتغير ب 370ج
ايه رأيك فى الكلام ده؟؟

---

الشغل والله هو الي بيخليني مش بخش خالص بس الحمد لله انا في اجازه دلوقتي

انا مغير التيل في صيانه 25000 انا مش بستعمل التيل كتير هتستغرب علي الرغم اني عامل كيلومترات كتير بس انا بهدي shift down مش بالفرامل كده اامن واحسن للعربيه لكن واحد صحبي كان مغير التيل في التيدا 2007 بعد اول عشره تقريبا بس هو كان عنده مشكله في الطنابير وبعد كده غيرو الطنابير علي الضمان والتيل علي حسابه

وبالنسبه للتوكيلات هنا في مصرنا الحبيبه زي الزفت انا اتعملت مع ينايتد جروب ومودرن موتورز انا بشوف ان ينايتد جروب احسنهم جرب معاهم وخش لللمهندس عمرو واحيكلو مشكلتك وانشاء الله تكون بسيطه وتتحل ومش عايزك تقفش من العربيه قوي كده يعني ملقوش في الورد عيب قلولو ياحمر الخدين (علي رائ جدتي ربنا يديها الصحه)

اقتباس:

---

المشاركة الأصلية كتبت بواسطة tata12001

ازاي تيل فرامل يتغير عند ٨٠٠٠ ؟!!!!!!!!!!!!!!!!!!!!!!!!!!:majd(4): إستحالة د كدة لازم يتغير في الضمان د لو عايز يتغير لئن العادي الالتيل بيؤعد ٢٠٬٠٠٠ على الأقل لو الإستخدام كتير والمتوسط ٣٠٬٠٠٠ ألف

---

متخبطش في دماغك دماغك غليا علينا والله:shyy::shyy::shyy::shyy::shyy::shyy::shy y::shyy::shyy::shyy::shyy:]


مانتا عارف توكيلات مصر كده المستخدم ديما هو الي غلط

اقتباس:

---

المشاركة الأصلية كتبت بواسطة tiida_mohamed

متخبطش في دماغك دماغك غليا علينا والله:shyy::shyy::shyy::shyy::shyy::shyy::shy y::shyy::shyy::shyy::shyy:]


مانتا عارف توكيلات مصر كده المستخدم ديما هو الي غلط

---

ياباشا الله يخليك، بس الواحد بيسمع حاجات تخليه يتنرفز ، بجد مفيش ضمير اى ٨٠٠٠ دي إلي أغير عندها تيل ومشاء الله العربية زيرو مش مستعملة. هو أي تلاكيك وأي عيوب عايزين يطلعوها!! لو مش عرف اوول بس مش كدة

بصراحة انا غيرت التيل هوه بأه افضل من الاول حقيقى وكمان كن بيزيق كتير فى الاول
متهايألى اما غيرته كده افضل
تانى حاجه انا استلمت العربية من الصيانه فيها تحسن بسيط بس نفس العيوب موجودة
بصراحة انا احترت فى العربية دى وفوضت امرى لله
يااما اديها لأخويا ياأما ابيعها واجيب كيا كارينز او سيراتو
بس بينى وبينكم انا مكسوف ابيعها الناس هاتتريق ويقولو ده محدث نعمة ده لسه جايب العربية من كام شهر وغيرها وهمه مايعرفوش اللى فيها

غريبة اوى يا كريم حكاية التيل دى

انا لسه ماغيرتوش الى الان و العربيه داخله على 54 الف فى سنتين
"استهلاكى معظمه طرق سفر"
بس حتى لو جوه البلد مش لدرجه 8000

حقيقى انا غلبت فى العربية دى
مش لاقيلها حل خلاص اتخنقت
جبت اخرى منها هوه انا جايب عربية عشان تريحنى ولا اتعب التعب ده كله
انا قربت اخلص من العربية دى بأى طريقة
وشكلى كده هاقول( وداعاً تيدا ) على نفس طريقة المهندس سبعاوى
ارمى نيسان ورا ظهرى واطوى الصفحة الكئيبة دى بالنسبالى
هابقى ازوركم فى القسم ده من وقت للتانى بس بعد اما اطلب من الادارة مسح كل مشاركاتى فى التيدا عشان مافتكرش الذى مضى
اه وعلى فكرة إذا فكرت اجيب عربية جديده مش هاختار بنفسى المكان الى هاجيب منه هاخلى حد تانى يختارلى عشان انا حاسس ان كل اختياراتى غير موفقة
وكل عام وانتم بخير

اقتباس:

---

المشاركة الأصلية كتبت بواسطة karaktar

حقيقى انا غلبت فى العربية دى
مش لاقيلها حل خلاص اتخنقت
جبت اخرى منها هوه انا جايب عربية عشان تريحنى ولا اتعب التعب ده كله
انا قربت اخلص من العربية دى بأى طريقة
وشكلى كده هاقول( وداعاً تيدا ) على نفس طريقة المهندس سبعاوى
ارمى نيسان ورا ظهرى واطوى الصفحة الكئيبة دى بالنسبالى
هابقى ازوركم فى القسم ده من وقت للتانى بس بعد اما اطلب من الادارة مسح كل مشاركاتى فى التيدا عشان مافتكرش الذى مضى
اه وعلى فكرة إذا فكرت اجيب عربية جديده مش هاختار بنفسى المكان الى هاجيب منه هاخلى حد تانى يختارلى عشان انا حاسس ان كل اختياراتى غير موفقة
وكل عام وانتم بخير

---

إن فاتك الياباني مش حيرجع تاني:colsmil::E_braces[1]::C_laugh[1]::C_laugh[1]::C_laugh[1]::C_laugh[1]:

على فكرة التيدا عيبها الاول فى التيل لانة بينزل وحش فعلا وصاحبى غيرة بعد 12 الف كيلو بس ,وسواقتة مجنونة بس الاغلب هادى
والتيل كان بيصفر معاة ,وفعلا عندة موضوع التزييق دة اول لما ركب التيل الجديد ,وتيجى تحط رجلك على الفرامل تلاقى صوت غريب طالع من الفرامل ,دة غير ان العربية بعد اول 6 شهور اللمض الاستوب اتحرقت ومافضلش غير بس نور الاستوب بتاع الاسبولير اللى موجود فى صالون العربية
*العربية بقت بتتهز مع المطبات عكس الاول ,مع انها لسة مكملة سنة ونص بس ,وكان كاوتش المقصات والحاجات دية بدأ يتاكل
مش انت لوحدك ياباشا

اقتباس:

---

المشاركة الأصلية كتبت بواسطة semsem kane

على فكرة التيدا عيبها الاول فى التيل لانة بينزل وحش فعلا وصاحبى غيرة بعد 12 الف كيلو بس ,وسواقتة مجنونة بس الاغلب هادى
والتيل كان بيصفر معاة ,وفعلا عندة موضوع التزييق دة اول لما ركب التيل الجديد ,وتيجى تحط رجلك على الفرامل تلاقى صوت غريب طالع من الفرامل ,دة غير ان العربية بعد اول 6 شهور اللمض الاستوب اتحرقت ومافضلش غير بس نور الاستوب بتاع الاسبولير اللى موجود فى صالون العربية
*العربية بقت بتتهز مع المطبات عكس الاول ,مع انها لسة مكملة سنة ونص بس ,وكان كاوتش المقصات والحاجات دية بدأ يتاكل
مش انت لوحدك ياباشا

---

بصراحه كان الله فى العون
بس "مش دفاعا عن العربيه"
انا و معى فى العمل 3 اشخاص و لم يشتكوا ممن اشتكيتم
و اللى غير التيل بدرى غيره على 35 الف و كان لسه شغال
كان الله فى عونكم

اقتباس:

---

المشاركة الأصلية كتبت بواسطة tata12001

إن فاتك الياباني مش حيرجع تاني:colsmil::e_braces[1]::c_laugh[1]::c_laugh[1]::c_laugh[1]::c_laugh[1]:

---

يغور اليبانى وسنينو لو اليبانى بالقرف ده

اقتباس:

---

المشاركة الأصلية كتبت بواسطة karaktar

يغور اليبانى وسنينو لو اليبانى بالقرف ده

---

ممكن اقولك حاجه بس متزعلش مني بيع العربيه لكن لو سمحت كفايه كلام عليها علشان اللي انت معتقد انه عيب غيرك مش معتقده او مش حاسس بيه اصلا علشان كده انت ممكن تخللي الناس دي تكره العربيه وتبتدي توسوس منها وميتمتعوش بيها فكفايه كلام وحش لو سمحت وربنا يباركلك فيها او في غير ها ونحمد ربنا علي النعمه
علشان يزيدنا

اقتباس:

---

المشاركة الأصلية كتبت بواسطة alhamza

ممكن اقولك حاجه بس متزعلش مني بيع العربيه لكن لو سمحت كفايه كلام عليها علشان اللي انت معتقد انه عيب غيرك مش معتقده او مش حاسس بيه اصلا علشان كده انت ممكن تخللي الناس دي تكره العربيه وتبتدي توسوس منها وميتمتعوش بيها فكفايه كلام وحش لو سمحت وربنا يباركلك فيها او في غير ها ونحمد ربنا علي النعمه
علشان يزيدنا

---

كفاية كلام وحش؟!!انت محسسنى انى بقول كلام قبيح حقيقى انا مستغرب من طريقة الكلام دى .
لعلمك بأه مش معنى انى بتكلم واشتكى من العربية يبقى العربية تعبانه بالعكس العربية دى محترمة ومش اى حد يجيبها من الاخر
متهايألى بأه ان المنتدى هنا مبنى على اساس ان الكل يخدم بعض واى حد عندو مشكلة يطرحها وبإذن الله يلاقى مساعدة من الاعضاء

انت لو متابعنى من الاول او متابع قسم نيسان من فترة مكنتش قولت الكلام ده بدليل ان مفيش حد غيرك قال زى مانت قولت لأن اعضاء نيسان عارفين مين كراكتر وانى مبفكرش بالطريقة السيئة دى مش انا اللى اكّره الناس فى عربية وخاصة بأه لو كانت عربيتى أنا متهايألى متتعقلش بالمرّة
انا شاكر وحامد ربنا على نعمته والحمد لله وبقول بينى وبين نفسى احمد ربنا انك عندك عربية اساساً فى غيرك كتير يتمنو لو يكون عندهم ربعها فلله الحمد من قبل ومن بعد
عامة انا مش زعلان منك انا بس بوضحلك الامور مش اكتر

معلش يا استاذ كاراكتر انا حاسس بيك

ممكن تبقى راكب أحسن عربيه فى الدنيا

بس متبقاش متأقلم معاها أو يكون حظك وحش فيها

مش عيب فى العربيه عموما

ولو فضل الحال على كدا أنصحك بالتغيير

وربنا معاك ويوفقك للصالح

مجرد تخمين : هو حضرتك مش عارف تتعود على ابعاد العربية ؟؟
هي بصراحة ابعادها غريبة و المريات بتاعتها غريبة برضه ..
و عربيات كتير ماشية بtrend التصميم الغريب دا زي الياريس .. اللي مش باين لها اول من اخر
ربنا يوفق

اقتباس:

---

المشاركة الأصلية كتبت بواسطة hosam_optrawy

معلش يا استاذ كاراكتر انا حاسس بيك

ممكن تبقى راكب أحسن عربيه فى الدنيا

بس متبقاش متأقلم معاها أو يكون حظك وحش فيها

مش عيب فى العربيه عموما

ولو فضل الحال على كدا أنصحك بالتغيير

وربنا معاك ويوفقك للصالح

---

الله يكرمك يااستاذ حسام
بصراحة انا هاستنفذ جميع محاولاتى للتغلب على المشاكل دى واما اجيب اخرى خالص هاضطر للتغيير

وربنا يجيب اللى فيه الخير

اقتباس:

---

المشاركة الأصلية كتبت بواسطة successcre8or

مجرد تخمين : هو حضرتك مش عارف تتعود على ابعاد العربية ؟؟
هي بصراحة ابعادها غريبة و المريات بتاعتها غريبة برضه ..
و عربيات كتير ماشية بtrend التصميم الغريب دا زي الياريس .. اللي مش باين لها اول من اخر
ربنا يوفق

---

حقيقى وبجد ده من ضمن الحاجات اللى قرفانى فى العربية
بصراحة حضرتك بتفكر صح

التيدا من مميزاتها وصعب تلاقيها فى اى عربية دلوقتى هى مساحتها الداخلية واسعة وكبيرة ,وشكل 2009 اوحش من شكل 2007و2008 ,وعادى كل العربيات كدة كل الصناعة بقت واحدة ,
يعنى انهاردة لقيت سيارة هيونداى ماتريكس شكلها لسة جديد ماكملتش مثلا سنة وواقفة عطلانة على اول نفق الازهر ,طيب دية بعد كام سنة هاتعمل اية
فعادى ماتزعلش وان شاء الله خير وكلها عيوب ممكن انك تعديها

اقتباس:

---

المشاركة الأصلية كتبت بواسطة semsem kane

التيدا من مميزاتها وصعب تلاقيها فى اى عربية دلوقتى هى مساحتها الداخلية واسعة وكبيرة ,وشكل 2009 اوحش من شكل 2007و2008 ,وعادى كل العربيات كدة كل الصناعة بقت واحدة ,
يعنى انهاردة لقيت سيارة هيونداى ماتريكس شكلها لسة جديد ماكملتش مثلا سنة وواقفة عطلانة على اول نفق الازهر ,طيب دية بعد كام سنة هاتعمل اية
فعادى ماتزعلش وان شاء الله خير وكلها عيوب ممكن انك تعديها

---

والله بحاول اصبر نفسى واقول ده فى ناس مصايبهم اكتر وبقول الحمد لله

يجماعه ايه الي وصل الموضوع للدرجه دي لو بجد يا استاز كريم حاسس ان العربيه مش مريحاك فانت لازم تبعها علشان لازم يكون الواحد مرتاح جو العربيه الي هو ركبها


" love ur ride to ride ur love "


دي نظريتي من اول مركبت عربيات وبعدين العربيه مش فيها عيوب مميته ولا مستحيله بيقلل من العربيه التيدا حققت اعلي مبيعات لشركه نيسان في العالم وربنا يوفقك وبلاش تتقل علي نفسك قوي كده وانشاء الله ربنا يقدم الي فيه الخير

ان شاء الله هاصبر وربنا هايعوضنى خير بإذن الله