ارجو سرعه الرد

**khaloud** · 23-08-2009 08:28 PM

السلام عليكم
انا يا جماعه عايز اشترى عربيه لانسر موديل2001 او 2002(مكوه) وعايز اعرف يا جماعه ايه عيوب العربيه دى وايه مميزاتها انا سمعت ان سحبها وحش ومكنتها ضاعيفه لانها 1300سى سى وايه العربيه الكويسه بنفس سعر الانسر مكوه ارجوه يا جماعه الافاده ضرورى وانا اسف على الاطاله

**re3ooo** · 24-08-2009 04:34 AM

يارجل ضعيفة اية اساسا الانسر كرستالة الي هية اقدم منها و1300 سحبها جامد جدا يبقا المكوة الاجدد منها سحبها وحش بالعكس دية جميلة جدا

**khaloud** · 24-08-2009 06:06 AM

يا باشا شكرا على الرد انا بس بتاكد لانى انا اهم حاجه عندى فى العربيه المكنه بتاعتها علشان انا كان معايا بيحو 504 وانته عارف انها 2000سى سى فا بس كنت بحب اتاكد ولو فيها رزاله يعنى ممكن تقولى ايه عيوبها ومميزاتها وشكرا

**Ahmed Samy** · 24-08-2009 07:30 AM

المنكنة كويسة بس و بتجري
بس افهم انها 1300 و العربية مش خفيفة

السحب مش بتاع شد (ما تحاولش تشد مع حد بيها)

بتوصل لسرعة 140 -150 عادي

انما الحفاظ على 160 صعب

من مزايا العربية

صالون كويس

شنطة واسعة مع امكانية طي الكنب

ارتفاع العربية كويس جدا

ثبات كويس قوي برضه

قطع غيار متوفرة و صياتة سهلة

عيبها ان بنزينها كتير شوية لأنها كاربيراتير.

**khaloud** · 24-08-2009 07:48 AM

انا بشكر حضرتك على المعلومات دى وكنت عايز اعرف ازا كان سعرها متقارب مع لانسر 2004 وهل هيه احسن ولا لانسر 2004 بس انتى زعلتنى كده اصل انا بحب الشد بالعربيه كتير بس لو فيه حاجه بنفس سعرها وتكون كويسه اروجو الافاده
ويا جماعه انا عابز اشوف ردودكم الحلوه دا اول موضوع ليه فى المنتدى وان شاء الله مش هيكون الاخير والى مجرب يجد العربيه المكوه يقولى رايه ورمضان كريم

**khaloud** · 24-08-2009 01:48 PM

يا جماعه 20 واحد دخلو ومفيش غير عضوين بس هما الى اتكرمو وردو عليا انا كنت بحسب ان هلاقى تفاعل اكتر من كده يا جماعه انا عايز ارائكم فى العربيه دى لانها بجد عجبانى وان شاء الله ناوى اشتنريها بس تشاوركم فى الاراء هوه الى هيوصلنى للاحسن وشكرا

**أبو_حمزة** · 24-08-2009 02:18 PM

لو قارنت مع بيجو 2000 سى سى يبقى اكيد ها تحس ان السحب ضعيف
لكن باعتبار انها 1300 اكيد السحب مقبول جدا
معايا لانسر 99 اتوماتيك و سافرت العين السخنة اكتر من مرة على سرعة ثابتة بين 170 و 180 و الثبات ممتاز والحمد لله
اما عن استهلاك البنزين فجيد جدا بدون تكييف و فى السفر ممتاز لو حافظت على سرعة فى حدود ال100 مش اكتر

**mohamedway** · 24-08-2009 03:18 PM

يا راجل انت راكب بيجو 504 2000 سى سى و العربية ده من زمان و حتى الآن لو حالتها حلوة أسطورة الجرى فى مصر و كمان فى إعتماديتها و قوة تحملها (وشوفها شغالة تاكسى و بالنفر بين المحافظات ازاى) يبقى لما تحب تغير و تركب جديد إوعى تركب 1300 ولا حتى 1500 و يادوب 1600 عشان متتخنقش من العربيه بس للأسف عشان تلاقى ال1600 متوفر فى المستعمل لازم ما تقلش عن موديل 2005 (بداية تعديل التعريفة الجمركيه على ال1600).

**temokemo** · 24-08-2009 04:15 PM

العربية دية كويسة والدليل علي كدة ان المعروض للبيع قليل ومن النادر لما تلقي حد عايز يباع ولو لقيت حاجة كويسة تلاقية عايز فيها مبلغ عالي انا قدامي عربية لانسر 2002 وانشا الله هاخلص فيها وربنا يسهل الحال واعرف اتفاهم مع صاحبها

**khaloud** · 24-08-2009 08:28 PM

انا يشكركم يا جماعه على رودودكم الحلوه دى ومشاركتكم معايا وانا فعلا زى ما قال الاستاذ محمد العربيه الى معايا 2000سى سى فعلشان كدا انا بتاكد اوى منها وبعدين انا سمعت ان فيه منها 1600 سى سى خليجى لو حد يا جماعه يكون عارف اجيبها منين اكون شاكر ويعدين ميزه العربيه دى ان هيه اجمد انواع الانسر فى نشوفيتها وعليه عن اللارض فعلشان كده عجبانى وكمان شكلها عاجبنى انا بس كنت عايز اسال حضرتك معاك لانسر 99 كنت ماشى بيها 170 180 وكنت لوحك ولا معاك حموله فى العربيه وارجو من الاستاذ تيمو لما ربنا يكرمه ويخلص فى العربيه بتاعته يبقى يقولى ايه اخبارها وعامله ايه وخلصها على كام ويا ريت يا جماعه لو الا حد معاه العربيه دى او سقها عن تجربه يقولى رايه وانا اسف انى طولت عليكو ورمضان كريم