هل تصاب بحالة (تتييس ما بعد الافطار)؟

**amr.elsayed** · 24-08-2009 03:44 AM

بحس ان انا مهنج وعايز حد يعملى ريفريش بس استحالة انام
بس بعد شوية شاى وشوية قهوة الحياة بتبقى فى اللذيذ
وكل سنة وانتم طيبين ورمضان كريم

**magyver** · 24-08-2009 05:19 AM

دة اانا باكل من هنا واحس اني اتقل وااحد في الدنيا كلها
والدنيا باايظة عندي خاالص

**dr.nemo** · 24-08-2009 06:13 AM

المشاركة الأصلية كتبت بواسطة micromoud

باشا
كل سنه وحضرتك طيب
اللى بيحصل ان معدتك بتكون فاضيه طول النهار ومره واحده بتملاها
فالطبيعى ان المعده موش هتهضم الاكل دا بالكفاءه المطلوبه فهتحس بخمول وتعب وارهاق

فالصح ان لما تيجى تفطر وقت الاذان تاكل حاجه فيها سكريات زى التمر مثلا وبعد كدا تشرب حاجه فيها سكر وتنزل تصلى مع حركتك فى الصلاه هتلاقى ان جسمك نشاطه زاد نتيجه للسكر اللى انت امديته بيه يبقى كدا الاستفاده فى انك امديت جسمك بالطاقه شغلت معدتك ونشطتها بعمليهه هضم بسيطه فطرت عالسنه واخدت الاجر والثواب ان شاء الله ودلوقتى بعد ما تخصل الصلاه سمى الله وكل وما تتقلش اوى عشان تقدر تصلى العشا والتراويح
وكل سنه وانتوا طيبين

انا بعمل كده علطول والحمد لله مش بحس باي رغبة في النوم
وبسهر للشروق وانام للظهر فمبحسش باي جوع او عطش طوال اليوم

**AhMeD EzZ** · 24-08-2009 07:06 AM

meeeee to
انا باكل بحس اني تقييييييل جدااااااا
بس بجي علي نفسي و انزل اصلي التراويح و بعديها اخرج مع اصحابي علي اي كافية و ارجع افضل ع النت للصبح

**Terrible_DaRsH** · 24-08-2009 09:33 AM

امبارح كان الفطار عند جدتى , من كتر التعب بتاع الفطار رحت نـــايــم هناك و صحيت الساعة واحدة روحت و نمت فى بيتنا و لسه صاحى :) .

بجد الموضوع ده مضيعنى خالص . كل يوم اكل و اناااااااام و انا بطبيعتى بحب النوم اصلا يعنى العملية باظة خالص :) .

**shady_hamdy** · 24-08-2009 10:06 AM

دة طبيعى لان الدم بيتجة للمعدة فبيقل من المخ فبتحس بتوهان و تتنيح

**احمدعبدالعزيز** · 24-08-2009 12:37 PM

انا بقا بكل حاجه بسيطه وبعدين بعد الترويح اطلع اعيش فى المطبخ

**bassem.naguib** · 24-08-2009 03:17 PM

كلمة تتييس دي قليلة .. انا بحس أني مغلف في كيس نايلون كبير .. معزول صوت وصورة .. وكله كوم .. وبعد أول سيجارة كمان كوم تاني .. أجارك الله أكنك لسه فايق من بنج

**Karim_Monir** · 24-08-2009 03:37 PM

طب حد جرب يفطر على تمر بس
انا لما كنت بفطر على تمر بس حوالي 7 حبات او 10 او كوباية ميه بعسل ابيض
ومعروف علميا ان العسل الابيض المذاب في الماء(شراب العسل) والتمر الطرى هما اسرع السكريات امتصاصا من المعدة
وبعد كدة بنص ساعة تاكل اكلتك الطبيعية
وايام الاعتكاف كانو الشيوخ بينصحونا نفطر تمر فقط وبعد صلاة العشاء والتروايح نفطر الاكل التمام ونطلع ننام لغاية التهجد
بجد كان احلى وقت اقدر اصلي فيه وانا خفيف ومعدتش مش تاعباني وفي منتهي التركيز والخشوع
لكن لما بضرب عند والدتي او حماتي
بتحول لتمثال شمعي مش قادر يهش الواد بيدو الرخم لما يجي يغتت عليا

**أحمد كمال** · 24-08-2009 03:43 PM

المشاركة الأصلية كتبت بواسطة karim_monir

بتحول لتمثال شمعي مش قادر يهش الواد بيدو الرخم لما يجي يغتت عليا

هههههههههه

مرة من كام سنة بنت اختي مسكتني و هاتك يا تلطيش بالاقلام (كان عندها سنتين)

الموضوع: هل تصاب بحالة (تتييس ما بعد الافطار)؟

LinkBack

أدوات الموضوع

عرض

-

-

-

-

-

-

-

المواضيع المتشابهه

فين الافطار يا كياوية

نهال عنبر تصاب بانفلونزا الخنازير

فتاه تصاب بالايدز من الشات

الكلمات الدلالية لهذا الموضوع

المفضلات

المفضلات

ضوابط المشاركة