انا بعد الفطار باتيس !!!
لسه صاحي دلوقتي حالا من نوم عميق جدا
حد بيحصل له كده؟ و ليه و ايه الحل؟
مع العلم اني مش باتقل في الفطار خالص (النهاردة مثلا طبق ملوخية و ربع فرخة مشوية و رغيفين عيش) ..... و دي اكلتي الطبيعية في رمضان او غيره
عرض للطباعة
انا بعد الفطار باتيس !!!
لسه صاحي دلوقتي حالا من نوم عميق جدا
حد بيحصل له كده؟ و ليه و ايه الحل؟
مع العلم اني مش باتقل في الفطار خالص (النهاردة مثلا طبق ملوخية و ربع فرخة مشوية و رغيفين عيش) ..... و دي اكلتي الطبيعية في رمضان او غيره
انا باكل خفيف جدا بعد الفطار....اصلى وبعد كدة انزل الجيم..وارجع بقا اكل عادى
ياااااه زيي بالزبط .. !!
أول ما فطرت حسيت إن انا عايز أفرد ضهري كدة .. أول ما قعدت عالسرير نمت .. مع إني مش صاحي بدري أوي و مش من عادتي أنام مرتين في اليوم
لأ انا ممكن انام ساعة واحدة قبل الفطار
وبعد مااكل ( مش كتير خالص )
بحس بنشاط غير عادى
هههههههههههههههههههههههه
كل ده ومش بتقل في الفطار ماشاء الله ماشاء اللهاقتباس:
المشاركة الأصلية كتبت بواسطة أحمد كمال
على فكرة الوجبة دي تعتبر عادية في غير الصيام لكن في الصيام تعتبر وجبة تقيلة عل المعدة
اعتقد التفسير ان المعده تكون مريحة طول اليوم وبعدين تتقل عليها الدم بيتوجه للمعده بكمية اكثر عشان يساعد على الهضم وبالتالي الدم الواصل للمخ بيكون اقل
عشان كدة من السنة نفطر على حاجة بسيطة وبعدين نصلي ونكمل فطارنا
اكيد ياباشا كله بيحس بتتيس رهييييييييييييييييييب جدااااااااااا
والمشكلة ان المعده بتكون خاملة طول اليوم واول ما تفطر تشتغل بقا وتحس بتقل وتعب جامد اوى احلى حاجة تفطر عليها عصير جوافة باللبن رهييييييييب وبيرطب المعده وخفيف
بعد الفطار طبعا حاله التتييس دي حاجه طبيعيه جدااااااااااا
وبروح عامل شوب القهوه المتين
ونازل متكل علي الله فاتح المحل
اكيييييييييييد طبعا دى حاجه طبيعيه جدا هذه الحاله من الرغبه الشديده فى النوم
باشا
كل سنه وحضرتك طيب
اللى بيحصل ان معدتك بتكون فاضيه طول النهار ومره واحده بتملاها
فالطبيعى ان المعده موش هتهضم الاكل دا بالكفاءه المطلوبه فهتحس بخمول وتعب وارهاق
فالصح ان لما تيجى تفطر وقت الاذان تاكل حاجه فيها سكريات زى التمر مثلا وبعد كدا تشرب حاجه فيها سكر وتنزل تصلى مع حركتك فى الصلاه هتلاقى ان جسمك نشاطه زاد نتيجه للسكر اللى انت امديته بيه يبقى كدا الاستفاده فى انك امديت جسمك بالطاقه شغلت معدتك ونشطتها بعمليهه هضم بسيطه فطرت عالسنه واخدت الاجر والثواب ان شاء الله ودلوقتى بعد ما تخصل الصلاه سمى الله وكل وما تتقلش اوى عشان تقدر تصلى العشا والتراويح
وكل سنه وانتوا طيبين
زيك تمام
بحس ان انا مهنج وعايز حد يعملى ريفريش بس استحالة انام
بس بعد شوية شاى وشوية قهوة الحياة بتبقى فى اللذيذ
وكل سنة وانتم طيبين ورمضان كريم
دة اانا باكل من هنا واحس اني اتقل وااحد في الدنيا كلها
والدنيا باايظة عندي خاالص
اقتباس:
المشاركة الأصلية كتبت بواسطة micromoud
انا بعمل كده علطول والحمد لله مش بحس باي رغبة في النوم
وبسهر للشروق وانام للظهر فمبحسش باي جوع او عطش طوال اليوم
meeeee to
انا باكل بحس اني تقييييييل جدااااااا
بس بجي علي نفسي و انزل اصلي التراويح و بعديها اخرج مع اصحابي علي اي كافية و ارجع افضل ع النت للصبح
امبارح كان الفطار عند جدتى , من كتر التعب بتاع الفطار رحت نـــايــم هناك و صحيت الساعة واحدة روحت و نمت فى بيتنا و لسه صاحى :) .
بجد الموضوع ده مضيعنى خالص . كل يوم اكل و اناااااااام و انا بطبيعتى بحب النوم اصلا يعنى العملية باظة خالص :) .
دة طبيعى لان الدم بيتجة للمعدة فبيقل من المخ فبتحس بتوهان و تتنيح
انا بقا بكل حاجه بسيطه وبعدين بعد الترويح اطلع اعيش فى المطبخ
كلمة تتييس دي قليلة .. انا بحس أني مغلف في كيس نايلون كبير .. معزول صوت وصورة .. وكله كوم .. وبعد أول سيجارة كمان كوم تاني .. أجارك الله أكنك لسه فايق من بنج :8954[1]::dzey:
طب حد جرب يفطر على تمر بس
انا لما كنت بفطر على تمر بس حوالي 7 حبات او 10 او كوباية ميه بعسل ابيض
ومعروف علميا ان العسل الابيض المذاب في الماء(شراب العسل) والتمر الطرى هما اسرع السكريات امتصاصا من المعدة
وبعد كدة بنص ساعة تاكل اكلتك الطبيعية
وايام الاعتكاف كانو الشيوخ بينصحونا نفطر تمر فقط وبعد صلاة العشاء والتروايح نفطر الاكل التمام ونطلع ننام لغاية التهجد
بجد كان احلى وقت اقدر اصلي فيه وانا خفيف ومعدتش مش تاعباني وفي منتهي التركيز والخشوع
لكن لما بضرب عند والدتي او حماتي
بتحول لتمثال شمعي مش قادر يهش الواد بيدو الرخم لما يجي يغتت عليا
ههههههههههاقتباس:
المشاركة الأصلية كتبت بواسطة karim_monir
مرة من كام سنة بنت اختي مسكتني و هاتك يا تلطيش بالاقلام (كان عندها سنتين)
الموضوع دا لذيذ جداً ..
و بصراحة نفسي اجرب الفطار الخفيف و بعد العشاء الأكلة التمام زي ما الأستاذ كريم بيقول..
منطقياً .. هو دا الصح .. بس احنا مبنحبش الصح!
انا اول يوم صيام كنت معزوم عند عمتى وما ادراك عمتى .....:hlopaet_prv:
انت لو لسة واكل فى بيتك ورحت عندها لازم غصبن عنك هتاكل
تخيل بقا على الفطار وفى رمضان
انا اكلت .. بس اكلت لان الاكل كان لا يقاوم :Ob_mak1[1]:
انا الحمد لله كنت مصلى المغرب قبل ما اكل كسرت صيامى ورحت صليت واعدت اكل ...:khd: حسيت بعدها انى عايش فى متحف الشمع كله اعد ولا قادر يحرك ايده
عمتى ابنها عنده عقلة طلعت اعمل واحدة بس تفوقنى
وياريتنى ما طلعت عليها حسيت ان العقلة هيا الى بتطلع وتنزل مش انا
بس على بليل قدرت انزل اروح ..اروح بس
بس امبارح بعد صلاة التراويح حسيت ان فيا طاقة رهيبة معرفش ليه
انا بحس انى واخد حقنة بنج ولازم شاى عشان ارجع تانى !!
واللة دة مشكلة كبييرة جداااااااا
انا فطرت و باحاول اقاوم الحالة
انا فطرت و باحاول اقاوم الحالة
انا فطرت و باحاول اقاوم الحا ......
انا ف
انا
خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ خخخخخخ
ششششششششششششششششششششششششش شششششششش
حاسس انى واخد حقنة بـنـج .
انا مش فاهم...انتو بتقدرو تاكلو جامد كدة ليه على الفطارر...انا مش بقدر احط حاجه فى بقى مش عارف ليه....بشرب عصاير وسكريات وبعد كد ابقىاكل بعد العشاء بكون فعلا جعتاقتباس:
المشاركة الأصلية كتبت بواسطة أحمد كمال
اثار الحالة ظهرت عليا ... بحاول اقاوم و اقوم انزل ادعولي اقدر
حصلت معايا اول يومين صيام... مع اني ماباتقلش في الاكل. يادوب لقمه خفيفه وكوباية ميه (بابقي ميت من العطش)... واولع سيجاره وبعدين كوباية عصير.
مازاجك عالى :F_eyeb1[1]:اقتباس:
المشاركة الأصلية كتبت بواسطة Drift_Lover