تصريح سير لمدة شهر لحين الاصلاح !

**Cell_k** · 24-08-2009 03:09 AM

السلام عليكم

قريبى راح رخص لوحدة فى مرور السلام المهين و هو علشان صغير و اول عربية يرخصها معرفش يسلك مع المهندسين الجشعيين اللى هناك المهندش كتبله فى ورقة الفحص تصريح شهر لحين تغير المراية الشمال علشان كانت ملزوقة و الازاز الامامى قال ايه علشان جلد الازاز الامامى ناقص و مش مظبوط !! قمة التخلف و المصيبة ان احنا فى رمضان !!
المهندس قالة هتنقل الملكية عادى و تطلع تصريح و تيجى بعد شهر تفحص تانى و تستلم الرخصة بتاعتك ...

سؤال يا جماعه اية ظروف التصريح المؤقت ده ؟ و هل فى مشكلة منه لو جه بعد الشهر ؟ و ايه نظامه مع اللجان ؟

**Cell_k** · 24-08-2009 05:22 AM

ya جماعة حد يعرف حاجة عن موضوع الشهر دة علشان هو ريح بكرا ينال ملكية

**Mosmafa** · 24-08-2009 05:32 AM

عادي جدا
يروح بعدها باسبوع ويشوف كارت من اي حد
ولو ملقاش كارت يشوف اي واحد عربيته متبهدلة داخلة الفحص
ويعزم عليه بسجارة و يقوله ظبطت نفسك ازاي عشان خلص هو كمان
بس بشرط ميروحش لوحده وميديش الرخصة لحد غريب او يدفع من غير ما يتأكد ان كله تمام
عشان ميتنصبش عليه
صحيح بتوع التاكسي اللي بيفحصو ادرى الناس بحوارات التسليك

**Cell_k** · 24-08-2009 05:37 AM

شكرا جزيلا يا أستاذ مصطفى على اهتمامك و ردك

يعنى دلوقتى ينقل الملكية و يرخص و بعدها يروح يظبط الدنيا و لا يعمل ايه ؟

اصل المشكلة انه مسجل العربية و فاضلة فى مهلة الشهر لنقل الملكية 5 ايام !

**Mosmafa** · 24-08-2009 06:00 AM

ينقل عادي وميشغلش دماغه
اهم حاجة يبقى معاه ورق يمشيه شهر اسبوع
بس محدش يقله تلت التلاتة كام
ويخلص في اسرع وقت لانه لو مستخصر ال 100 جنيه بتاعة المهندس
هيدفع ادها مرتين تلاتة يا مخالفات يا فتح دماغك مع الامين من 20 ل 50
وربنا يبعد عننا ولاد ال__ بتوع المرور

**Cell_k** · 24-08-2009 06:16 AM

جزاك الله خيرا على مجهودك معايا

و اهو ساعه و هينزل على بركة الله يروح بدرى علشان طابور نقل الملكية يومة بسنة
و أهو تصريح شهر أحسن من مافيش خالص ...

شكرا جزيلا مرة تانية :)