للأسف حدث فى تانى يوم من الشهر الكريم

**youssefmustang** · 24-08-2009 03:11 AM

بسم الله الرحمن الرحيم
كل سنة وانتو طيبن وربنا يعود الايام عليكم بخير
انا شغلى فى الزمالك فى السفارة البريطانية
عند فندق ام كلثوم
كالعادة كل يوم بروح بلاقى تحت الكوبرى شباب وبنات مقضينها على الاخر ومحدش مكسوف من اللى بيعملوه
عادى مش مشكلة بقت ظاهرة
لكن فى رمضان دى مصيبة والف مصيبة
نازل من الشغل والاقى البنت قاعدة على حجر الواد وعايشين الحياة على اغانى نجم الجير (الاستاذ شعر الصدر) تامر حسنى
دمى اتحرق جااااااااااامد
فى ظباط بيقفو عند برج ام كلثوم رحت اكلم الظابط يقولى وانت مالك ما تخليك فى حالك يبوسها ولا * * * * انت مالك يا رخم خلى الناس تعيش
وده كان رد الظابط المحترم رجل الامن والامان
مشيت طبعا وانا خيبت الامل كلها فى وشى ركبت المواصلات طبعا انا ساكن فى عاصمة جهنم ( الوراق)
ركبت الميكروباص والدنيا حلوة والمواصلات زى الفل ما فيش زحمة خالص الحمد لله
جيت عند التوحيد والنور والاقى عربية شيفروليه دبابة نص نقل فى 6 شبان ماسكين شاب ونازلين فيه بالمطاوى السكاكين والشوم عليه المهم (زى فيلم ابراهيم الابيض) السواق طلع جدع واخد رقم العربية المهم اللى كان قاعد جنبى معاه والدته قالو هات رقم العربية لو سمحت يا اسطى (راجل قمة فى الادب والاحترام)
المهم وصلنا عند القسم نزل وقال لوالدته انا هخش القسم هبلغ والدته كانت خايفة عليه بصراحة وتقوله لحسن يجيبوك الناس دى وتموتك قالها ماتخفيش
المهم طلعت معاه القسم دخلنا سألنا الامين اللى واقف على الباب قالنا اطلعو فوق للمباحث طبعا انا طلعت كتير القسم عشان الفيش والبطاقة العسكرية و وكده
لكن شوفت انهارده كمية متسولين وعربجية وبلطجية واشكال تقرف ماسكينهم ونازلين فيهم طحن
فرحت والله انهم بدأو نضفو الناس فى رمضان
المهم بكلم واحد من اللى كانو قاعدين بحكيلو على اللى حصل
يرد يقول طب ايه يعنى
انا انفجرت بقى فيه
قولتله ايه يعنى !!!!!!!!
انت ممكن تودى نفسك فى داهية بالكلام ده
قال محدش يعرف يثبت عليا اى حاجة ثم انت مين عشان تكلمنى كده
قولتله انا اقدر وكان ممكن اصورك من غير ما تاخد بالك
قام اتنفض ويقولى طب انتو عايزين ايه دلوقتى
الراجل اللى معايا زعقلوه وقالو اندهلى اى حد اكبر منك
قالو انا هنا عايز ايه
المهم الراجل شد معاه فى الكلام وصوته على ...
واحد من امن الدولة طلع على الصوت العالى
فى ايه يا اخ فى ايه !
قالو حصل كذا كذا ... وده بيقول ايه يعنى بنكلمو حضرتك مش عاجبو الكلام.
بصلو حتة بصة وراح قايلو انزلى تحت يا يا ابن * * * * يا * * * * حسابك معايا بعدين وحيات امك لهيكون اخر يوم ليك فى الداخلية.
بصراحة الراجل طلع فى قمة الاحترام والذوق

ايه يا جماعة فى ايه ..
حكينالو على اللى حصل واخد رقم العربية واخد رقم بطاقة الراجل وبطاقتى .
وقالنا الف شكر يا ريت كل الناس زيكو كده ومتخافش من حد الف الف شكر تعبناكو معانا.
واحنا نازلين سماعينو بزعق للتانى وبيقلو ماهو اشكلكم اللى خلت منظر الداخلية زى الزفت قدام الخلق تعالالالالالالالالالالالى جوه
وبعد كده طلعنا انا والراجل من القسم سلم عليا وقالى فرصة سعيدة تعبتك معايا قولتلو ده اقل واجب ممكن اعمله مع واحد زي حضرتك الف شكر.
كل ده حصل فى تانى يوم من رمضان .
وسبحان الله معظم الخناقات والمشاكل والقرف ما تحصلش غير فى رمضان
وكمان غير اللى بسمعه من صحابى فى الشغل
واحد صاحبى ساكن فى المنشية بيقولى 9 خناقات كلها بالسيوف ومية النار والملوتوف .
بقت حاجة تقرف بجد
وان دل ده يدل على ان فعلا القياااااامة قريببببببببة جدا جدا جدا
لا اله الا انت سبحانك انى كنت من الظالمين .

انا اسف يا اخوانى على اى لفظ صدر منى لكن ارجوكم حطو نفسيكم فى موقفى..

اخوكم يوسف

**dirtydog** · 24-08-2009 03:25 AM

حسبى الله ونعم الوكيل فى البلد ديه

**JAM** · 24-08-2009 03:28 AM

لا حول ولا قوة الا بالله

انا بعدى كل يوم من عند التوحيد والنور ودا بحكم عملى فى وزارة الرى... وبشوف حاجات زى الزفت فى الحتة اللى اسمها الموقف وانتا رايح على الدائرى

**أحمد كمال** · 24-08-2009 03:34 AM

لا حول و لا قوة الا بالله

**aly_hosny** · 24-08-2009 03:41 AM

حسبى الله ونعم الوكيل في ناس مبتخفش من ربنا

**rockana9112007** · 24-08-2009 03:45 AM

انا عاوز اقول حاجة ان الناس بتلجأ للعنف لما تلاقى ان القانووون احبالة طويلة جدااااا جدااااا وكمان مش هياخدو حقهم وقانون مالوش هيبة .فعشان كدة بيظهر قانون الغاب (وأن لم تكن ذئباااااا فنهش كالكلاب)

**youssefmustang** · 24-08-2009 03:47 AM

انا بجد نفسى اعزل من المنطقة دى وبابا كمان ندمان ندم الدنيا والاخرة انه حط شقى عمره فى البيت بتعنا اللى فى الزقت الوراق وعمال يقول ( الناس تعزل من منطقة لمنطقة تانية لكن احنا عزلنا من شارع لشارع تانى الناس النضيفة مشيت وسابت الوراق مش عارف احنا قاعدين فيها ليه لحد دلوقتى ) وهو بينى وبينكم مش هاين عليه يبيع البيت اللى جمعنا انا واخواتى فيه
بس بردو انا عن نفسى مش هتجوز فيها مهما حصل ......
اخوكم يوسف