مودرن موتورز من أسوأ التوكيلات في مصر
أنا حصل معايا موقف وحش جداً مع التوكيل ده
رحت علشان أعمل صيانة ال 5000 في مودرن موتورز الدقي وبعدين إستلمت العربية ومشيت ويادوب طلعت على أول الشارع كان اخويا مستنيني. وهو بيركب العربية قاللي الرفرف اليمين من قدام مخبوط فنزلت بصيت عليه واتجننت لما شفت الخبطة:_Alshmokh08[1]:. فرجعتلهم زي المجنون علشان أشوف حكاية الخبطة دي.
فدخلت على المهندس اللي سلمني العربية ووريته الخبطة فقالي دي مش من عندنا فقلتله وإنت بتستلمها مني كانت مخبوطة فقاللي لأ كانت سليمة فقلتله يبقى إزاي مش من عندكم فقالي حضرتك خرجت بيها ومقلتش حاجة فقلتله أنا مبصتش عليها لما إستلمتها وبعدين انا بالظبط مستلمها من 5 دقائق فملحقتش اخبطها وآجي فقاللي مليش دعوة:_Alshmokh08[1]: ففضلت أزعق وأهلل وقلتله أنا مش محتاج أكدب عليك لأني أصلاً مأمن على العربية وهصلحها في التأمين ببلاش وبالتالي معنديش مصلحة في إني أكدب فقاللي وأنا بثق في العمال اللي شغالين معايا وهم مخبطوهاش (يعني بيقول عليا كداب. خدمة عملاء زي الزفت).
المهم خدت العربية وروحت قعدت أتصل بفرع أبو رواش علشان أوديها تتصلح ومحدش رد على التليفون خالص دايماً جرس ومحدش بيرد (بهوات) فزهقت وقلت أبقى أروحلهم بنفسي.
المهم بعد يومين لقيت خدمة العملاء بتاعتهم بتتصل بيا وبيسألوني عن رأيي وملاحظاتي في صيانة ال 5000 طبعاً رصيتلهم كل اللي في نفسي.
المهم إعتذرولي بالنيابة عن المهندس وقالولي حضرتك غلطان إنك معاينتش العربية كويس وإنت بتستلمها وكده حضرتك هتصلح العربية على حسابك:_Alshmokh08[1]: قلتلهم طب أنا مش عارف أكلم الناس بتوع أبو رواش مبيردوش على التليفون فقالولي هنحجز لحضرتك معاد وهنتصل بيك
عدى أسبوعين ومحدش عبرني وفي الآخر رحت بنفسي وديتها ومش هحكيلكم على اللي حصل هناك من عدم إهتمام
تخيلوا علشان أسلم العربية فضلت أدور على المهندس اللي هيستلم في الورش جوا وقعدت ألف عليه حوالي ساعة وأروح أسأل في الإستقبال يقلولي دور عليه (إيه التوكيل ده:majd(4):) دا أخويا في غبور مبيعملوش معاه كدا.
المهم أنا دلوقتي بقالي أسبوعين مستني العربية تخلص وحسبي الله ونعم الوكيل.
وقررت متعاملش مع الناس دي تاني. بيقولوا السبع كويس إن شاء الله هبقى أروح عنده بعد كده