الى اهل الخبرة فى الفيليشيا
السلام عليكم ورحمة الله وبركاته..
انا عندى سكودا فيليشيا 96 كنت لسة شاريها من حوالى 4 شهور ومكنتش عندي اي خبرة عنها فالمهم بجهل منى الموتور باظ وعملتله عمرة ومكنتش اعرف ميكانيكية بتفهم فى العربية دي فا رحت لواحد معرفة عملت العمرة عنده .. ومن ساعتها وعندي مشكلة هى ان لمبة الزيت دايما تنور فى السلانسيه غيرت الساعة والزيت والفلتر والطرنبة ومفيش فايدة .. وفى واحد ميكانيكى قاللى ان العيب ان العمرة متعملتش كويس والعيب فى السبايك فهل الكلام اللى بيقوله ده سليم ولا لاء ولو سليم هل ممكن تتعالج ولا لازم تتعملها عمرة من جديد..
وفى عيب تانى ان العربيى لما بتسخن شوية سحبها بيبقى تقيل جدا فهل العيب فى موضوع الزيت ولا ممكن يكون عيب تانى ..مع العلم انى بحطلها بنزين 80 فهل ده صح ولا غلط.
ارجو الافادة واسف على الاطالة