تجييره في طابلوة النيو اكسنت

**sss2000** · 24-08-2009 01:45 PM

كل سنة وانتم طيبين رمضان كريملاحظت بعد غسيل الطابلوة بالماء انة ظهر فية رقع كدة مجيرة وكل ما ارش سبراي تلميع يفضل فترة وبعدين تظهر التجييرة تاني فما هو الحل افيدوني افادكم الله

**BassamHafez** · 24-08-2009 04:41 PM

واضح ان كله كده لان انا عندي نفس الكلام في نفس العربيه

**sss2000** · 27-08-2009 11:55 AM

اية يا جماعة محدش عندة حل فين اصحاب الخبرة

**firstknight216** · 27-08-2009 03:41 PM

اعتقد والله اعلم ان اللون بتاع التابلوه اتغير اصلا من كتر الغسيل او الغسيل الخاطئ فموضوع رش اسبراي او اي حاجة تانية لا اعتقد انها ستفيد
جرب للتبلوه armor
وديه تجربة مش اكتر

**megaman** · 27-08-2009 07:07 PM

المفروض ان التابلوه لا يغسل بالماء يمسح فقط بفوطة مخصصه بتكون قطيفه وبعدها استعمل ملمع تابلوه stp اسمه sun of the gun موجود فى محطات موبيل ولونه اصفر وهو منتج امريكى ممتاز جربه وادعيلى ويستخدم كالاتى رشه على قطعة قطيفه تباع لهذا الغرض ثم وزعه على التابلوه والاجزاء السوداء فى الابواب والقوائم واتركه يجف انا بستعمله تقريبا مره كل شهر ما عدا ذلك بمسح التراب ولتجنب التراب اغلق النوافذ دائما واستخدم التكييف او الهوايه

**sss2000** · 29-08-2009 03:01 PM

اشكر حضرتك علي اهتمامك واسف علي التاخير في الرد بس هل التجييرة دي هتروح بعد كدة

**Marwanelbendary** · 30-08-2009 12:33 PM

عندي اقتراحين كويسين ممكن ينفعوا ولو مانفعوش قولي علشان أقولك اقتراح تاني بس جرب دول الأول

1- فوطة نضيفة و فيها شوية زيت موتور نظيف و امسح التابلوه كله وسيبه كدة كام يوم وان شاء الله هاتقل جامد.

ولو ماحصلش حاجة خوش على الخطوة اللي بعديها:
2-اشتري بولش لمعة خشن و لازم يكون النوع المصري و اشتري بولش اللمعة الناعمة وهاته أي حاجة و لو مصري حيكون أوفر ومش وحش وادعك التابلوه كله بالبولش الخشن جامد وشوف لو ما رجعش اللون .ي ماكان لمعه بالبولش الناعم و هاشوفلك حل تاني