كيفية الكشف على سيارة فيكترا قبل شرائها

السلام عليكم و رحمة الله و بركاته

أنا نويت اشتري فيكترا 2000 و طبعا قريت معظم المواضيع الجميله الي فالمنتدى هنا تسلم إيديكو
أنا عندي طلب ملح من خبراء الفيكترا الي هنا, عايز أعرف إزاي نكشف على العربيه قبل منشتريها علشان زي منتو عارفين العربيه معقده جدا و بيبقى فيها عيوب مستخبيه صعب الوصول ليها و طبعا الكل هنا عارف شكل تمن قطع الغيار بتاعتها و بصراحه انا مقدرش اشتري عربيه تحتاج تصليح باللافات الكتيره دي و في بعض الاحيان متتظبطش ابدا زي محصل مع بعض الإخوان هنا دي حاجه محزنه جدا

برجاء الإفاده عشان الفايده تعم على الجميع مع جزيل الشكر و كل سنه و أنتم طيبين

بصفة عامة
افضل كشف فى التوكيل
لان التوكيلات بتتلكك وتطلع اى عيب فى العربية
هوا غالى ممكن تدفع 200 او 300 جنيه
بس عن تجربة
بتحمى فلوسك

طب و هما فالتوكيل يقدرو يعرفو أي عيب فالعربيه ولا ممكن حاجه او اكتر تعدي عليهم؟ و هل ممكن يوضحو تكلفه إصلاح العيوب الي لقوها ولا لأ؟

و شكرا على الرد يا باشا :)

اقتباس:

---

المشاركة الأصلية كتبت بواسطة slimbig

طب و هما فالتوكيل يقدرو يعرفو أي عيب فالعربيه ولا ممكن حاجه او اكتر تعدي عليهم؟ و هل ممكن يوضحو تكلفه إصلاح العيوب الي لقوها ولا لأ؟

---

لو توكيل محترم
مفيش حاجة تعدى منه
وممكن تتطلب
مقايسة بقيمة الاصلاحات المطلوبة
تاريخ العربية
يعنى الاصلاحات او الصيانات اللى اتعملت عندهم

عن تجربة فى كيا
كتبوا ان العربية عايزة ريشة مساحة وقفيز بطارية
فى رينو
كتبوا الاكسسوارات اللى الربية خدتها اما سالت على التاريخ بتاعها
بس يكون معاك رخصة العربية

انت هتشترى موديل كام الاول

موديل 2000 طيب انا فإسكندريه تعرف توكيل كويس هنا؟ لو مفيش انا ممكن اروح القاهره دلني لو تعرف على توكيل يعمل الحكايه دي كويس, انا بس قلقان عشان إظهار عيوب العربيه دي بيكون صعب جدا خصوصا في غياب اجهزه الكمبيوتر الي بتكشف الأعطال و كمان في حجات كتير كمبيوتر العربيه ملوش دعوه بيها مينفعش يكشف عليها

اقتباس:

---

المشاركة الأصلية كتبت بواسطة slimbig

موديل 2000 طيب انا فإسكندريه تعرف توكيل كويس هنا؟ لو مفيش انا ممكن اروح القاهره دلني لو تعرف على توكيل يعمل الحكايه دي كويس, انا بس قلقان عشان إظهار عيوب العربيه دي بيكون صعب جدا خصوصا في غياب اجهزه الكمبيوتر الي بتكشف الأعطال و كمان في حجات كتير كمبيوتر العربيه ملوش دعوه بيها مينفعش يكشف عليها

---

للاسف لا
انا قصدى بالتوكيل
التوكيل نفسه اللى بيبع العربية
هما ادرى الناس بيها وعندهم الكمبيوتر بتاع الكشف

الحاجات التانية
اللى مش بالكمبيوتر
بتبان بالفحص يعنى هما بيفحصوا العربية

على فكرة الكشف ده بيقعد بتاع ساعتين تلاتة مش وقت قليل

شكرا على مجهودك يا أحمد أفدتني والله, في انتظار ردود الأعضاء

بص ياحبيب قلبى للاسف وهذا يعلمة الجميع توكيل اوبل دون المستواء يعنى مستواة ضعيف وهتعدى علية حجات كتير اوى
بص العملية بتبان من حالة العربية سيبك من فبريكة وبتاع مفيش عربية فى مصر مبتتخبطش
يبقا هنا عداد الكيلو متر للاسف بردة مش مقياس لانك ممكن تمشى 50 الف محترم وممكن تبهدل فيهاء
يبقا هنا الحالة العامة للعربية وهى كالاتى
1- شسية
وهى على الاغلب كل العربيات الاوبل الخبط فيها قليل لانها مش بتاعت جرى ولا كدة والشسية بتعها قوى جدا لكن الحكات فى الجزء الاسفل من حكات المطبات هتبينلك مداء اهتمام الشخص بيهاء ومداء حرصة على نظفتها
2- متور
حالة المتور دية هى الشىء الاساسى وانصحك 2000 سىسى اليكوتك لانة متور قوى وبيستحمل كويس وهيعجبك فى الجرى اوى وعلى فكرة مبيكلش بنزين زى مالناس بتقول خالص ودة تعرفة بانك تحطة على جهاز كشف الاعطال وهو يقلك ودة موهم اوى عشان لو فى اى نظام مش شغال هو هيقلك abs abd وتحطة على جهاز اخر لقياس كبي المتور هو الاهم لانك ممكن تمشى 200 الف بس المتور كويس وممكن تمشى 100 الف والمتور حلتة مش كويسة ودية بترجع لموعيد الصيانة الصحيحة مرقبت الحرارة وتغير اى عطل ظهر وعدم اهمالة وعلى كبس المتور انت ممكن تجيبة ما بين 12/13 الى 9/13 ويعيش معاك كويس
3- كهربا
وهى تظهر ان لو صاحب العربية مهتم بالصيانة هتلقى كل ضفاير العربية سليمة وغير متاثرة بالحرارة ودة دليل على اهتمامة بيهاء
4- عفشة
ودية نوع استهلاكى فى البلد بتعتناء دية وبتتغير ما بين 4 الى 10 سنين حسب المشى ودية بتبان اوى اطلع على اى طريق جيب سرعة علية لو خدت مطبات هواء شديدة وحسيت بيهاء تبقا العفشة مش تمام مسعدين تعبانة لة الدركسيون تقيل زيادة عن اللزوم وصوت طقطقة تبقا لوازم العفشة محتاجة تتغير بيض وبرات وتيش وبطحات
5 - تكيف
وهى مش مشكلة بس مشكلتة فى التكلفة العلية لقطع غيارة لو جبتهاء اصلية خلاص هيعيش معاك بس دة الراجل صاحب العربية يسلمهولك شغال لو قلك نص كلمة علية سيب العربية ومشى
6- الحالة العامة الداخلية للصلون
وهى تعبر عن استخدام الشخص نفسة ومداء اهتمامة بالعربية وهى بتبان اوى فى قطع الجلد الخاصة بالعربية مهتم غير مهتم
7- الحالة العامة للعربية من الخارج
وهى (الاكسدمات الاصلية - الفونيس الاصلية - المريات الاصلية )
وبتفرق فى شكل العربية كتير انك تركب الحاجة الالمانى لانها بتيجى مظبوطة غير الصينى والتيوانى حتى فى الفونيس هتلقى التيوانى بيصفر على طول على العموم سهل انك تعرف كل حاجة اصلية مكتوب ومحفور عليها gm
ارجون ان اكون اوضحت لك بعض النقاط القوية فى العربية التى مقدم على الشراء

تامر باشا ...... ده كلام كبير قوي متشكر جدا جدا منكم نستفيد

يا جماعه احب اسمع كل الآراء انا شايف ان الموضوع ده حينفع الجميع أو عالأقل المقبلين على الشراء

فعلا الموضوع ده مهم وانا استفدت كتير وياريت لو فى اراء تانيه متبخلوش علينا علشان تعم الفائده على الجميع

للعلم انا لما كشفت على عربيتى فى التوكيل ادانى تقرير 6 صفحات يعل عايزه ريش مساحات و عايزه لمبة صالون و شنطة و عايزه طاسة عجل اسبور و ولاعة سجاير و حاجات غريبة تعل بس بوجة عام انا عملته فى مقار لأنه ماسك العربية من يوم ما اتعملت و طلعولى تقرير باخر صيانة بس رذاله طلعت من عندهم على سمكرى و بوهيجى و ميكانيكى معرفه و بتاع عفشة و كشفت عليها تانى و قست كبس الموتور تانى احتياطى و غيرت الكاتينة و الفلاتر و الزيوت و السير و طرمبة الماية مع ان التوكيل قال انهم جداد و زى الفل بس برضوا اطمئنان و لسعونى فى 300 جنيه فى التوكيل كشف على حساب صاحب العربية بناء على طلبه لأنى كشفت عليها بعد ما اشترتها