السلام عليكم ورحمة الله وبركاته
انا بصراحة يا جماعه مخنوق من اعلان الضرائب الجديد هما لازم يفكرونا بالغم والقرف حتي في شهر الصيام والبركه وبعدين دا مش موسم الضرائب يعني الاعلان ملهوش اي لازمة يعني دايما يفكرو ازاي يغمو الشعب التعبان
عرض للطباعة
السلام عليكم ورحمة الله وبركاته
انا بصراحة يا جماعه مخنوق من اعلان الضرائب الجديد هما لازم يفكرونا بالغم والقرف حتي في شهر الصيام والبركه وبعدين دا مش موسم الضرائب يعني الاعلان ملهوش اي لازمة يعني دايما يفكرو ازاي يغمو الشعب التعبان
اعتقد عشان في ناس كتير بتتفرج على التليفيزيون في رمضان .. بالذات بعد الفطار.. فهما شايفين انها فرصة يعملوا الإعلانات في الوقت دا..
لكن لو على فعالية الإعلانات فأعتقد انها غير فعالة مع الشعب الجميل
مهما شكلهم لقو ان المدارس مجتش مع رمضان المرادى قالك لاء نشوف حوار جديد
+1111111111111اقتباس:
المشاركة الأصلية كتبت بواسطة successcre8or
فعلا رمضان فرصة زهبية للاعلانات
اموت واعرف هما بيصدقوا ان الشعب المصرى بيصد الاعلانات الساذجة ديه؟
ما انا بقول... الناس برضه زي ماهي!اقتباس:
اموت واعرف هما بيصدقوا ان الشعب المصرى بيصدق الاعلانات الساذجة ديه؟
مش مصدق اسأل عبد القوى قانوناً اللى بتكلموا عليه مخالفة دستورية صريحة لأنهم كده رجعوا بالقانون على قديمه يعنى التقدير و القرف ده مع ان عبء الأثبات انتقل للمأمورية فى انها تثبت العكس
هي مش كمية الاعلانات الرهيبه دي علي مختلف القنوات من فلوس الضرايب برضة اللي بتتاخد مننا يعني الحمله دي مش مكلفلها كام مليون كدة
حسبي الله و نعم الوكيل
على فكرة ...حملة الإعلانات اللي كانت في 2006 كانت السبب في مضاعفة إيراد الضرائب للدولة...لأنها زودت الوعي عند الناس...و الحملة كانت فعلاً ناجحة 100%
اعلانات مفيهاش اى ذوق وبتعبر عن الفكر الحكومى فى المتخلفين ومعاملتهم وافشاء العته والعبط
الأعلان اللى يهدد بالحبس اعلان يخوف مش يعلم
العلاق بين رمضان والضرايب ؟؟؟؟؟؟؟؟؟؟؟؟؟؟؟؟؟؟؟؟؟؟
الحســـــــــــــــــــــ ـــــــــــاب
فى رمضان حسابك عند ربنا
فى الضرايب حسابك عند الحكومة
(وحسبنا الله ونعم الوكيل)
عجبني التعليق دا جدآآآآ الحكومة بتحاسبنا حساب عسيراقتباس:
المشاركة الأصلية كتبت بواسطة ehabbasha30
دى سبوبة للتلفزيون و الممثلين (وماخفى كان اعظم) من دم الشعب الغلبان
مع احترامي لحضرتك و رأيكاقتباس:
على فكرة ...حملة الإعلانات اللي كانت في 2006 كانت السبب في مضاعفة إيراد الضرائب للدولة...لأنها زودت الوعي عند الناس...و الحملة كانت فعلاً ناجحة 100%
لكن الزيادة دي كانت بسبب القانون الجديد و ليس الحملة الإعلامية
و الزيادة كانت مصدرها كبار الممولين و ليس الطبقة المستهدفة في الإعلانات دي خالص.. و الدليل إضراب الصيادلة ..
ما هو القانون مكانش هايشتغل صح بدون تسويق....بالظبط زي السلع و الخدمات اللي بنشتريها....بدون تسويق صحيح؛ هاتفضل الحاجات مركونة علي الرفوف محدش عايز يشتريها...اقتباس:
المشاركة الأصلية كتبت بواسطة successcre8or
نفس الكلام علي القانون...لو اتعمل قانون الغرض منه إشتراك الممولين فيه...و محدش عرف عنه حاجة...أو الإسلوب اللي إتعرض بيه القانون غير مؤثر...يبقي محدش هايروح يدفع ضرائب..
بس إزاي الطبقة المستهدفة مش هي كبار الممولين؟ مش عشان الإعلانات كان فيها ترزي و بقال يبقى هما دول...لأ بالعكس...ده بيديلك نموذج مصغر للشركات و المكاتب....عشان مايبقاش فيه تشابه بين الإعلان و أحد حيتان الدولة...تبقي مصيبة :)
و بعدين حضرتك بتقول كبار الممولين هما مصدر نسبة كبيرة من الأموال...يبقي علي الأقل وصلنا لخطوة كبيرة ان احنا نجيب فلوس من الناس دي...اللي هما أسها حاجة عندهم التهرب من دفع الضرائب :)
المقال ده يعضض كلامي:
اقتباس:
مصر: حصيلة تطبيق أول مرحلة من قانون الضرائب الجديد تتجاوز 220%القاهرة: حسام سليمان
في أول تقييم حقيقي لتطبيق قانون الضرائب على الدخل بعد انتهاء موسم تقديم الإقرارات الضريبية للأشخاص الطبيعيين، أعلن الدكتور يوسف بطرس غالي وزير المالية المصري أن عدد الإقرارات التي تم تقديمها حتى آخر مارس (اذار) الماضي بلغ مليوني و39 ألف إقرار مقابل 1.1 مليون إقرار خلال نفس الفترة من العام الماضي وبلغت حصيلة الضرائب وفقا للإقرارات ما يزيد على مليار جنيه (نحو 174 مليون دولار) مقارنة بـ 400 جنيه وفقا لإقرارات القانون القديم بنسبة زيادة بلغت نحو 224 في المائة. وقال وزير المالية المصري في مؤتمر صحافي عقده أمس إن نجاح تطبيق القانون في مرحلته الأولى دليل على استجابة المجتمع الضريبي المصري للقانون الجديد وتأكده من أن وزارة المالية فتحت صفحة جديدة مع كافة الممولين فضلا تغير نظرة الإدارة الضريبية إلى الممول باعتباره شريكا للخزانة وليس غريما لها.
وأضاف أن تحقيق النجاح المرحلي لتطبيقات قانون الضرائب نتيجة رفع كفاءة الإدارة الضريبية من خلال إجراء دورات تدريبية لكافة مأموري الضرائب على مستوى 227 مأمورية في جميع أنحاء الجمهورية.
وذكر أن وزارة المالية انتهت من إدخال نحو 800 ألف إقرار على شبكات الحاسب الآلي، ومن المقرر أن تنتهي الوزارة من إدخال باقي الإقرارات خلال شهر على أن يتم استخراج نحو 15 في المائة من هذه الإقرارات كعينة عشوائية للبدء في فحصها، وقال إنه تم وضع مجموعة من الاعتبارات التي على أساسها سيتم اختيار هذه العينة بدون تدخل بشري يذكر. وقال إن بعض المحاسبين يزعمون قدرتهم على التدخل لاستئناف الممولين من فحص العينة العشوائية مقابل مبالغ مالية ضخمة، وأضاف أن هذا لن يحدث، مؤكدا أن وزير المالية ولا رئيس مصلحة الضرائب يستطيع أن يتدخل في اختيار العينة العشوائية، وقال إن مدة التقادم تبلغ 5 سنوات وهو ما يعني أن كافة الممولين سوف يتم ظهور إقراراتهم في العينة العشوائية خلال تلك الفترة.
وقال إن مصلحة الضرائب كانت تواجه مشكلة في التعامل مع أصحاب المهن الحرة إلا أن استجابة أصحاب هذه المهن لتطبيق القانون الجديد كانت كبيرة، مشيرا إلى أن مأموريتي المهن الحرة قد استقبلت حوالي 31 ألفا و500 إقرار مقابل 19 ألفا و600 إقرار العام الماضي، وبلغت حصيلة إقرارات أصحاب المهن الحرة نحو 25 مليون جنيه مقابل 7 ملايين جنيه العام الماضي، وقال إن هذه الأرقام تؤكد نجاحا ضخما للقانون فضلا عن ظهور وانضمام ممولين جدد إلى المجتمع الضريبي.
وتوقع الوزير أن تحقق مصلحة الضرائب الحصيلة المتوقعة التي تبلغ 40 مليار جنيه خلال هذا العام، وقال نحن نسعى أن نحقق اكثر من 60 مليار جنيه كحصيلة لضرائب الدخل خلال الأعوام القادمة.
ووعد الوزير برد أية أموال زائدة إلى أصحابها من خلال شيك مقبول الدفع، وقال إن عملية الفحص ليس هدفها تحصيل حقوق الخزانة فقط ولكن أيضا إعادة أية أموال دفعها الممولون عن طريق الخطأ إلى أصحابها.
الناس زي ما هي ... والضرايب زي ما هي ... والتسليك زي ما هي ... والنزيه والأمين بيتبهدل وتطلع عينه زي ما هواقتباس:
المشاركة الأصلية كتبت بواسطة successcre8or
الإعلان بس إللي أتغير