ركاب منوف. ‬يمنعون قطار الزقازيق من مغادرة محطة مصر

‬ شهدت محطة مصر عصر أمس الأول واقعة. ‬غريبة تجمع عدد من ركاب قطار منوف وجلسوا علي. ‬القضبان أمام قطار الزقازيق ومنعوه من التحرك لأكثر من نصف ساعة احتجاجًا علي. ‬تجاهل مسئولي. ‬السكة الحديد لاحضار جرار لقطارهم المتأخر...! ‬وكان قائد قطار. ‬957. ‬والمتجه من القاهرة إلي. ‬الزقازيق قد فوجئ عقب تحركه بدقائق من رصيف محطة القاهرة بتجمع عدد من الركاب والجلوس علي. ‬القضبان أمامه... ‬ورغم استخدامه. »‬الزمارة.« ‬عدة مرات إلا أنهم لم. ‬يستجيبوا له... ‬وظلوا جالسين مما دفع مسئولي. ‬السكة الحديد لترك مكاتبهم والنزول إليهم،. ‬وفوجئوا برفض الركاب السماح بمغادرة القطار المحطة إلا بعد احضار جرار لقطارهم المتجه إلي. ‬منوف،. ‬حتي. ‬يتمكنوا من الافطار أول أيام رمضان مع أسرهم.. ‬استمر احتجاج ركاب قطار. »‬منوف.« ‬أكثر من نصف ساعة... ‬مما اضطر هيئة التشغيل بالسكة الحديد إلي. ‬الاستجابة لمطالبهم،. ‬باحضار جرار لقطارهم،. ‬وانطلق القطاران متأخرين عن موعد مغادرتهما محطة الاقلاع بسبب الاحداث السابقة..‬

عجبي

هو قطر القاهرة منوف دا عمره ماجيه فى معاده أصلا أنا بدرس فى هندسة منوف و بروح شبين بالقطر مرة روحت المحطة الساعة 3 العصر لقيت القطر جاى قولت يا سلام المواعيد إتظبطت لقيت واحد قاعد رد عليا و بيقولى دا القطر الى المفروض يجى الساعة 11 الصبح دا غير إن القطارات الى من منوف لحد طنطا بيقفوا يجيبوا عيش من طابونه على شريط القطر فى أول شبين الكوم من ناحية منوف و عادى جدا و كمان ريحة فرامل القطار بتبقى ماليه العربية و بتلزق فى الهدوم لدرجة إن فى واحد صاحبى كان واخد تيشيرت بتاع أخوه من وراه لما شم ريحتة التى شيرت عرف على طول إنه كان فى منوف فعادى جدا الى حصل دا

يا سبحان الله!!!!!!!!

وجيبلنك اعلانات فى التلفزيون عن السكة الحديد قال راحة وامان ليك هما بيضحكو علينا ولا على نفسهم ولا على مين بالظبط

انا بفرح اوى من الاخبار الى من النوع ده على شان اهم حاجه ان الناس بتتكلم يعنى فيه امل

شكرا على الخبر

اقتباس:

---

المشاركة الأصلية كتبت بواسطة lancerevolution

هو قطر القاهرة منوف دا عمره ماجيه فى معاده أصلا أنا بدرس فى هندسة منوف و بروح شبين بالقطر مرة روحت المحطة الساعة 3 العصر لقيت القطر جاى قولت يا سلام المواعيد إتظبطت لقيت واحد قاعد رد عليا و بيقولى دا القطر الى المفروض يجى الساعة 11 الصبح دا غير إن القطارات الى من منوف لحد طنطا بيقفوا يجيبوا عيش من طابونه على شريط القطر فى أول شبين الكوم من ناحية منوف و عادى جدا و كمان ريحة فرامل القطار بتبقى ماليه العربية و بتلزق فى الهدوم لدرجة إن فى واحد صاحبى كان واخد تيشيرت بتاع أخوه من وراه لما شم ريحتة التى شيرت عرف على طول إنه كان فى منوف فعادى جدا الى حصل دا

---

باشا شكلك كده ركبت القطارات دى كتير انا الحمد لله اتشاهدت منها خمس سنين سفر لطنطا يوميا بالقطر دا لغاية مطلعوا روحى

وهو لسه القطر اللى بيقف عند مدخل شبين بيقف لغاية دلوقتى عشان يجيب عيش من الطابونة

ما هو ده التطوير

اقتباس:

---

المشاركة الأصلية كتبت بواسطة ainshouka

باشا شكلك كده ركبت القطارات دى كتير انا الحمد لله اتشاهدت منها خمس سنين سفر لطنطا يوميا بالقطر دا لغاية مطلعوا روحى

وهو لسه القطر اللى بيقف عند مدخل شبين بيقف لغاية دلوقتى عشان يجيب عيش من الطابونة

---

و هى الطابونة قفلت

الحمد لله عمرى ما ركبت القطار الا مرة من سيدى بشر لمحطة مصر فقط .

بس لسه من يومين كانوا جايبين اعلانات فى التليفزيون عن تطوير القطار و الناس اللى بتسرق الحنفيات :) .

ال يعنى التذكرة درجة اولى ب 10 جنيه يعنى :) فلازم الناس تحافظ على القطر .

كعادة الشعب المصري العظيم ... إنه بيصب جام غضبه على الناس إللي معملولوش حاجة ... ويبقى كتكوت قدام الناس إللي بيبهدلوه

اقتباس:

---

المشاركة الأصلية كتبت بواسطة terrible_darsh

الحمد لله عمرى ما ركبت القطار الا مرة من سيدى بشر لمحطة مصر فقط .

بس لسه من يومين كانوا جايبين اعلانات فى التليفزيون عن تطوير القطار و الناس اللى بتسرق الحنفيات :) .

ال يعنى التذكرة درجة اولى ب 10 جنيه يعنى :) فلازم الناس تحافظ على القطر .

---

من ضمن الحجات الغربية ان تذكرة النوم من الاقصر الى القاهرة كانت ايام ابيلا مصر بتاعتة ساويرس ب 140 جم لما اخدتها الحكومة من ساويرس بقت ب 230 جم نفسى اعرف لية ؟؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة MohaMed_Refaat

من ضمن الحجات الغربية ان تذكرة النوم من الاقصر الى القاهرة كانت ايام ابيلا مصر بتاعتة ساويرس ب 140 جم لما اخدتها الحكومة من ساويرس بقت ب 230 جم نفسى اعرف لية ؟؟؟؟؟؟؟؟؟؟؟؟؟؟؟؟

---

لان ايام ساويرس كان هو الى بياكل لواحدة
انما الحكومة لما خدتها عايزة تاكل كلها وتشبع :I_angr1[1]:

جدعان والله .