ازيكوا يا شباب
لسه طالع من تحت دلوقتي وكنت بفيم العربية بنفسي .. قولت اسلي صيامي بس انا فيمت الشباكين اللي ورا بس بدرجة L.Black تفتكروا ممكن اصحابنا اللي انتوا عارفنهم يغلسوا عليا :policeman:؟؟ ولا انزل اشيلهم تاني احسن ؟
عرض للطباعة
ازيكوا يا شباب
لسه طالع من تحت دلوقتي وكنت بفيم العربية بنفسي .. قولت اسلي صيامي بس انا فيمت الشباكين اللي ورا بس بدرجة L.Black تفتكروا ممكن اصحابنا اللي انتوا عارفنهم يغلسوا عليا :policeman:؟؟ ولا انزل اشيلهم تاني احسن ؟
حيغلسوا ويستظرفوا وكل اللى عاوز تقولة لانك لوماشى سليم اصلا حيتلككولك وربنا يستر
لا شيلهم
كنت افضل تركب عازل حرارى وخصوصا انا سمعت من V kool انك ممكن تركب عربيتك على مراحل كأنة تقسيط يعنى
واهو منه تجرب العزل بتاعهم
رمضان كريم
http://www.nilemotors.net/Nile/images/smilies/ma.gif
والله انتوا كده خوفتوني .. انا اتكلت على الله بقى
يا باشا سيبها على ربنا لو عندك زجاجين كهرباء ورا يبقى مش مشكله و انت داخل على لجنه ابقى افتحو لو مكانش يبقى انت و حظك لو معكش نمرة على موبايلك تكلمها يبقى ربنا معاكو غرامته على حسب معلوماتى 50 جندى خليهم احتياطى فى المحفظه :))))))))))))))))))
لو معاكش وساطة تعديك يبقى
1) سحب رخصة العربية نفسها
2)غرامة 150 جنية تدفع فى المرور
3)اعادة الفحص الفنى للسيارة للتأكد من ازالة المخالفات
4)استرجاع الرخصة بعد عذاب و عكننة و قرف !!!
ربنا معاك :)))
اقتباس:
لو معاكش وساطة تعديك يبقى
1) سحب رخصة العربية نفسها
2)غرامة 150 جنية تدفع فى المرور
3)اعادة الفحص الفنى للسيارة للتأكد من ازالة المخالفات
4)استرجاع الرخصة بعد عذاب و عكننة و قرف !!!
حسبي الله و نعم الوكيل... على اية دا كله مش عارف!!
ربنا معاك ويبعدك عنهم ويعمى عيونهم عنك
وخلى بالك ممكن تشيلهم وواحد غلس يدورلك على اى حاجه تانيه ويوقفك برضه
ممكن اعرف الدرجه كام
00
01
02
03
طيب ووضع الستاير الكبس المنتشره اليومين دول ايه
يصراحه بتوع المرور دول حاجه زباله قوى بس للامانه فيهم ناس محترمين
بس الاغلبيه بيحبوا يستنطعوا الناس ايم الهوندا الله يرحمها كان لازم فى اى لجنه اقف ويدوروا على اى حاجه
بس نصيحه بلاش الفيميه خليك فى الستاير احسن واضمن
بالليل بدل ما تفتح الزجاج افتح نور الكابينه الداخلي
الي هوه في سقف العربيه
وبالنهار افتح بس الزجاج الامامي
والنظريه في كده
ان بالليل النور الداخلي بينور الكابينه كلها فا ما بيلاحظش ان العربيه مضلمه من الفامية
وبالنهار لما بتفتح الزجاج الامامي النور بيدخل جوه العربيه فا بينورها وبيعطي نفس النتيجه بتاعة اللمض الي في السقف
انا مفيم درجة 02 من سنه
وما حدش وقفني غير مره واحده علشان نسيت افتح الزجاج الي جنبي وعلشان كانت بصراحه ساعتها النمر ممسوحه
معلش يعنى بس ليه الاصرار على مخالفة القانون ؟
هو ياباشا مش اصرار ولا حاجة الحكاية كلها ان حر الصيف و عدم كفاءة التكييف فى عز الضهر تخليك لازم تشوف حل عشان ما تتسلقش جوا العربية
1-تفييم العربية
2-v-cool ودة غالى شويتين
3-ستاير كبس
وانا عن نفسى بعد ما جربت الستاير الكبس عرفت قيمتها كفاية انى كنت بركن العربية ساعتين فى عز الضهر و اجى اركب لازم استنى ربع ساعة و افتح ال3 شبابيك عشان اعرف اسوق
دلوأت بصراحة مبحسش ان العربية واقفة فى الشمس اساسا
الفامية 00 ذى 03
لو فيمت فيم صح
ذى بالضبط لو سرقت اسرق جمل !!
يا عزيزى كلة مخالف فالما تتسحب خليها تتخالف ع حاجة تستاهل مش 00 او 01
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!
طيب يا جماعة لو اتسحبت ارخصة و انا ليا حد يقدر يجبهالى برضو حدفع الغرامة وبعدين لو الظابط لو شافنى وانا بنزل الازاز (مفيم الازازين الادام) ممكن يقولى ارفع الازاز
اة با جماعة ما حدش عايز يرد عليا لية؟؟؟؟؟؟؟
مش عارف المفروض اقول مبروك ولا ربنا يستر عليك بصراحه,انا عارف قد ايه الواحد لما بيكون عامل حاجه جديده فى عربيته بيبقى مبسوط بيها وبيتضايق لما حد يقوله ده مش صح او مش حلو,موضوع الفيميه طبعا الاعضاء كلهم عارفينه ومش محتاج كلام زياده بس انا من يومين كنت قرأت ان احد اعضاء المنتدى كان مفيم ودخل لجنه والظابط رخم عليه خلاه يشيله بالمفاتيح بتاعت العربيه فخد بالك
عموما مبروك ورمضان كريم
تقبل تحياتى
والله بعد الكلام ده كله انا نزلت وشيلت الشغل اللي عملته:majd(4): .. مش عايز فامية .. عايزيين نمشي جنب الحيط احسن
الغريبه ان الواحد كل مايشوف عربية ظابط لازم يلاقيها
متفيمه كلها
لدرجة ان الواحد حاسس انهم لغوه علشان نعرف عربيات الظباط
من التفييم